સ્પોર્ટ્સ / IPL 2022: ધોનીના હાથમાં સુકાનીપદ આવતાં જ ચેન્નઈનો હૈદરાબાદ સામે શાનદાર વિજય.

  • 02-May-2022 08:42 AM

IPL 2022: રવીન્દ્ર જાડેજા બાદ ધોનીના હાથમાં ફરીથી ચેન્નઈનું સુકાનીપદ આવતાં જ ચેન્નઈનો હૈદરાબાદ સામે શાનદાર વિજય થયો છે. પુનેના મહારાષ્ટ્ર ક્રિકેટ એસોસિયેશનમાં રમાઈ રહેલી મેચમાં હૈદરાબાદે ટોસ જીતીને પ્રથમ બોલિંગનો નિર્ણય કર્યો હતો. પ્રથમ બેટિંગ કરવા માટે ઉતરેલી ચેન્નઈની ટીમે 20 ઓવરના અંતે 2 વિકેટ ગુમાવીને 202 રન બનાવ્યા હતા. ઓપનર રુતુરાજ ગાયકવાડ એક રન માટે સદીથી ચૂકી ગયો હતો. તેણે 57 બોલમાં શાનદાર 99 રન બનાવ્યા હતા. આ ઉપરાંત કોન્વે 85 રન બનાવી અણનમ રહ્યો હતો. 203 રનોનો પીછો કરવા ઉતરેલી હૈદરાબાદની ટીમ 20 ઓવરના અંતે 189 રન બનાવી શકી હતી. ધોનીના સુકાનીપદ હેઠળ ચેન્નઈનો હૈદરાબાદ સામે 13 રનોથી શાનદાર વિજય થયો હતો. ચેન્નઈ તરફથી મુકેશ ચૌધરીએ 4 વિકેટ ઝડપી હતી.

ચેન્નઈની ઈનિંગ્સઃ રવીન્દ્ર જાડેજાએ ગત રોજ સુકાનીપદ ધોનીને સોંપવાની જાહેરાત કરી હતી. ધોનીના સુકાનીપદ સાથે જ ચેન્નઈનું ભાગ્ય ખૂલી ગયું હતું. ટોસ હારીને પ્રથમ બેટિંગ માટે ઉતરેલી ચેન્નઈની ટીમના ઓપનર રુતુરાજ ગાયકવાડ અને ડેવોન કોન્વેએ શાનદાર શરૂઆત અપાવી હતી. ગાયકવાડે 57 બોલમાં 6 ચોગ્ગા અને 6 સિક્સની મદદથી 99 રન બનાવ્યા હતા. જો કે, તે સદી પૂરી શકે તે પહેલાં જ નટરાજનના બોલ પર ભુવનેશ્વર કુમારને કેચ આપી બેઠો હતો. જે બાદ ધોની ક્રિઝ પર આવ્યો હતો. પણ તે માત્ર 8 રન બનાવી શક્યો હતો. ઓપનર કોન્વેએ 55 બોલમાં 8 ચોગ્ગા અને 4 સિક્સની મદદથી 85 રન બનાવી અણનમ રહ્યો હતો. જ્યારે જાડેજા એક રન બનાવી અણનમ રહ્યો હતો.

 


હૈદરાબાદની ઈનિંગ્સઃ 203 રનોના લક્ષ્યાંકનો પીછો કરવા ઉતરેલી હૈદરાબાદની ટીમને ઓપનર અભિષેક શર્મા અને કેન વિલિયમસને સારી શરૂઆત અપાવી હતી. શર્માએ 24 બોલમાં 39 રન અને વિલિયમસને 37 બોલમાં 47 રન બનાવ્યા હતા. જો કે, ત્યારબાદ રાહુલ ત્રિપાઠી 0 રન બનાવી પેવેલિયન પરત ફર્યો હતો. જ્યારે માર્કરમ 17 રન બનાવીને આઉટ થયો હતો. જો કે, ત્યારબાદ શશાંક સિંહ 15 રન પર તો વોશિંગટન સુંદર 2 રન બનાવીને આઉટ થયો હતો. નિકોલસ પૂરને પણ 33 બોલમાં 3 ચોગ્ગા અને 6 સિક્સની મદદથી 64 રન બનાવી અણનમ રહ્યો હતો.

હૈદરાબાદની ટીમઃ અભિષેક શર્મા, કેન વિલિયમસન (કેપ્ટન), રાહુલ ત્રિપાઠી, એઈડન માર્કરમ, નિકોલસ પૂરન (વિકેટકીપર), શશાંક સિંહ, વોશિંગટન સુંદર, માર્કો જેન્સન, ભુવનેશ્વર કુમાર, ઉમરાન મલિક, ટી નટરાજન

ચેન્નઈની ટીમઃ રુતુરાજ ગાયકવાડ, ડેવોન કોન્વે, રોબિન ઉથપ્પા, અંબાતિ રાયડુ, રવીન્દ્ર જાડેજા, એમ.એમ.ધોની (કેપ્ટન અને વિકેટકીપર), મિશેલ સેન્ટનર,ડ્વાઈન પ્રેટોરિયસ, સિમરજીત સિંહ, મુકેશ ચૌધરી, મહીશ થીક્શાના

Share This :

Related Articles

Leave a Comment