રાજકારણ / આર્મ્સ ડીલરે રોબટ વાડેરા માટે 19 કરોડમાં લંડનમાં ખરીદી બેનામી પ્રોપર્ટી?.

  • 04-Mar-2022 08:56 AM

સોનિયા ગાંધીના જમાઈ રોબર્ટ વાડરાને એક વિવાદીત આર્મ્સ ડીલર દ્વારા કથિત રીતે લંડનમાં બેનામી બંગલો આપવા સંબંધી રિપોર્ટ આવ્યા બાદ તેના પર રાજકારણ ગરમાઈ ગયું છે. ભાજપના નેતા કિરીટ સોમૈયાએ આ મામલાની તપાસ માટે કેન્દ્ર સરકારને પત્ર લખવાની વાત કરી છે, તો કોંગ્રેસે આ રિપોર્ટોને નકારી દીધા છે.
 

ઉલ્લેખનીય છે કે, એનડીટીવીના અહેવાલ મુજબ નાણાં મંત્રાલય એ તપાસ રિપોર્ટની સમીક્ષા કરી રહ્યું છે, જેમાં કહેવાયું હતું કે, 2009માં વાડરા માટે વિવાદીત આર્મ્સ ડીલર સંજય ભંડારીએ લંડનમાં બેનામી બંગલો ખરીદ્યો હતો. આ અહેવાલમાં કહેવાયું હતું કે, મંત્રાલયની તપાસમાં એ ઈમેલ્સની ચકાસણી કરવામાં આવી રહી છે, જે કથિત રીતે વાડેરા અને તેના એક્ઝિક્યુટિવ આસિસ્ટન્ટ મનોજ અરોડા દ્વારા મોકલાયા છે. જોકે, વાડેરાના વકીલોએ આ આરોપોને ફગાવી દીધા છે.

આ રિપોર્ટો પર ભાજપ નેતા કિરીટ સોમૈયાએ કહ્યું કે, ‘મેં વાડેરા અને સંજય ભંડારી સાથે સંલગ્ન બેનામી પ્રોપર્ટી મામલાની તપાસ માટે ભારત સરકાર, ઈડી અને ઈનકમ ટેક્સ ડિપાર્ટમેન્ટને પત્ર લખ્યો છે.’ બીજી તરફ સીનિયર વકીલ અને સ્વરાજ અભિયાન સાથે જોડાયેલા પ્રશાંત ભૂષણે પણ આ મામલાની તપાસ અને દોષિતોની ધરપકડની માંગ કરી છે.

Share This :

Related Articles

Leave a Comment