ગુજરાત / મોરબીમાં અકસ્માત બાદ ઈકો કારમાં આગ લાગતા બે લોકો જીવતા ભૂંજાયા.

  • 02-May-2022 09:35 AM

 રાજ્યમાં અકસ્માત થવાનો સિલસિલો હજુ પણ યથાવત છે. ત્યારે મોરબીમાં માળીયા મીયાણા નજીક એક ગોઝારો અકસ્માત (Accident in Morbi) સર્જાયો હતો. ટ્રક અને ઈકો કાર વચ્ચે અકસ્માત સર્જાયો હતો. જે બાદ ઈકો કારમાં ભયંકર (Car fire after accident) આગ લાગી હતી. ઈકો કારમાં આગ લાગતા બે લોકો જીવતા ભૂંજાયા હતા. અકસ્માતની જાણ થતાં જ આસપાસના લોકો દોડી આવ્યા હતા. બાદમાં અકસ્માતની જાણ ફાયર વિભાગ અને પોલીસને કરવામાં આવી હતી. પોલીસ અને ફાયર વિભાગની ટીમે ઘટના સ્થળે પહોંચીને રેસ્ક્યૂ ઓપરેશન હાથ ધર્યુ હતુ. ઈકો કારમાં સવાર ચારમાંથી બે લોકોનાં કરુણ મોત નીપજ્યા (Two dead in accident) હતા. જ્યારે આ અકસ્માતમાં ઈજાગ્રસ્ત બે લોકોને સારવાર માટે હોસ્પિટલ ખસેડવામાં આવ્યા હતા. તો પોલીસે બંને મૃતદેહ કબજે કરીને પોસ્ટમોર્ટમ માટે ખસેડ્યા હતા.

પ્રાપ્ત રિપોર્ટ મુજબ, મૂળ ઉત્તર પ્રદેશના પરંતુ હાલ રાજકોટમાં હેતા અતુલભાઈ શર્મા, સંતોષભાઈ પરમાર તેમજ દિવાકર ચૌહાણ ઈકો કારમાં રાજકોટથી નલિયા તરફ જઈ રહ્યા હતા. આ દરમિયાન મોરબીથી માળીયા મીયાણા નજીક નેશનલ હાઈવે પર પંચવટી ગામ નજીક ઈકો કાર અને ટ્રક વચ્ચે ભયંકર અકસ્માત સર્જાયો હતો. ઈકો કારના ચાલક ગોપાલ રામાનુજે સ્ટિયરિંગ પરનો કાબૂ ગુમાવતા આગળ જઈ રહેલી ટ્રક સાથે કાર ધડાકાભેર અથડાઈ હતી. આ અકસ્માત સર્જાયા બાદ ઈકો કારમા આગ લાગતા તે ભડભડ સળગવા લાગી હતી. કારમાં સવાર ચાર પૈકી બે લોકો આ આગમાં જીવતા ભૂંજાયા હતા. કારમાં સૂઈ રહેલાં સંતોષભાઈ અને દિવાકર ચૌહાણ આ આગમાં બળીને ભડથું થઈ ગયા હતા.

જે બાદ બંનેના ઘટના સ્થળે જ કરુણ મોત નીપજ્યા હતા. ઘટનાના પગલે આસપાસના લોકો દોડી આવ્યા હતા. બાદમાં ઘટનાની જાણ ફાયર વિભાગ અને પોલીસને કરવામાં આવી હતી. પોલીસ અને ફાયર વિભાગ ઘટના સ્થળે પહોચ્યા હતા અને રેસ્ક્યૂ ઓપરેશન હાથ ધર્યુ હતુ. પોલીસે બંને મૃતદેહ કબજે કરીને પોસ્ટમોર્ટમ માટે ખસેડ્યા હતા. જ્યારે અન્ય ઈજાગ્રસ્તોને સારવાર માટે હોસ્પિટલમાં ખસેડવામાં આવ્યા હતા. આ મામલે પોલીસે ગુનો નોંધીને આગળની કાર્યવાહી હાથ ધરી છે.

Share This :

Related Articles

Leave a Comment