વર્લ્ડ / પુજારી રડતાં-રડતાં 'શ્રી કૃષ્ણ'ને લઇને પહોંચ્યો દવાખાને, સ્નાન કરાવતાં તૂટ્યો હતો મૂર્તિનો હાથ.

  • 25-Nov-2021 01:59 PM

આગરાના એક પૂજારી 'લડ્ડુ ગોપાલ'ની મૂર્તિને લઇને જ્યારે દવાખાને પહોંચ્યો ત્યારે આખો મામલો ચર્ચાનો વિષય બની ગયો. શુક્રવાર અહીંના લેખ સિંહ નામના એક પૂજારી 'લડ્ડુ ગોપાલ'ની મૂર્તિની સારવાર કરાવવા માટે દવાખાને આવ્યા હતા. રિપોર્ટ મુજબ સવારે મૂર્તિને સ્નાન કરાવતી વેળાએ ભૂલથી એનો હાથત તૂટી ગયો હતો. જેના લીધે પૂજારી ખૂબ જ દુખી હતા.


બાદમાં પૂજારી મૂર્તિની સારવાર માટે જ્યારે દવાખાને પહોચ્યા ત્યારે ત્યાંનો સ્ટાફ આ જોઇને અવાક બની ગયો હતો. જોકે પૂજારીની લાગણીને સમજતાં ડોક્ટરે શ્રી કૃષ્ણના નામની નોંધણી કરી મૂર્તિના તૂટેલા હાથ પર પટ્ટી બાંધી આપી હતી.

 


સોશિયલ મીડિયા પર 'લડ્ડુ ગોપાલ' મૂર્તિ સાથે રડતાં આ પૂજારીનો વિડીયો વાયરલ થઇ રહ્યો છે. રિપોર્ટમાં એવો દાવો કરવામાં આવ્યો છે કે, પૂજારી સવારા 9 વાગ્યે દવાખાને પહોંચ્યા હતા અને સ્ટાફને મૂર્તિના હાથે પાટો બાંધવાની જીદ કરી રહ્યા હતા. પૂજારીના જણાવ્યા મુજબ, સવારે સ્નાન કરાવતી વખતે મૂર્તિ હાથમાં પડી જતાં એનો હાથ તૂટી ગયો હતો. જેના લીધે તેઓ દુખી હતા અને સારવાર માટે દવાખાને પહોંચ્યા હતા.

આ ઘટના વિશે જિલ્લા દવાખાનાના તબીબ ડો.અશોક કુમારે જણાવ્યું કે, સ્ટાફ તરફથી માહિતી મળી હતી કે પૂજારી મૂર્તિના સારવાર માટે જીદ કરી રહ્યા છે. મેં પણ તેમની ભાવનાઓને સમજતાં મૂર્તિના નામની નોંધણી કરી સારવાર પેટે પાટો બાંધી આપ્યો હતો.


બીજી તરફ પૂજારીનું કહેવુ હતું કે, તેમણે આજીજી કરી હોવા છતાં દવાખાનામાં કોઇએ મુદ્દો ગંભીરતાથી લીધો નહીં. હું અંદરથી દુખી હોવાને લીધ મારા ભગવાન માટે રડવા લાગ્યો હતો. તેઓ 35 વર્ષથી આગરાના અર્જુન નગરના ખેરિયા મોડ સ્થિત પથવારી મંદિરના પૂજારી છે.

Share This :

Related Articles

Leave a Comment