સ્પોર્ટ્સ / IPL 2021: RCBએ રાજસ્થાનને 7 વિકેટથી હરાવ્યું, મેક્સવેલની તોફાની ફિફ્ટી.

  • 30-Sep-2021 08:34 AM

IPL 2021માં દુબઈમાં રમાયેલ આજની મેચમાં રોયલ ચેલેન્જર્સ બેંગ્લોરે ટોસ જીતીને પ્રથમ બોલિંગનો નિર્ણય કર્યો હતો. પ્રથમ બેટિંગ માટે ઉતરેલી રાજસ્થાન રોયલ્ની ટીમે 20 ઓવરના અંતે 9 વિકેટ ગુમાવીને 149 રન બનાવ્યા હતા. જેના જવાબમાં આરસીબી તરફથી મેક્સવેલે તોફાની બેટિંગ કરી હતી. અને આરસીબીએ 17.1 ઓવરમાં 3 વિકેટના નુકસાન પર 153 રન બનાવીને 7 વિકેટથી મેચ જીતી લીધી હતી. અને આ જીત સાથે જ આરસીબીએ પ્લે ઓફમાં પોતાનું સ્થાન લગભગ નક્કી કરી લીધું છે.


હર્ષલ પટેલ, યુઝવેન્દ્ર ચહલ અને શાહબાજ અહેમદની ઘાતક બોલિંગે રાજસ્થાન રોયલ્સના બેટ્સમેનોને ઘૂંટણિયે પાડી દીધા હતા. અને ત્યારબાદ આરસીબી તરફથી ગ્લેન મેક્સવેલની વિસ્ફોટક બેટિંગની મદદથી આરસીબીએ રાજસ્થાન સામે 7 વિકેટની મદદથી શાનદાર જીત મેળવી હતી. મેક્સવેલે 30 બોલમાં 6 ચોગ્ગા અને એક છગ્ગાની મદદથી અણનમ 50 રન બનાવ્યા હતા.


રોયલ ચેલેન્જર્સ બેંગ્લોરની ઈનિંગઃ

રોયલ ચેલેન્જર્સ તરફથી કેપ્ટન વિરાટ કોહલી અને દેવદત્ત પડિક્કલ દ્વારા સારી શરૂઆત આપવામાં આવી હતી. વિરાટ કોહલી 20 બોલમાં ચાર ચોગ્ગાની મદદથી 25 રન બનાવીને રન આઉટ થઈ ગયો હતો. જ્યારે દેવદત્ત પડીક્કલે 17 બોલમાં 4 ચોગ્ગાની મદદથી 22 રન બનાવ્યા હતા. અને ત્યારબાદ શ્રીકાર અને મેક્સવેલની જોડીએ આરસીબીને જીતની નજીક પહોંચાડી હતી. જો કે શ્રીકાર 35 બોલમાં 3 ચોગ્ગા અને 1 છગ્ગાની મદદથી 44 રન બનાવીને આઉટ થયો હતો અને 6 રન માટે તે ફિફ્ટી ચૂક્યો હતો. જો કે, મેક્સવેલે આજે વિસ્ફોટક બેટિંગ કરતાં અણનમ 30 બોલમાં 6 ચોગ્ગા અને 1 છગ્ગાની મદદથી અર્ધ સદી ફટકારી હતી. અને આરસીબીને શાનદાર જીત અપાવી હતી. રાજસ્થાન તરફથી મુસ્તાફુઝિર રહેમાને 2 વિકેટ ઝડપી હતી.


રાજસ્થાન રોયલ્સની ઈનિંગઃ

રાજસ્થાન તરફથી ઓપનિંગ જોડી એવિન લૂઈસ અને યશસ્વી જયસ્વાલે સારી શરૂઆત કરાવી હતી. લૂઈસે 37 બોલમાં 5 ચોગ્ગા અને 3 છગ્ગાની મદદથી 58 રન બનાવ્યા હતા. જ્યારે જયસ્વાલે 22 બોલમાં 3 ચોગ્ગા અને 2 છગ્ગાની મદદથી 31 રન બનાવ્યા હતા. જો કે, આ બંને બેટ્સમેન બાદના તમામ બેટ્સમેન રન બનાવવામાં નિષ્ફળ રહ્યા હતા. ગત મેચમાં 82 રન બનાવનાર સંજુ સેમસન પણ આ મેચમાં માત્ર 19 રન બનાવી શક્યો હતો. અને તેની પાછળના મોટા ભાગના બેટ્સમેન માત્ર એક આંકડામાં રન મારી શક્યા હતા. જેમાં લોરમોર 3 રન, લિવિંગસ્ટોન 6 રન, તેવતિયા 2 રન, રિયાન પરાગ 9 રન, ક્રિસ મોરિસ 14 રન, ચેતન સાકરિયા 14 રન અને કાર્તિક ત્યાગી 1 રન બનાવી શક્યો હતો.

હર્ષલ પટેલે અંતિમ ઓવરમાં 3 વિકેટ ઝડપી


ગત મેચમાં હેટ્રિક લઈને ઈતિહાસ રચનાર હર્ષલ પટેલે આજની મેચમાં પણ બેટ્સમેનોને ઘૂંટણિયે પાડી દીધા હતા. અને તેણે છેલ્લી ઓવરમાં 3 વિકેટ ઝડપી હતી. આ ઉપરાંત યુઝવેન્દ્ર ચહલે ચાર ઓવરમાં 18 રન આપીને બે વિકેટ તો શાહબાજ અહેમદે બે ઓવરમાં 10 રન આપીને બે વિકેટ ઝડપી હતી. યુઝવેન્દ્ર ચહલને મેન ઓફ ધ મેચ જાહેર કરાયો હતો.
રાજસ્થાન રોયલ્સની ટીમઃ એવિન લૂઈસ, યશસ્વી જયસ્વાલ, સંજુ સેમસન (કેપ્ટન અને વિકેટકીપર), લિયામ લિવિંગસ્ટોન, મહિપાલ લોમરોર, રિયાન પરાગ, રાહુલ તેવતિયા, ક્રિસ મોરિસ, કાર્તિક ત્યાગી, ચેતન સાકરિયા, મુસ્તાફિઝુર રહેમાન.


રોયલ ચેલેન્જર્સ બેંગ્લોરની ટીમઃ વિરાટ કોહલી (કેપ્ટન), દેવદત્ત પડિક્કલ, શ્રીકાર ભારત (વિકેટકીપર), ગ્લેન મેક્સવેલ, એબી ડી વિલિયર્સ, ડેનિયલ ક્રિશ્ચિયન, જ્યોર્જ ગાર્ટોન, શાહબાઝ અહેમદ, હર્ષલ પટેલ, મોહમ્મદ સિરાજ, યુઝવેન્દ્ર ચહલ.

Share This :

Related Articles

Leave a Comment