વર્લ્ડ / હવે વોટ્સએપ કોલ પણ કરી શકશો રેકોર્ડ, સામેવાળાને ખબર પણ નહીં પડે અને મિનિટોમાં થઈ જશે કામ.

  • 11-May-2022 10:10 AM

કોલ રેકોર્ડિંગ એ બેસ્ટ સુવિધા છે, જે કેટલાક કિસ્સામાં મહત્વના પુરાવા તરીકે સાબિત થઈ શકે છે. જો તમે ફોન પર કોઈની સાથે વાત કરતી વખતે તે રેકોર્ડ કરી લો તો આગળ જતાં તે જ રેકોર્ડિંગ તમને સમસ્યામાંથી બચાવી શકે છે. કોલ રેકોર્ડ કરવો તે સરળ છે, પરંતુ WhatsApp કોલ રેકોર્ડમાં (WhatsApp Call Record) હજી પણ મુશ્કેલીઓ જોવા મળે છે. તેવું પણ કહી શકો છો કે, WhatsApp પર કોલ રેકોર્ડ કરવો તે સરળ વાત નથી. આજે અહીંયા તમને કેટલીક એવી સરળ રીત વિશે જણાવવા જઈ રહ્યા છીએ જેની મદદથી તમને સરળતાથી WhatsApp કોલ રેકોર્ડ કરી શકો છો. તેની ખાસિયત એ છે કે, સામેવાળાને તમે રેકોર્ડિંગ કરી રહ્યા છો તેની જાણ પણ નહીં થાય. પરંતુ આ માટે તમારે ફોનમાં કેટલીક એપ્સ ડાઉનલોડ કરવી પડશે.

WhatsApp કોલ રેકોર્ડ કરવાની સૌથી સરળ રીતઃ
જો તમે WhatsApp કોલ રેકોર્ડ કરવા વિશે વિચારી રહ્યા છો તો તેમાં અલગ-અલગ રીત છે. આવી જ એક રીત છે કે, તમે બીજા ફોનનું રેકોર્ડર ઓન કરીને સરળતાથી WhatsApp કોલ રેકોર્ડ કરી શકો છો. જો કે, તેમાં પણ કેટલીક મુશ્કેલીઓનો સામનો કરવો પડી શકે છે. આ ફોન સાંભળતા-સાંભળતા શક્ય નથી. કારણ કે, બહાર અવાજ થતો હોય છે. તેથી, પ્રયાસ કરવો જોઈએ કે જ્યારે પણ આમ કરો ત્યારે કોઈ શાંત જગ્યા પર જાઓ અથવા કોઈ એવા રૂમમાં બેસો જ્યાં શાંતિ હોય.

રેકોર્ડિંગ એપ્સનો આશરો લઈ શકો છોઃ
તેવામાં તમે થર્ડ પાર્ટીની મદદ લઈ શકો છો. Play Store અને App Store પર ઘણી બધી રેકોર્ડિંગ એપ્સ ઉપલબ્ધ છે. તમે આ તમામ એપ્સનો ઉપયોગ કરી શકો છો. ACR, Call Recorder Cube ACR app જેવી એપ્સ આવા તમામ કોલ્સને પણ રેકોર્ડ કરવામાં સક્ષમ છે, જે તમારા WhatsApp પર આવે છે. આ એપ્સ તમારા ફોનની આઉટગોઈંગ અને ઈનકમિંગ તમામ કોલ્સને પણ રેકોર્ડ કરી શકે છે. આટલું જ નહીં આ તમામ એપની મદદથી તમે અન્ય ઓનલાઈન કોલ્સને પણ રેકોર્ડ કરી શકો છો. ટેલિગ્રામ, સ્લેક, ઝૂમ, ફેસબુક, સિગ્નલ અને અન્ય એપ્સની કોલિંગને પણ આ એપ્સથી સરળતાથી રેકોર્ડ કરી શકો છો.

Share This :

Related Articles

Leave a Comment