બોલીવુડ / કંગનાની મુશ્કેલીઓ વધી, શીખ સમુદાયના અપમાન મુદ્દે દિલ્હીની આપ સરકારે નોટિસ મોકલી.

  • 26-Nov-2021 10:10 AM

પોતાના નિવેદનોને લીધે હમેશાં વિવાદમાં સપડાતી બોલીવુડ અભિનેત્રી કંગના રનૌતની મુશ્કેલીઓ રહી છે. હવે દિલ્હીની આમ આદમી પાર્ટીએ કંગનાને સમન મોકલાવ્યું છે. કંગનાએ દિલ્હીની સરહદો પર વિરોધ પ્રદર્શન કરી રહેસા શીખ ખેડૂતો માટે 'ખાલિસ્તાની આંદોલન' શબ્દનો ઉપયોગ કર્યો હતો. જેનો લોકો દ્વારા વિરોધ કરવામાં આવી રહ્યો છે. આ મામલો વધુ ગરમાતા અને કંગના સામે વધી રહેલા વિરોધ બાદ આમ આદમી પાર્ટીની વિધાનસભા સમિતિએ કંગનાને સમન આપી પૂછપરછ માટે બોલાવી છે.


એક મીડિયા રિપોર્ટ મુજબ, કંગના રનૌતને 6 ડિસેમ્બરે બપોરે 12 વાગ્યે સમિતિ સામે રજૂ થવા માટે નોટિસ આપવામાં આવી છે. આ પહેલા દિલ્હી શીખ ગુરુદ્વારા વ્યવસ્થા સમિતિએ પણ ઇન્સ્ટાગ્રામ પર શીખ સમુદાય વિરુદ્ધ અપમાનજનક ટિપ્પણ કરવા સામે કંગના વિરુદ્ધ પોલીસ ફરિયાદ કરી છે.

કંગના રનૌતે ઇન્સ્ટાગ્રામ પર પોતાની વિવાદાસ્પદ પોસ્ટમાં લખ્યું હતું, 'ખાલિસ્તાની આતંકવાદી આજે ભલે સરકારનો ઝુકાવવાના પ્રયત્ન કરી રહ્યા છે, પરંતુ એ એક મહિલાને ભૂલશો નહી. એકમાત્ર મહિલા વડાપ્રધાને આ લોકોને પગ નીચે કચડ્યા હતા અને દેશના ટૂકડા ના થવા દીધા. એમના નિધન પછી પણ આજે આ લોકો એમના નામથી ધ્રુજી જાય છે, આ લોકોને આવા જ ગુરુ જોઇએ'

આ મુદ્દે કંગના વિરુદ્ધ ગુરુ સિંહ સભા ગુરુદ્વારા સમિતિના સભ્ય અમરજીત સિંહ સંધૂએ પણ FIR કરી છે. સમિતિએ એની ફરિયાદમાં કહ્યું છે કે, કંગના રનૌતે જાણીજોઇને ખેડૂતના પ્રદર્શનને ખાલિસ્તાની આંદોલન કહ્યું છે. જે શીખ સમુદાય વિરુદ્ધ વાધાજનક અને અપમાનજનક છે. દિલ્હી શીખ ગુરુદ્વારા સમિતિએ પણ એના નિવેદનમાં કહ્યું હતું કે કંગનાએ જાણીજાઇને શીખ સમુદાયની લાગણી દુભાવતી પોસ્ટ લખી છે. કંગના રનૌત પર વિતેલા દિવસોમાં આઝાદી અને મહાત્મા ગાંધી વિરુદ્ધ અપમાનજનક ટિપ્પણી કરવાના આરોપ પણ લાગી ચૂક્યા છે. કંગનાએ દાવો કર્યો હતો કે, સુભાષચંદ્ર બોઝ અને ભગત સિંહને મહાત્મા ગાંઘીનો સપોર્ટ નહોતો મળ્યો. કંગનાએ ગાંધીજીની અહિંસાના સંદેશનો મજાત ઉડાવતાં કહ્યું હતું કે, એક ગાલ પર એક થપ્પડ પછી બીજો ગાલ ધરવામાં આવે છે, ત્યારે ભીખ મળે છે આઝાદી નથી મળતી.

Share This :

Related Articles

Leave a Comment