હેલ્થ / લૂ બની શકે છે જીવલેણ, અમદાવાદના ન્યૂટ્રિશનિસ્ટ પાસેથી જાણો બચવાના ઉપાય અને ઇલાજ.

  • 28-Apr-2022 08:55 AM

આપણાં શરીરનું તાપમાન સામાન્ય રીતે 37 ડિગ્રી સેલ્સિયસ સુધી હોય ત્યારે શરીરના અવયવો યોગ્ય રીતે કામ કરે છે. એવામાં શરીરમાંથી પરસેવો બહાર કાઢ્યા બાદ શરીર તાપમાનનું આ સ્તર જાળવી રાખે છે. જો કે, ખાસ કરીને ઉનાળામાં લોકોને વધારે તાપમાનના કારણે પરેશાનીઓનો સામનો કરવો પડે છે.

જ્યારે વ્યક્તિને લૂ (Heat Stroke) લાગે ત્યારે માથાનો દુઃખાવો, થાક, ઉલટી, તાવ વગેરે લક્ષણો જોવા મળે છે. ઉપરાંત ડિહાઇડ્રેશન (Dehydration)ની સમસ્યા પણ સર્જાય છે. આ તમામ સમસ્યાના ઇલાજ માટે અમદાવાદના ડાયેટિશિયન અને ન્યૂટ્રિશનિસ્ટ ડૉ. હેતી વર્માએ કેટલીક ટિપ્સ વિશે માહિતી આપી છે જેનાથી તમે હિટ સ્ટ્રોકથી બચી શકો છો.

3થી 4 લીટર પાણી પીવો

3-4-

 

  • છાશ (2 ગ્લાસ પ્રતિ દિવસ)
  • સત્તુ જીરા ડ્રિંક (પોસ્ટ-વર્ક આઉટ)
  • કાકડી ( તમારાં લંચ-ડિનરમાં લેવાનો આગ્રહ રાખો)
  • માખણ
  • જવ રોટી
  • ડુંગળી (સલાડ તરીકે)
  • સાદા પાણીને બદલે તેમાં લીંબુ, પુદીના, ચિયા શીડ્સ એડ કરીને પીવો.

વરિયાળીના રસના ફાયદા

 

ડૉ. હેતી વર્માના જણાવ્યા અનુસાર, અગાઉ જણાવેલા તમામ ફૂડ્સ અને ડ્રિંકમાં કૂલિંગ એજન્ટ રહેલા છે જે ઉનાળામાં તમારાં શરીરને અંદરથી જ ઠંડુ રાખવામાં મદદરૂપ થશે અને હિટ સ્ટ્રોક સામે રક્ષણ આપશે. આ ઉપરાંત વ્યક્તિએ દિવસમાં 3થી 4 લીટર પાણી પીવું જોઇએ, ભોજનમાં સલાડ, છાશ, દહીંનો ઉપયોગ કરવો જોઇએ. ઠંડા પાણીથી સ્નાન કરવાનો આગ્રહ રાખો અને શરીરનું તાપમાન વધે નહીં તેનો ખ્યાલ રાખો.

જો કોઇ વ્યક્તિને લૂ લાગી હોય તો વરિયાળીના રસનો ઉપયોગ કરી શકાય છે. વરિયાળીની તાસીર ઠંડી હોય છે, તેથી તેના રસમાં બે બૂંદ પુદીનાનો રસ અને બે ચમચી ગ્લૂકોઝ પાઉડર મિક્સ કરો અને તેનું સેવન કરો.

 

લૂ લાગવા પર ઉપચારો

 

  • ડુંગળીના રસના ઉપયોગથી પણ તમે હિટ સ્ટ્રોકની સમસ્યા દૂર કરી શકો છો. ડુંગળીના રસને ચેસ્ટ એરિયા પર ઘસવાથી પણ લૂની સમસ્યા દૂર થઇ શખે છે.
  • પુદીનાના ઉપયોગથી પણ લૂની સમસ્યા દૂર કરી શકાય છે. પુદીનાના પાનને પીસીને તેમાં બે મરી ઉમેરો અને ફરીથી પીસી લો. હવે તેને પાણીમાં મિક્સ કરીને તેનું સેવન કરો. આમ કરવાથી

હિટ સ્ટ્રોકની સમસ્યા દૂર થશે

 

  • કાચું નારિયેળ તમને હિટ સ્ટ્રોક સામે રક્ષણ આપી શકે છે. કાચા નારિયેળની ગરને પહેલાં પીસી લો ત્યારબાદ તેમાં કાળું જીરું મિક્સ કરીને તેનું સેવન કરો. આવું કરવાથી તમને તાત્કાલિક રાહત મળશે.
  • જ્યારે કોઇ વ્યક્તિને લૂ લાગે છે તો તેના શરીરનું તાપમાન વધી જાય છે, એવામાં વધારે ઠંડુ પાણી પીવાથી સમસ્યા વધી શકે છે. વ્યક્તિએ આવી સ્થિતિમાં સામાન્ય ઠંડુ અથવા માટલીનું પાણી પીવું જોઇએ.

 

નોંધઃ આ લેખ સામાન્ય જાણકારી માટે છે, તે કોઇ પણ પ્રકારની દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Share This :

Related Articles

Leave a Comment