ઇન્ડિયા / Election Results 2022: UP સહિત ચાર રાજ્યોમાં આજે ચૂંટણી પરિણામ.

  • 10-Mar-2022 09:25 AM

બે દિવસ પહેલાં આવેલા એક્ઝિટ પોલને લઈને રાજકીય ધમાસણ વચ્ચે ગુરુવારે નિર્ણય થઈ જશે કે પાંચ રાજ્યોમાં ચૂંટણી દરમિયાન કયો પક્ષ મજબૂત રહ્યો. 10 માર્ચ એટલે કે ગુરુવારે સવારે આઠ વાગે મતગણતરી શરૂ થઈ જશે. પાંચેય રાજ્યોમાં બપોર સુધીમાં ખબર પડી જશે કે જનતાએ કોના પર પસંદગી ઉતારી છે. ઉત્તર પ્રદેશ, ગોવા, પંજાબ, ઉત્તરાખંડ અને મણિપુરનું ચિત્ર સ્પષ્ટ થઈ જશે. આ પાંચેય રાજ્યોની અસર રાષ્ટ્રીય રાજકારણ પર પણ ચોક્કસ જોવા મળશે. જો કે, એક્ઝિટ પોલ (Exit polls)માં ઉત્તર પ્રદેશમાં ભાજપ, પંજાબામાં આમ આદમી પાર્ટીની સરકાર બનતી હોય એવું અનુમાન લગાવવામાં આવ્યું છે. જ્યારે મણિપુર અને ઉત્તરાખંડમાં ભાજપને બહુમતી મળી શકે એવા એંધાણ હતા. તો ગોવાને લઈને લગભગ એક મત છે કે અહીં ત્રિશંકુ વિધાનસભા આવી શકે છે.

રાજકારણમાં ગરમાવો
આમ તો એક્ઝિટ પોલમાં સૌથી મોટા રાજ્ય ઉત્તર પ્રદેશ અને સૌથી રોચક પંજાબને લઈને લગભગ એક મતથી સ્થિતિ સ્પષ્ટ થઈ ગઈ હતી કે અહીં કોણ જીતશે. પરંતુ ઔપચારિક પરિણામની રાહ સૌ કોઈ જોઈ રહ્યાં છે. ખાસ કરીને ઉત્તર પ્રદેશને લઈને રાજકીય ગરમાવાનો અંદાજો એનાથી લગાવી શકાય છે કે પ્રદેશમાં અનેક જગ્યાએ સમર્થક વર્ગ ઉગ્ર થઈ ગયો છે અને ચૂંટણી પંચને ખાસ વ્યવસ્થા કરવી પડી.

ઉત્તર પ્રદેશનું પરિણામ ખાસ
જો કે, હજુ પણ તમામ પક્ષો તરફથી દાવા કરવામાં આવી રહ્યાં છે. ઉત્તર પ્રદેશમાં ભાજપનું મનોબળ હજુ પણ વધુ વધશે. એ વાત પણ મહત્વની છે કે, કેન્દ્રમાં સતત બીજી વાર બહુમતની સરકાર બનાવારા ભાજપને ઉત્તર પ્રદેશથી બંને વખત ઐતિહાસિક સમર્થન મળ્યું હતું. વિપક્ષે પણ પૂરતુ જોર આપ્યુ હતુ. જો આવું નહીં થાયતો ભાજપને મોટો ઝટકો લાગી શકે છે. બીજી તરફ, રાષ્ટ્રીય મુખ્ય વિપક્ષી દળ કોંગ્રેસ માટે આ એક મોટી અગ્નિ પરીક્ષા છે.

