બોલીવુડ / નવી નવેલી દુલ્હન શ્રદ્ધા આર્યાની સાસરીમાં પહેલી રસોઈ, પરિવાર માટે બનાવ્યો હલવો.

  • 25-Nov-2021 10:10 AM

ટીવી સીરિયલ કુંડલી ભાગ્ય ફેમ અભિનેત્રી શ્રદ્ધા આર્યા તાજેતરમાં જ લગ્નના બંધનમાં બંધાઈ છે. શ્રદ્ધા આર્યાની સાસરીમાં પ્રથમ રસોઈની રસમ હતી. આ રસમમાં લગ્ન પછી નવી દુલ્હન પાસે કોઈ મીઠી વાનગી બનાવડાવવામાં આવે છે. શ્રદ્ધા આર્યાએ આ અવસર પર પોતાના નવા પરિવાર માટે હલવો બનાવ્યો હતો. શ્રદ્ધાએ પોતાની પ્રથમ રસોઈનો વીડિયો ઈન્સ્ટાગ્રામ સ્ટોરી પર શેર પણ કર્યો હતો.

વીડિયોમાં જોઈ શકાય છે કે શ્રદ્ધા આર્યા રસોડામાં હલવો બનાવી રહી છે. તેણે સ્ટોરીમાં લખ્યું છે કે, હું ઘણું ઓછું કુકિંગ કરુ છું, પણ જ્યારે પણ કરુ છું દિલથી કરુ છું. અને આ વખતે મારા નવા પરિવાર માટે વધારે દિલથી કંઈક બનાવ્યું છે. 16મી નવેમ્બરના રોજ શ્રદ્ધા આર્યાએ દિલ્હીમાં નેવી ઓફિસર રાહુલ નાગાલ સાથે લગ્ન કર્યા. લગ્નની દરેક ઈવેન્ટમાં શ્રદ્ધા આર્યાએ મિત્રો સાથે ખૂબ મસ્તી કરી.

શ્રદ્ધા આર્યાએ રાહુલ સાથેની સગાઈની સુંદર તસવીરો શેર કરી છે. જેમાં બંને એકબીજાની આંખોમાં ડૂબેલા જોવા મળે છે. એકબીજા પ્રત્યેનો પ્રેમ તેમની આંખોમાં જોવા મળે છે. એક તસવીરમાં રાહુલ શ્રદ્ધાને વીંટી પહેરાવતો જોવા મળે છે. શ્રદ્ધાએ સગાઈ વખતે હેવી ગોલ્ડ જ્વેલરી પહેરી હતી. પિંક અને યલો રંગના ડ્રેસમાં શ્રદ્ધા ખૂબસૂરત લાગતી હતી. જ્યારે સગાઈ માટે રાહુલ બ્લૂ રંગની શેરવાની પર પસંદગી ઉતારી હતી. જોકે, શ્રદ્ધાએ માત્ર સગાઈ વખતે ગોલ્ડ જ્વેલરી પહેરી હતી. બાકીના ફોટોશૂટ દરમિયાન માત્ર તેના હાથમાં કડું જોવા મળે છે. આ તસવીરો શેર કરતાં શ્રદ્ધાએ લખ્યું, "જો તમે પરણેલા છો અને ખુશ છો તો હાથ ઊંચો કરો."

Share This :

Related Articles

Leave a Comment