આપણાં શરીરનું તાપમાન સામાન્ય રીતે 37 ડિગ્રી સેલ્સિયસ સુધી હોય ત્યારે શરીરના અવયવો યોગ્ય રીતે કામ કરે છે. એવામાં શરીરમાંથી પરસેવો બહાર કાઢ્યા બાદ શરીર તાપમાનનું આ સ્તર જાળવી રાખે છે. જો કે, ખાસ કરીને ઉનાળામાં લોકોને વધારે તાપમાનના કારણે પરેશાનીઓનો સામનો કરવો પડે છે. જ્યારે વ્યક્તિને લૂ (Heat Stroke) લાગે ત્યારે માથાનો દુઃખાવો, થાક, ઉલટી, તાવ વગેરે લક્ષણો જોવા મળે છે. ઉપરાંત ડિહાઇડ્રેશન (Dehydration)ની સમસ્યા પણ સર્જાય છે. આ તમામ સમસ્યાના ઇલાજ માટે અમદાવાદના ડાયેટિશિયન અને ન્યૂટ્રિશનિસ્ટ ડૉ. હેતી વર્માએ કેટલીક ટિપ્સ વિશે માહિતી આપી છે જેનાથી તમે હિટ સ્ટ્રોકથી બચી શકો છો.
ડૉ. હેતી વર્માના જણાવ્યા અનુસાર, અગાઉ જણાવેલા તમામ ફૂડ્સ અને ડ્રિંકમાં કૂલિંગ એજન્ટ રહેલા છે જે ઉનાળામાં તમારાં શરીરને અંદરથી જ ઠંડુ રાખવામાં મદદરૂપ થશે અને હિટ સ્ટ્રોક સામે રક્ષણ આપશે. આ ઉપરાંત વ્યક્તિએ દિવસમાં 3થી 4 લીટર પાણી પીવું જોઇએ, ભોજનમાં સલાડ, છાશ, દહીંનો ઉપયોગ કરવો જોઇએ. ઠંડા પાણીથી સ્નાન કરવાનો આગ્રહ રાખો અને શરીરનું તાપમાન વધે નહીં તેનો ખ્યાલ રાખો.
જો કોઇ વ્યક્તિને લૂ લાગી હોય તો વરિયાળીના રસનો ઉપયોગ કરી શકાય છે. વરિયાળીની તાસીર ઠંડી હોય છે, તેથી તેના રસમાં બે બૂંદ પુદીનાનો રસ અને બે ચમચી ગ્લૂકોઝ પાઉડર મિક્સ કરો અને તેનું સેવન કરો.
નોંધઃ આ લેખ સામાન્ય જાણકારી માટે છે, તે કોઇ પણ પ્રકારની દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
સ્વતંત્ર સમાચાર