બિઝનેસ / શેર માર્કેટમાં મોટો કડાકો, સેન્સેક્સ 900થી વધુ પોઈન્ટ તૂટ્યો, નિફ્ટી 17300ની નીચે.

  • 26-Nov-2021 10:44 AM

આજે શેરબજારની શરૂઆત ભારે ઘટાડા સાથે થઈ છે અને સેન્સેક્સે 722.92 પોઈન્ટ્સ અથવા 1.31 ટકાના ઘટાડા સાથે 58,022.17 પર ટ્રેડ કરવાનું શરૂ કર્યું છે. મિડકેપ ઈન્ડેક્સમાં 400 પોઈન્ટના ઘટાડા સાથે શરૂઆતી કારોબાર જોવા મળ્યો હતો. નિફ્ટીમાં 192-193 પોઈન્ટના ઘટાડા સાથે ટ્રેડિંગની શરૂઆત થઈ હતી અને તમામ 50 શેરો ઘટાડા સાથે ટ્રેડ થતા જોવા મળ્યા હતા. સવારે 9:23 વાગ્યે, નિફ્ટી 17293 પર ટ્રેડ કરી રહ્યો હતો અને તે જ સમયે તે 240 પોઈન્ટનો ઘટાડો દર્શાવે છે.

આજે પ્રી-ઓપનિંગમાં માર્કેટમાં ભારે નબળાઈ જોવા મળી હતી અને સેન્સેક્સમાં 500થી વધુ પોઈન્ટનો ઘટાડો જોવા મળ્યો હતો. સવારે 9:13 વાગ્યે સેન્સેક્સ 540.3 પોઈન્ટ અથવા 0.92 ટકાના ઘટાડા સાથે 58,254.79 પર ટ્રેડ થતો જોવા મળ્યો હતો. તેવામાં માર્કેટમાં બ્લુચીપ સ્ટોક પણ સતત તૂટી રહ્યા છે. સવારે 10 વાગ્યે બીએસઈનો ફ્લેગશીપ સેન્સેસ્કસ બેંચમાર્ક 1048 પોઈન્ટ સુધી તૂટી ગયો હતો. જ્યારે એનએસીઈનો બેન્ચમાર્ક 316 પોઈન્ટ તૂટીને 17220 પહોંચી ગયો હતો.

આફ્રિકામાં મળી આવેલા નવા કોરોના વેરિયન્ટના પગલે દુનિયાભરમાં ચિંતાની લહેર છે. બ્રિટન ઓથોરિટી દ્વારા આફ્રિકાથી આવતા ફ્લાઈટ્સ પર પ્રતિબંધ મૂકી દેવામાં આવ્યો છે જેના પગલે શેર માર્કેટમાં પણ અફરાતફરીનો માહોલ છે. આ વાયરસ અંગે વૈજ્ઞાનિકોનું કહેવું છે કે તે માણસજાતની રોગપ્રતિકારક શક્તિને ખૂબ જ સહેલાઈથી હરાવી શકે છે અને વેક્સીન પણ તેની સામે બેઅસર બની શકે છે.

એશિયન બજારોમાં નબળા કારોબારની અસર પણ દેશના શેર માર્કેટ પર જોવા મળી રહી છે. એશિયાઈ બજારોમાં જાપાનના નિક્કી, સિંગાપોરના સ્ટ્રેટ ટાઈમ્સ, હોંગકોંગના હેંગસેંગ અને તાઈવાનના માર્કેટની ટ્રેડિંગ પેટર્ન જોઈએ તો આ બધા ઘટાડા સાથે ટ્રેડ કરતાં જોવા મળી રહ્યા છે. તેની અસર સ્થાનિક બજાર પર પણ જોવા મળી છે.
ફક્ત ફાર્મા ઇન્ડેક્સ ગ્રીન ઝોનમાં કામ કરી રહ્યો છે

બજારમાં આજે માત્ર ફાર્મા ઈન્ડેક્સમાં જ તેજી સાથે કારોબાર થતો જોવા મળ્યો હતો અને ફાર્મા ઈન્ડેક્સના 20માંથી 15 શેરોમાં તેજી સાથે ટ્રેડ થઈ રહ્યા છે. ફાર્મા શેરોમાં સૌથી વધુ ઉછાળો એપોલો હોસ્પિટલ્સમાં જોવા મળ્યો હતો. 20માંથી માત્ર 5 ફાર્મા શેર્સમાં ઘટાડો જોવા મળ્યો હતો, બજારના નિષ્ણાતો આજે ફાર્મા સાથે કેમિકલ શેરોમાં તેજીની અપેક્ષા રાખી રહ્યા છે. આજે કેડિલા હેલ્થકેર ઘટી રહેલા માર્કેટમાં 2.3 ટકાના વધારા સાથે ટ્રેડિંગ કરતી જોવા મળી હતી અને રોકાણકારો તેમાં સારો રસ દાખવી રહ્યા છે.

Share This :

Related Articles

Leave a Comment