હેલ્થ / Best Oil For Skin Care: ડોક્ટરે જણાવેલા 5 ઓઇલ્સ, જે સ્કિનને યંગ રાખવામાં કરશે મદદ.

  • 29-Apr-2022 11:21 AM

કેટલાક લોકો માને છે કે ચહેરા પર તેલ લગાવવું જોઇએ નહીં, જે તદ્દન ખોટી વાત છે. તેલની મદદથી તમે તમારા ચહેરા પર ફેશિયલ (Facial Oil) કરી શકો છો. આનાથી સ્કિનને પોષણ મળશે અને સાથે સાથે ચહેરા પરની કરચલીઓ ઓછી થશે. આ વાત ઘણા લોકોને હજી ખબર નથી એટલા માટે જ તેઓ પાર્લરમાં જઇને ફેશિયલ કરાવે છે. જ્યારે ફેશિયલ માટે ઓઇલથી વધુ સારું કંઇ જ નથી.

જોકે આ તેલને યુઝ કરતા પહેલા આ સમજવું પડે કે ક્યું તેલ તમારા ચહેરા પર યુઝ (best oil for skin) કરવું જોઇએ. સ્કિન સૌથી સેન્સેટિવ પાર્ટ છે અને તેના પર અખતરા કરવાએ મુશ્કેલીઓને નોતરવા જેવું છે. ખાસ કરી ને ચહેરા માટે તો એક્સ્ટ્રા અલર્ટ રહેવાની જરૃર છે. એક્સપર્ટની વાત માનીએ તો અમુક તેલ એવા છે જે ફેશિયલ માટેની પહેલી પસંદગી બની રહ્યા છે. આટલું જ નહીં આ તેલને તમારા રેગ્લુર સ્કિન કેર રૃટીનમાં આ તેલ (Oil for skin care routine) નો સમાવેશ કરવાની જરૃરી છે.

આ ઓઇલ્સ વિશે આયર્વેદિક ડો. વારા લક્ષ્મીએ વિડિયો શેર કર્યો છે. આ સાથે તેમણે એ પણ જણાવ્યું છે કે સ્કિનને નરિશ કરવા માટેનો તેલ સૌથી સહેલો ઉપાય છે અને આનાથી સ્કિનની હેલ્થ (Skin health) માં પણ વધારો થાય છે. (ફોટો ક્રેડિટ્સ: @tabutiful & @taruntahiliani Instagram)

એક્સપર્ટે સ્કિન કેર માટેના બેસ્ટ ઓઇલ વિશે જણાવ્યું

​​કુમકુમાદિ તેલમ

સુંદર અને હેલ્ધી સ્કિન માટે કુમકુમાદિ તેલનો ઉપયોગ કરી શકાય છે. આ એક ટ્રેડિશનલ આયુર્વેદિક તેલ છે જે ત્વચાને હેલ્ધી રાખવામાં મદદ કરે છે. આ તેલના મેઇન ઇન્ગ્રેડિઅન્ટ્સની વાત કરીએ તો તેમાં કેસર અને ચંદનનો યુઝ કરવામાં આવે છે. આનાથી સ્કિન ટોનમાં નિખાર આવે છે અને તે સ્કિનને નરિશ અને મોઇશ્ચરાઇઝ પણ કરે છે.

​નારિયેલ તેલ

નારિયેલ તેલ (Coconut oil for skin) લાઇટ ઓઇલ છે. આ કારણે મોટા ભાગના લોકો તેનો યુઝ કરે છે. એક્સપર્ટના કહેવા મુજબ, આ તેલ લાઇટ હોવાને કારણે આ વાત અને પિત્ત બન્ને દોષને બેલેન્સ કરે છે. આ તેલનો ઉપયોગ મેકઅપ રિમૂવ (Oil for makeup removal) કરવા માટે અને સ્કિન મોઇશ્ચરાઇઝ કરવા ઘણા લોકો કરે છે. દરરોજ ચહેરા પર મસાજ કરવા માટે પણ નારિયેલ તેલનો ઉપયોગ કરવામાં આવે છે.

​ગાજરના બીજનું તેલ

ગાજરના બીજનું તેલ (carrot oil for skin)એક ઉચ્ચ કોટીનું નેચરલ ઓઇલ છે જે સનસ્ક્રીનનું પણ કામ કરે છે અને સાથે સ્કિનની હેલ્થમાં પણ વધારો કરે છે. ખાસ વાત એ છે કે આ તેલમાં વિટામિન એના ગુણ છે, જે વર્સેટાઇલ કામ કરે છે. આ તેલ એન્ટી એજીંગ અને ડેમેજ સ્કિનને (Oil for anti aging and skin damage) રિપેર કરવામાં મદદ કરે છે.

​બાકુચી ઓઇલ

ઔષધીય ગુણોથી ભરપૂર બાકુચી ઓઇલનો (Bakuchi oil) લ્યુકોડર્મા, પાંડુરોગ અને સૉરાયિસસ જેવી બીમારીઓમાં ઉપયોગ કરવા માટે બેસ્ટ છે. હાલમાં આ તેલ સ્કિન કેર પ્રોડક્ટ્સમાં (Skin care products) યુઝ કરવામાં આવતા બેસ્ટ ઓઇલમાંનું એક છે. ટોનને બેલેન્સ કરવાની સાથે સાથે એજીંગના સાઇન્સને પણ રોકે છે અને સ્કિનને રિપેર કરે છે.

જોજોબા ઓઇલ

સ્કિનની સેન્સિટિવિટીને ઓછી કરવા માટે આ જોજોબા ઓઇલ (Jojoba Oil) સૌથી સારું ઓઇલ છે. ખીલને ઓછા કરવા માટે અને સનબર્નથી બચવા માટે આ તેલનો ઉપયોગ કરવામાં આવે છે. આ સિવાય આ તેલ સ્કિનને પોષણ પણ આપે છે

Share This :

Related Articles

Leave a Comment