ઇન્ડિયા / જીવનસંગિનીની શોધમાં યુવકે રસ્તા પર લગાવ્યા મોટા પોસ્ટર, અંદર લખી દિલ સ્પર્શી લે તેવી વાત.

  • 10-Mar-2022 08:34 AM

અમુક ઉંમર થાય એટલે પરિવારમાં પણ જે-તે વ્યક્તિના લગ્ન કરાવવાની વાતો થવા લાગે. કેટલીક વખત લગ્નલાયક યુવક કે યુવતીને યોગ્ય પાત્ર ન મળે તો તેઓ ન્યૂઝપેપરમાં પણ જાહેરાત છપાવતા હોય છે. હાલ લંડનમાં રહેતો અને મૂળ ભારતીય યુવક પણ જીવનસાથી મળી રહે તેની ખાતરી કરવા માટે તમામ પ્રયાસ કરી રહ્યો છે અને તેના ભાગરૂપે તેણે પોસ્ટર પણ છપાવ્યા છે. જીવન બાચુએ ટ્યૂબ સ્ટેશમાં બે બિલબોર્ડની જગ્યા ભાડે લીધી છે અને પોતાના નામની જ જાહેરાત લગાવી દીધી છે. આ જાહેરાત ઘણી અલગ અને ક્રિએટીવ છે. તેણે બિલબોર્ડની ડિઝાઈન પણ ફની બનાવડાવી છે. જેમાં તે સૂતેલો છે અને ઉપર લખ્યું છે 'બેસ્ટ ઈન્ડિયન જેને તમે તમારા ઘરે લઈ જઈ શકો છો'. આ જાહેરાતને તેણે ઓક્સફર્ડ સર્કલ, સેન્ટ્રલ અને બેકરલૂ લાઈન્સ પર પણ બે અઠવાડિયા સુધી લગાવી હતી. 31 વર્ષનો જીવન બાચુ માર્કેટિંગ કંપનીમાં નોકરી કરે છે. તેણે લગ્નની જાહેરાત પાછળ અત્યારસુધીમાં 2000 યૂરોની આસપાસ (આશરે 2 લાખ રૂપિયા) ખર્ચ કરી દીધા છે.

ત્યાંના એક સ્થાનિક અખબાર સાથે વાતચીત કરતાં જીવન બાચુએ કહ્યું હતું કે, 'બધુ ઠીક જઈ રહ્યું છે. આશરે 50થી વધુ લોકોની અરજી મને મળી છે. કેટલાક તેમાથી સાચી છે. જો કે, કેટલાક નકલી લોકો પણ છે. મારે બધાની અરજી જોવી પડશે'.

તો પોતાની વેબસાઈટ પર જીવન બાચુએ લખ્યું હતું 'કોવિડ 19ના કારણે આ બધું મુશ્કેલ થઈ રહ્યું છે. એપ્સમાં સ્વાઈપ અને મેસેજ કરવાના બદલે કંઈક ક્રિએટીવ કરવાનો સમય આવી ગયો છે'.

1


જીવન પહેલો તેવો સિંગલ નથી જેણે પ્રેમ શોધવા માટે બિલબોર્ડ્સ લગાવ્યા હોય. ગયા વર્ષે અમેરિકાના ટેક્સાસમાં પણ એક વ્યક્તિએ 'સારી મહિલા' શોધવા માટે મોટુ બિલબોર્ડ લગાવ્યું હતું.

66 વર્ષના જિમ બાય્સ જૂન, 2021માં નવી શરૂઆત કરવા માટે વોશિંગ્ટનથી ટેક્સાસ શિફ્ટ થયા હતા. તેઓ નવી વ્યક્તિ સાથે નવી શરૂઆત કરવા માગતા હતા. તેમણે ટેક્સાસ હાઈવે પણ બિલબોર્ડ લગાવ્યું હતું. જેમાં તેમણે તેઓ સારી મહિલાની શોધમાં હોવાનું કહ્યું હતું.

Share This :

Related Articles

Leave a Comment