વર્લ્ડ / કોરોનાની ચોથી લહેર પહેલા વધ્યું ટેન્શન, દર્દીની સ્કિન પર જોવા મળ્યા આ વિચિત્ર લક્ષણ.

  • 27-Apr-2022 09:30 AM

કોરોના વાયરસના કારણે ભારતમાં ફરી એકવખત ચિંતા ઊભી થઈ છે. વર્લ્ડ હેલ્થ ઓર્ગેનાઈઝેશન (WHO)એ ચેતવણી આપી છે કે ભારતમાં ઓમિક્રોન બીએ.2 (Omicron BA.2) વેરિયન્ટના કેસો વધી રહ્યા છે. ત્યારે ચિંતાની વાત એ છે કે કોરોનાના કેટલાંક લક્ષણ બદલાયા પણ છે. તાવ, શરદી અને ઉધરસ, ગળામાં ખરાશ જેવા લક્ષણો સિવાય પણ શરીર પર જોવા મળતા કેટલાંક લક્ષણો સમજવા જરૂરી છે.

કોવિડ ડિજિટનો ખતરો

યુકેની હેલ્થ એજન્સીના જણાવ્યા અનુસાર, આવી સ્થિતિમાં પગની આંગળીઓ અને અંગૂઠામાં સોજો આવી જાય છે. આ લક્ષણ કોરોના સંક્રમણની શરૂઆતના થોડા સમય પછી જોવા મળે છે અને 12 અઠવાડિયા કરતા પણ વધુ સમય જોવા મળે છે. કોવિડ ડિજિટના લીધે પગની આંગળીઓમાં રંગ બદલાવો અને સોજો પેદા થઈ શકે છે.

ચકામા પણ છે કોવિડ ઈન્ફેક્શનના સંકેત

યુકેની હેલ્થ એજન્સીના જણાવ્યા અનુસાર, કોરોનાના દર્દીમાં સ્કિન સંબંધિત સમસ્યા જોવા મળી શકે છે. જેમાં ખણ આવે તેવા દાણા અને તેમાં નાની ગાંઠ જોવા મળે છે. આ પ્રકારના દાણા અચાનક ચામડી પર જોવા મળે છે અને પછી આપમેળે દૂર પણ થઈ જાય છે. કોરોનાના દર્દીઓમાં સ્કિન સંબંધિત અન્ય સમસ્યા પણ જોવા મળે છે જેને pityriasis roseaના નામથી ઓળખવામાં આવે છે.

એક અભ્યાસમાં જાણવા મળ્યું છે કે આ વાયરસથી પીડિત લોકોમાં આંતરડા સંબંધિત સમસ્યાઓ જેમ કે ઝાડા, પેટમાં દુ:ખાવો અને ઉબકા જોવા મળે છે. આશ્ચર્યજનક બાબત એ છે કે દર્દીઓ ઉધરસ અથવા શ્વાસ લેવામાં તકલીફ જેવી સમસ્યાઓ દર્શાવતા નથી, જેમ કે અગાઉના તમામ પ્રકારોમાં જોવામાં આવ્યું હતું. BA.2 દર્દીઓમાં સૌથી વધુ દેખાતા લક્ષણોમાં તાવ અથવા શરદી, ઉધરસ, શ્વાસ લેવામાં તકલીફ, થાક, સ્નાયુ અથવા શરીરનો દુખાવો, માથાનો દુ:ખાવો, સ્વાદ અથવા ગંધ ના આવવા, ગળામાં ખરાશ, વહેતું નાક અને બેચેની લાગવી, ઉલટી અથવા ઉબકા, ઝાડા વગેરે છે. Disclaimer: આ આર્ટિકલમાં આપવામાં આવેલી માહિતીનો અમલ કરતા પહેલા આપના ડૉક્ટરની સલાહ ચોક્કસ લેશો.

Share This :

Related Articles

Leave a Comment