બોલીવુડ / સુષ્મિતા સેન સ્ટારર 'આર્યા 2'નું ટ્રેલર રિલીઝ.

  • 26-Nov-2021 10:30 AM

 

બોલિવૂડ એક્ટ્રેસ સુષ્મિતા સેનની લાંબા સમયથી રાહ જોવાઈ રહેલી વેબ સિરીઝ 'આર્યા 2'નું ટ્રેલર રિલીઝ થઈ ગયું છે. વેબસિરીઝ 'આર્યા 2'ની વાર્તા ત્યાંથી શરૂ થશે કે જ્યાં 'આર્યા'ની પહેલી સિઝનની વાર્તા ખતમ થઈ હતી. ફરક માત્ર એટલો જ છે કે વેબસિરીઝ 'આર્યા'ની બીજી સિઝન 'આર્યા 2'માં એક્ટ્રેસ સુષ્મિતા સેનનું રૌદ્ર સ્વરૂપ જોવા મળશે.

વેબ સિરીઝ 'આર્યા'ની પ્રથમ સિઝનમાં જોવા મળ્યું હતું કે આર્યા (સુષ્મિતા સેન) એક ક્રાઈમ પરિવારમાંથી છે. પરંતુ, તે પોતાના પતિ અને બાળકોને ક્રાઈમની આ દુનિયામાંથી બહાર નીકાળવાના પ્રયાસો કરે છે. પણ, પતિની હત્યા થયા બાદ આર્યા તેના બાળકો સાથે દેશ છોડીને જતી રહે છે. જ્યારે આર્યાની બીજી સિઝન 'આર્યા 2'માં આગળની વાર્તા દેખાડવામાં આવશે. આર્યા (સુષ્મિતા સેન) પતિના મોતનો બદલો લેવા માટે પરત આવે છે. 'આર્યા 2'નું ટ્રેલર ખૂબ જ રોમાંચક લાગી રહ્યું છે અને સુષ્મિતા સેન પણ ખૂબ જ ખતરનાક જોવા મળી રહી છે. સુષ્મિતા સેન સ્ટારર 'આર્યા 2'ને રામ માધવાનીએ ડિરેક્ટ કરી છે. જે ઓટીટી પ્લેટફોર્મ પર તારીખ 10 ડિસેમ્બરે રિલીઝ થશે.


અહીં નોંધનીય છે કે સુષ્મિતા સેન સ્ટારર વેબ સિરીઝ 'આર્યા'ની પ્રથમ સિઝન વર્ષ 2020ના જૂન મહિનામાં રિલીઝ થઈ હતી. જેમાં એક્ટર નમિત દાસ પણ મહત્વના રોલમાં જોવા મળ્યો હતો. કુલ 9 એપિસોડની વેબ સિરીઝ આર્યા માટે એક્ટ્રેસ સુષ્મિતા સેનને બેસ્ટ એક્ટ્રેસનો ફિલ્મફેર ઓટીટી એવોર્ડ મળ્યો હતો!

'ભેડિયા'માં વરુણ ધવનનો ડરાવતો લૂક

બોલિવૂડ એક્ટર વરુણ ધવનની આગામી ફિલ્મ 'ભેડિયા'નો ફર્સ્ટ લૂક રિલીઝ કરવામાં આવ્યો છે. જેના પોસ્ટરમાં વરુણ ધવનનો લૂક ડરામણો જોવા મળી રહ્યો છે. એક્ટર વરુણ ધવને ફિલ્મ 'ભેડિયા'નો ફર્સ્ટ લૂક શેર કરતા લખ્યું કે ભેડિયા મારો એક હિસ્સો...ભેડિયા ફર્સ્ટ લૂક. તારીખ 25 નવેમ્બર, 2022એ સિનેમાઘરોમાં આવશે. અહીં નોંધનીય છે કે 'સ્ત્રી' અને 'બાલા' જેવી હિટ બોલિવૂડ ફિલ્મોના ડિરેક્ટર અમર કૌશિકની આગામી ફિલ્મ 'ભેડિયા' હોરર કોમેડી હશે. જે ગુજરાતના લેખક નિરેન ભટ્ટે લખી છે. 'ભેડિયા'માં વરુણ ધવનની સાથે-સાથે એક્ટ્રેસ ક્રિતિ સેનન, દીપક દોબરિયાલ, અભિષેક બેનરજી જેવા કલાકારો જોવા મળશે. જેમાં મ્યુઝિક ગુજરાતી સંગીતકાર સચિન-જીગર આપી રહ્યા છે.

Share This :

Related Articles

Leave a Comment