બિઝનેસ / HDFC બેન્કે જાહેર કર્યું તગડું ડિવિડન્ડઃ 11 વર્ષનો રેકોર્ડ તોડ્યો.

  • 25-Apr-2022 09:56 AM

ખાનગી સેક્ટરની સૌથી મોટી બેન્ક HDFC Bankએ શનિવારે તેના શેરધારકો માટે રૂ. 15.50નું ડિવિડન્ડ જાહેર કર્યું છે. છેલ્લા 11 વર્ષમાં HDFC બેન્ક દ્વારા જાહેર થયેલું સૌથી ઉંચું ડિવિડન્ડ છે. બેન્કના રેગ્યુલેટરી ફાઈલિંગ પ્રમાણે બોર્ડે રૂ. 15.50 અથવા એક રૂપિયાની ફેસ વેલ્યૂના શેર દીઠ 1550 ટકાનું ડિવિડન્ડ જાહેર કર્યું છે.

આ અગાઉ જૂન 2011માં એચડીએફસી બેન્કે શેર દીઠ રૂ. 16.5ના ડિવિડન્ડની જાહેરાત કરી હતી. 20 એપ્રિલ 2001 પછી બેન્ક દ્વારા જાહેર કરાયેલું આ બીજા ક્રમનું સૌથી ઉંચું ડિવિડન્ડ કહી શકાય.

એપ્રિલ 2001થી અત્યાર સુધીમાં એચડીએફસી બેન્કે 22 વખત ડિવિડન્ડની જાહેરાત કરી છે. તેમાં કંપનીએ 11 ફાઈનલ ડિવિડન્ડ અને એક સ્પેશિયલ ડિવિડન્ડ જાહેર કર્યું હતું. ઓગસ્ટ 2019માં કંપનીએ શેર દીઠ પાંચ રૂપિયાનું સ્પેશિયલ ડિવિડન્ડ આપ્યું હતું. છેલ્લા 12 મહિનામાં એચડીએફસી બેન્કે રૂ. 6.50 પ્રતિ શેરનું ડિવિડન્ડ જાહેર કર્યું છે.

HDFC Bankના મર્જરમાં HDFC Ltdના બે રૂપિયાની ફેસ વેલ્યૂના 25 શેરની સામે HDFC Bankના એક રૂપિયાની ફેસ વેલ્યૂના 42 ઇક્વિટી શેર મળશે. સ્કીમ લાગુ થશે ત્યારે HDFC Bankની 100 ટકા માલિકી પબ્લિક શેરહોલ્ડર્સ પાસે હશે. HDFCના હાલના શેરધારકો HDFC બેન્કમાં 41 ટકા હિસ્સો ધરાવશે. HDFC લિ.ના શેરધારકોને HDFC બેન્ક રેકોર્ડ ડેટ પર ઇક્વિટી શેર ઇશ્યૂ કરશે. HDFC બેન્કમાં HDFC લિ.ના જે ઇક્વિટી શેર હશે તે ખતમ થઈ જશે.

રૂ. 1355.60ની હાલની શેર પ્રાઈસ પર ડિવિડન્ડ યીલ્ડ 0.48 ટકા થાય છે. છેલ્લી જાહેરાતને બાદ કરતા એચડીએફસી બેન્કે માત્ર ત્રણ વખત બે આંકડામાં ડિવિડન્ડ જાહેર કર્યું છે. 2020માં કોવિડના કારણે બિઝનેસને અસર થઈ હોવાનું જણાવીને એચડીએફસી બેન્કે તેના રોકાણકારોને કોઈ ડિવિડન્ડ આપ્યું ન હતું. તેવી જ રીતે 2002 અને 2002માં પણ રોકાણકારોને કોઈ ડિવિડન્ડ મળ્યું ન હતું.

જોકે, હવે જાહેર કરવામાં આવેલું રૂ. 15.50નું ડિવિડન્ડ શેરહોલ્ડર્સની મંજૂરીને આધિન છે. આ માટેની રેકોર્ડ ડેટ 13 મે છે. એટલે કે આ તારીખે જે રોકાણકારોના એકાઉન્ટમાં એચડીએફસી બેન્કના શેર હશે તેમને ડિવિડન્ડ મળવાપાત્ર રહેશે. એક વર્ષ અગાઉના ક્વાર્ટરમાં એચડીએફસી બેન્કે રૂ. 8187 કરોડનો નફો નોંધાવ્યો હતો. ચાલુ મહિનામાં એચડીએફસી બેન્ક અને એચડીએફસી વચ્ચે મેગા મર્જરની જાહેરાત થઈ છે જે 18 મહિનાની અંદર પાર પાડવામાં આવશે.

Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.

Share This :

Related Articles

Leave a Comment