રાજકારણ / UP Assembly Election 2022: અંતિમ તબક્કામાં વારાણસી સહિત 9 જિલ્લાઓમાં વોટિંગ.

  • 07-Mar-2022 08:45 AM

Uttar Pradesh Assembly Election 2022: પીએમ નરેન્દ્ર મોદી (PM Narendra Modi)ના સંસદીય ક્ષેત્ર વારાણસી (Varanaso) સહિત ઉત્તર પ્રદેશ (Uttar Pradesh)ના નવ જિલ્લાઓની 54 વિધાનસભા સીટો પર ચૂંટણીના સાતમા અને અંતિમ તબક્કા હેઠળ સોમવારે મતદાન થશે. ઉત્તર પ્રદેશના મુખ્ય ચૂંટણી અધિકારી અજયકુમાર શુક્લએ રવિવારે જણાવ્યું કે સાતમા તબક્કામાં વારાણસી, ચંદૌલી, ભદોહી, મિર્ઝાપુર, રોબર્ટ્સગંજ, ગાઝીપુર, મઉ, આઝમગઢ અને જૌનપુર જિલ્લાઓની 54 વિધાનસભા સીટો પર મતદાન માટેની તમામ તૈયારીઓ પૂર્ણ કરી દેવામાં આવી છે.


લખનઉમાં અજય શુક્લએ જણાવ્યું કે, ચંદૌલી જિલ્લાની અનુસૂચિત જાતિ માટેની આરક્ષિત ચકિયા અને સોનભદ્ર જિલ્લાના રોબર્ટ્સગંજ અને અનુસૂચિત જનજાતિ માટે આરક્ષિત દુદ્ધી વિધાનસભામાં મતદાન સવારે સાત વાગ્યાથી શરૂ થઈને સાંજે ચાર વાગ્યા સુધી ચાલશે. બાકીની 51 વિધાનસભા સીટોમાં મતદાન સવારે સાત વાગ્યાથી સાંજે છ વાગ્યા સુધી ચાલશે.

સાતમા તબક્કામાં 2.06 કરોડ વોટર્સ
અજય શુક્લએ જણાવ્યું કે, સાતમા તબક્કામાં 2.06 કરોડ મતદારો પોતાના મતાધિકારનો ઉપયોગ કરશે અને તેમાં 1.09 કરોડ પુરુષ, 97.08 લાખ મહિલાઓ અને 1027 થર્ડ જેન્ડર મતદારો છે. તેઓએ કહ્યું કે, આ તબક્કાની ચૂંટણીમાં 54 વિધાનસભા સીટોમાં 613 ઉમેદવારો મેદાનમાં છે, જેમાં 75 મહિલા ઉમેદવારો છે. સાતમા તબક્કાની 54 સીટોમાંથી 11 અનુસૂચિત જાતિ માટે અને બે અનુસૂચિત જનજાતિ માટે આરક્ષિત છે. અત્યાર સુધી ઉત્તર પ્રદેશ વિધાનસભા ચૂંટણીના છ તબક્કામાં 349 વિધાનસભા સીટો પર મતદાન થઈ ચૂક્યું છે.

સાતમા તબક્કામાં આ મંત્રીઓના ભાવિનો ફેંસલો થશે
અજય શુક્લએ જણાવ્યું કે, સાતમા તબક્કાની ચૂંટણીમાં કુલ 23,614 પોલિંગ સ્થળ અને 12,210 મતદાન કેન્દ્ર બનાવવામાં આવ્યા છે. આ તબક્કામાં અનેક મંત્રીઓના ભાવિનો ફેંસલો થશ. તેમાં પર્યટન મંત્રી નીલકંઠ તિવારી (વારાણસી દક્ષિણ), અનિલ રાજભર (શિવપુર-વારાણસી), રવીન્દ્ર જાયસવાલ (વારાણસી ઉત્તર), ગિરીશ યાદવ (જૌનપુર) અને રમાશંકર પટેલ (મડિહાન-મિર્ઝાપુર) સામેલ છે. આ ઉપરાંત વિધાનસભા ચૂંટણીથી ઠીક પહેલાં ભાજપ છોડીને સપામાં ગયેલાં પૂર્વ મંત્રી દારા સિંહ ચૌહાણ (ઘોસી-મઉ), અને ભાજપનો સાથ છોડી સપા સાથે ગઠબંધન કરી ચૂંટણી લડી રહેલાં સુભાસપા અધ્યક્ષ અને પૂર્વ મંત્રી ઓમપ્રકાશ રાજભર (જહૂરાબાદ-ગાઝીપુર), ગેંગસ્ટરથી નેતા બનેલાં મુખ્તાર અંસારીના પુત્ર અબ્બાસ અંસારી (મઉ સદર) અને બાહુબલી પૂર્વ સાંસદ ધનંજય સિંહ (મલ્હાની-જૌનપુર)ની ઉમેદવારી સીટ ઉપર સાતમા તબક્કામાં મતદાન થશે.

પીએમ મોદીએ અંતિમ જનસભા વારાણસીમાં કરી
પીએમ નરેન્દ્ર મોદીએ ચૂંટણી પ્રચાર હેઠળ અંતિમ જનસભાને વારાણસીમાં સંબોધિત કરી હતી. સપા સંસ્થાપક મુલાયમસિંહ યાદવ કરહલ હાદ જૌનપુરના મલ્હાનીમાં સભા સંબોધિત કરવા આવ્યા હતા. મલ્હાની સીટછી પાર્ટીના ઉમેદવાર લકી યાદવ છે, જે મુલાયમસિંહના લાંબા સમય સુધી સહયોગી રહેલાં દિવંગત પારસનાથ યાદવના પુત્ર છે. સપા પ્રમુખ અખિલેશ યાદવની સાથે પશ્ચિમ બંગાળની મુખ્યમંત્રી મમતા બેનર્જીએ પણ વારાણસીમાં સપા ગઠબંધનના ઉમેદવાર માટે ચૂંટણી પ્રચાર કર્યો હતો. કોંગ્રેસના પૂર્વ અધ્યક્ષ રાહુલ ગાંધી અને કોંગ્રેસ મહાસચિવ પ્રિયંકા ગાંધીએ પણ વારાણસીમાં કોંગ્રેસના ઉમેદવારો માટે પ્રચાર કર્યો હતો. તો બીજી બાજુ બસપા સુપ્રીમો માયાવતીએ પણ વારાણસી સહિત આસપાસના જિલ્લાઓમાં પ્રચાર કર્યો હતો.

Share This :

Related Articles

Leave a Comment