બોલીવુડ / કંગના રનૌત વિરૂદ્ધ મુંબઈમાં FIR, સોશિયલ મીડિયા પર 'નફરત ફેલાવવા'નો આરોપ,

  • 24-Nov-2021 09:53 AM

 

બોલીવૂડ એક્ટ્રેસ કંગના રનૌત પોતના વિવાદિત નિવેદનોને લઈને સતત સમાચારમાં રહે છે. આની સાથે જ તેને પોતાના વિવાદિત નિવેદનોને લઈને મુશ્કેલીઓનો સામનો કરવો પડે છે. કંગના રનૌત એક વાર ફરી પોતાના વિવાદિત નિવેદનને લઈને મુસીબતમાં ફસાઈ છે. વાત એવી છે કે, કંગના રનૌતે શિખ સમુદાયને લઈને એક નિવેદન આપ્યું હતું. જેના કારણે તેની વિરૂદ્ધ મુંબઈના ખાર પોલીસ સ્ટેશનમાં એફઆરઆઈ નોંધાવવામાં આવી છે.

દિલ્હી શિખ ગુરુદ્વારા મેનેજમેન્ટ કમિટીના અધ્યક્ષ અને શિરોમણી અકલી દલના નેતા મનજિંદર સિંહ સિરસા સતત કંગના રનૌતને લઈને ટ્વિટ કરી રહ્યા છે. હવે મનજિન્દર સિંહ સિરસાએ એક વિડીયો ટ્વિટ કરીને જણાવ્યું કે, કંગના રનૌત વિરૂદ્ધ દિલ્હી શિખ ગુરુદ્વારા મેનેજમેન્ટ કમિટીએ જે ફરિયાદ આપી હતી, હવે તેની વિરૂદ્ધ એફઆરઆઈ નોંધાવવામાં આવી છે.


મનજિંદર સિંહ સિરસાએ આગળ કહ્યું કે, કંગના રનૌત સતત દેશની આઝાદી વિરૂદ્ધ, શિખો વિરૂદ્ધ, ખેડૂતો વિરૂદ્ધ અને ખેડૂતોની માતાઓ વિરૂદ્ધ અભદ્ર ભાષાનો ઉપયોગ કરી રહી છે. હાલ કંગના રનૌત વિરૂદ્ધ એફઆરઆઈ નોંધાવવામાં આવી છે અવે આવનારા દિવસોમાં આ કેસને લઈને તેને જેલની હવા ખાવાનો વારો આવી શકે છે. મનજિન્દર સિંહ સિરસાએ કહ્યું કે, કંગના રનૌતને સમજાવી કારણ કે તેઓ નથી ઈચ્છતા કે કોઈ મહિલા વિરૂદ્ધ આવી કોઈ કાર્યવાહી કરવામાં આવે. કંગના રનૌતે મજબૂર કર્યા કે તેની વિરૂદ્ધ એક્શન લેવામાં આવે અને હવે તેને જરૂર જેલ મોકલવામાં આવશે.


આ પહેલા મનજિન્દર સિંહ સિરસાએ એક નિવેદનમાં કહ્યું હતું કે, કંગના રનૌતનું સ્ટેટમેન્ટ તેની ચીપ મેન્ટાલિટી દર્શાવે છે. આવું કહેવું કે, ત્રણેય કૃષિ કાયદા ખાલિસ્તાની આંદોલનના કારણે પરત લેવામાં આવ્યા, આ એક પ્રકારે ખેડૂતોનું અપમાન છે. તે નફરતની ફેક્ટરી બની ચૂકી છે. અમે ઈન્સ્ટાગ્રામ પર આવી નફરતભરી પોસ્ટ કરવા બદલ સરકારને કડક કાર્યવાહી કરવાની માગ કરી છે. કંગનાની સિક્યોરિટી અને પદ્મશ્રીને તરત પરત લેવામાં આવો જોઈએ. તેને કાંતો જેલમાં મોકલવામાં આવે અથવા મેન્ટલ હોસ્પિટલમાં ભરતી કરવામાં આવે.

મહત્વનું છે કે, કંગના રનૌતે પોતાની ઈન્સ્ટાગ્રામ સ્ટોરી પર લખ્યું હતું કે, ખાલિસ્તાની આતંકવાદીઓએ ભલે આજે સરકારના હાથ મરોડી નાખ્યા હોય, પરંતુ એ ભૂલનું ન જોઈએ કે એક મહિલા, માત્ર મહિલા વડાપ્રધાને તેઓને કચડી નાખ્યા હતા. ભલેને પછી એનાથી દેશને અનેક તકલીફ પડી હોય. તેઓએ પોતાના જીવની કિંમત પર તેઓને મચ્છરની જેમ કચડી નાખ્યા હતા, પરંતુ દેશના ટુકડા થવા દીધા નહોતા. તેમના નિધનના દશકો બાદ આજે પણ તેઓ તેમના નામથી કાંપે છે. તેઓેને આવા જ ગુરૂ જોઈએ.

Share This :

Related Articles

Leave a Comment