બોલીવુડ / હિમ્મત હોય તો જોઈ નાખો આ 13 હોરર ફિલ્મો, ઈનામમાં મળશે લાખો રૂપિયા

  • 27-Nov-2021 09:00 AM

 

મોટાભાગે ફિલ્મ જોવી તમામ લોકોને ગમતુ હોય છે. ફિલ્મ પાછળ કેટલાંક લોકો તો એટલા ગાંડા હોય છે કે હજારો રૂપિયા ખર્ચ કરી નાખતા હોય છે. તમે એ વાત જાણો છો કે, ફિલ્મ જોવા માટે તમારા રૂપિયા ખર્ચ ન કરવા પડે અને એના બદલામાં તમને રૂપિયા મળે તો? હા, વાત સાચી છે કે, તમે હોરર ફિલ્મો જોઈને પૈસાની કમાણી કરી શકો છો. એક કંપનીની 13 ખતરનાક હોરર ફિલ્મો જોઈને તમે 1300 ડૉલર એટલે કે એક લાખ રૂપિયા જીતી શકો છો.

ફિલ્મ દેખતી વખતે કંપની જે તે વ્યક્તિના હૃદયના ધબકારા ચેક કરશે અને તમને રૂપિયા આપશે. એક વેબસાઈટે તાજેતરમાં જ આની જાહેરાત કરી છે. કંપનીએ અલગ અલગ બજેટની 13 હોરર ફિલ્મોની લિસ્ટ બનાવી છે. જેના દ્વારા તેઓ હોરર મૂવી હાર્ટ રેટ એનાલિસ્ટની શોધ કરી રહ્યાં છે. એના દ્વારા મોટા બજેટની ફિલ્મોની સરખામણી એક નાના બજેટની હોરર ફિલ્મો સાથે કરવામાં આવશે. આ ફિલ્મ જોઈ રહેલાં વ્યક્તિના હૃદયના ધબકારા ચેક કરવા માટે એક ફિટબિટ ડિવાઈસનો ઉપયોગ કરવામાં આવશે.

આ 13 હોરર ફિલ્મો
વેબસાઈટે જે હોરર ફિલ્મોના નામ જાહેર કર્યા છે તેમાં એમિટીવિલે હોરર, એ ક્વાઈટ પ્લેસ, એ ક્વાઈટ પ્લેસ-2, કૈંડીમેન, ઈન્સિડિયસ, ધ બ્લેયર વિચ પ્રોજેક્ટ, સિનિસ્ટર, ગેટ આઉટ, ધ પર્જ, પૈરાનોર્મ એક્ટિવિટી અને હેલોવીનની 2018ની રિમેક છે. વેબસાઈટના જણાવ્યા મુજબ, આ ફિલ્મો જોયા બાદ જે વ્યક્તિ વિજેતા બનશે તેને 1300 ડૉલર એટલે કે અંદાજે એક લાખ રૂપિયા ઈનામમાં આપવામાં આવશે.

1 ઓક્ટોબરે વિજેતાની જાહેરાત
કંપની તરફથી મૂવી મેરાથોન દરમિયાન ફિટબિટ પહેરીને ફિલ્મ જોનારા માટે પૈસા કમાવવા માટે 50 ડૉલરનું ગિફ્ટ કાર્ડ અલગથી આપવામાં આવશે. આ ફિલ્મો જોવા માટે કેટલાંક લોકોએ દાવેદારી પણ નોંધાવી છે. આ ફિલ્મો જોવા માટે આવેદનપત્ર ભરવાની છેલ્લી તારીખ 26 સપ્ટેમ્બર છે. વિજેતાની જાહેરાત 1 ઓક્ટોબરે કરવામાં આવશે.

Share This :

Related Articles

Leave a Comment