આમ તો કોંગ્રેસમાં છેલ્લાં કેટલાંક સમયથી આંતરિક વિખવાદ ચાલી રહયો છે. કોંગ્રેસમાં નેતૃત્વનો સવાલ ઉભો કરવામાં આવ્યો છે. જો પાર્ટીને ફરીથી નિષ્ફળતા મળી તો વરિષ્ઠોનો અંતુષ્ટ ફરીથી સામે આવી શેક છે. વિપક્ષમાં કોંગ્રેસને અલગ કરીને વિપક્ષી એકતાનું અભિયાન ફરીથી ઝડપ પકડી શકે છે. પંજાબમાં બહુમતને લઈને સામે આવેલા એક્ઝિટ પોલમાં આમ આદમી પાર્ટીની સરકાર બનવાનો દાવો કરવામાં આવ્યો હતો


ત્યારે પંજાબમાં આ વખતે સૌથી મોટો પ્રશ્ન એ સામે આવી રહ્યો છે કે રાજ્યમાં સ્પષ્ટ બહુમતવાળી સરકાર બનશે કે કેમ? જો કોઈ પાર્ટીને બહુમત ન મળ્યો તો શું શિરોમણી અકાલી દળ અને ભાજપ ફરી ગઠબંધન કરશે? શું કોંગ્રેસ અને આપ મળીને સરકાર બનાવવાનો પ્રયાસ કરશે? જો કોઈ પાર્ટી 59નો જાદુઈ આંકડો ન મેળવી શકી તો અને ગઠબંધનની સરકાર ન બની તો શું રાષ્ટ્રપતિ શાસન લાગુ પડશે? અહીં મોટા ચહેરાઓમાં પ્રકાશ સિંહ બાદલ, કેપ્ટન અમરિંદર સિંહ, ચરણજીત સિંહ ચન્ની, સુખબીર બાદલ, ભગવંત માન, નવજોત સિંહ સિદ્ધુ મેદાનમાં છે.

ઉત્તરાખંડમાં શું થશે?
ભાજપે યુવા મુખ્યમંત્રી પુષ્કર સિંહ ધામીના ચહેરા અને પીએમ મોદીના આભામંડળ હેઠળ ચૂંટણી લડી હતી. તો કોંગ્રેસ માટે પૂર્વ મુખ્યમંત્રી હરીશ રાવતે ચૂંટણી અભિયાનની કમાન સંભાળી હતી. જો કે, ખુબ જ પ્રયાસ બાદ પણ કોંગ્રસ હાઈકમાને તેમને મુખ્યમંત્રીનો ચહેરો જાહેર ન કર્યો, પરંતુ તેમ છતા હરીશ રાવત આ પદ માટે સૌથી પ્રબળ દાવેદાર છે. ભાજપ અને કોંગ્રેસ સિવાય પહેલીવાર ચૂંટણી મેદાનમાં ઉતરેલી આપે તમામ 70 સીટો પર ઉમેદવારો ઉતાર્યા હતા. જ્યારે બસપાએ 60, સપાએ 56 અને ઉક્રાંદ 46 સીટો પર ચૂંટણી લડ્યાં.

ઉત્તર પ્રદેશમાં ભાજપને સૌથી વધુ મત મળવાનું અનુમાન
મતગણતરીના એક દિવસ પહેલાં બુધવારે સામે આવેલા લોકનીતિ-સીએસડીએસના એક્ઝિટ પોલમાં પણ ઉત્તર પ્રદેશમાં ભાજપને સૌથી વધુ 43 ટકા અને સપાને 35 ટકા વોટ મળવાની વાત કહેવામાં આવી હતી. પંજાબમાં આપને સૌથી વધુ 40 ટકા અને કોંગ્રેસને 26 ટકા મત મળવાનું અનુમાન લગાવવામાં આવ્યું. શિરોમણી અકાલી દળને 20 ટકા અને ભાજપને 7 ટકા વોટ મળી શકે છે. ઉત્તરાખંડ અને પંજાબમાં કોંગ્રેસની હારની વાત આ એક્ઝિટ પોલમાં કહેવામાં આવી હતી. અનુમાન છે કે ગોવામાં ત્રિશંકુ વિધાનસભા બની શકે છે. આ એક્ઝિટ પોલમાં સીટોની સંખ્યા બતાવવામાં આવી નથી.

Share This :

Related Articles

Leave a Comment