હેલ્થ / Alert! કોરોનાકાળમાં વધુ એક ખતરનાક વાઇરસની એન્ટ્રી, આજ સુધી નથી મળ્યો ઇલાજ; જાણો લક્ષણો.

  • 11-May-2022 10:13 AM

કોરોનાનું જોખમ (Corona virus Pandemic) હજુ ટળ્યું નથી, આખું વિશ્વ તેની સામે લડી રહ્યું છે, આ વાઇરસથી ચીનમાં હજુ પણ જોખમ યથાવત છે. આવા સમયે નવા રિપોર્ટ્સ સામે આવ્યા છે, જેમાં બ્રિટનમાં મન્કીપોક્સનો કેસ સામે આવ્યો છે. નાઇજીરિયાના પ્રવાસમાંથી પરત ફરેલા એક વ્યક્તિમાં મન્કીપોક્સ વાઇરસથી પુષ્ટિ થઇ છે. યૂકેની સ્વાસ્થ્ય સુરક્ષા એજન્સીએ ( The UK Health Security Agency - UKHSA) તેને એક વાઇરલ ઇન્ફેક્શન ગણાવ્યું છે, જે લોકો દ્વારા નહીં પણ આ વાઇરસ ઉંદર જેવા સંક્રમિત જીવોથી મનુષ્યોમાં ફેલાય છે.

ઉલ્લેખનીય છે કે, મન્કીપોક્સ એક રૅર ડિસીઝ છે, જે મંકીપોક્સ વાઇરસના સંક્રમણથી થાય છે. આનાથી પીડિત વ્યક્તિમાં ફ્લૂના લક્ષણ જોવા મળે છે. સામાન્ય રીતે લોકો અઠવાડિયામાં ઠીક થઇ જાય છે, પણ વધુ હાલત ખરાબ થવા પર વ્યક્તિને ન્યૂમોનિયાની ફરિયાદ પણ રહે છે. અહીં જાણો, મન્કીપોક્સના લક્ષણ, પ્રસારણ, બચાવ અને ઉપચાર વિશે.

​શું છે મન્કીપોક્સ

US (CDC) અનુસાર, આ મન્કીપોક્સ વાઇરસના સંક્રમણથી થતી બીમારી છે. જે ઓર્થોપોક્સવાઇરસ જીન્સ સાથે સંબંધિત છે, જેમાં વેરિયોલા વાઇરસ, વેક્સિનિયા વાઇરસ અને કાઉપોક્સ સામેલ છે. મન્કીપોક્સ એક ઝૂનોસિસ (Zoonosis) છે, કહેવાનો અર્થ એ છે કે, આ એક એવી બીમારી છે જે સંક્રમિત જાનવરથી મનુષ્યોમાં ફેલાય છે. CDC અનુસાર, મન્કીપોક્સની શોધ પહેલીવાર સન 1958માં થઇ હતી.

નાઇજીરિયાની ગાઇડલાઇન્સ

​મન્કીપોક્સના લક્ષણ

મન્કીપોક્સ એ સ્મોલપોક્સના સમાન લક્ષણોના કારણે બને છે. જો કે, તે ઓછા ગંભીર હોય છે. શરૂઆતમાં વાઇરસ તાવ, માથાનો દુઃખાવો, માસપેશીઓમાં દર્દ, પીઠ દર્દ, સોજા, લિફ્મ નોડ્સ, ઠંડી લાગવી અને થાક હોઇ શકે છે. તેમાં સ્મોલપોક્સની જેમ આખા શરીરમાં દાણા ફેલાય છે, જે મોટાંભાગે ચહેરાથી શરૂ થાય છે. આખરે પડ બનતા પહેલાં અલગ અલગ સ્ટેજમાંથી પસાર થાય છે અને પછી ખરી જાય છે. સંક્રમિત વ્યક્તિના સંપર્કમાં રહેવાથી આ વાઇરસ એક દૂષિત વસ્તુ જેમકે બેડ અને કપડાંના સંપર્કમાંથી આવવાથી પણ ફેલાય છે.

​મન્કીપોક્સનું ટ્રાન્સમિશન

મન્કીપોક્સ એક ઝૂનોટિક (Zoonotic) ડિસીઝ છે, જેમાં જાનવરથી મનુષ્યમાં ટ્રાન્સમિશનની સારી ક્ષમતા છે. પશુથી માનવામાં રોગનું ટ્રાન્સમિશન કરડવા, ખંજવાળવા અથવા ઘાના પ્રત્યક્ષ અને અપ્રત્યક્ષ સંપર્કથી પણ થાય છે. રોગનું મનુષ્યથી મનુષ્ય ટ્રાન્સમિશન તો સીમિત છે, પરંતુ શ્વાસની બૂંદોના માધ્યમથી પણ થઇ શકે છે.

​કેટલો છે ઇન્ક્યૂબેશન પીરિયડ

ઇન્ક્યૂબેશન પીરિયડ એટલે કે ઇન્ફેક્શનથી લક્ષણો સુધીનો સમય, આ પીરિયડ 7થી 14 દિવસ સુધીનો હોય છે. સામાન્ય રીતે તાવ શરૂ થયાના 1થી 3 દિવસની અંદર દર્દીને એક દાણો વિકસિત થાય છે જે ચહેરાથી શરૂ થઇને અન્ય ભાગોમાં ફેલાય છે. ત્વચામાં ચીરા પડવાનું ચરણ 4થી 5 અઠવાડિયાની વચ્ચે રહે છે. આ દરમિયાન ઘા સખત થઇ જાય છે અને દર્દ પણ થાય છે. સામાન્ય રીતે આ રોગ 2થી 4 અઠવાડિયા સુધી રહે છે.

​મન્કીપોક્સથી બચવાના ઉપાય

  • એવા જાનવરોના સંપર્કમાં આવવાથી બચો, જે વાઇરસ ફેલાવી શકે છે.
  • બીમાર જાનવરોના સંપર્કમાં આવવાથી બચો
  • સંક્રમિત દર્દીને આઇસોલેટ કરો
  • હાથને વારંવાર ધૂઓ અને તેને સ્વચ્છ રાખો

WHO દ્વારા લક્ષણોના આધારે સારવારની સલાહ

મન્કીપોક્સનો ઇલાજ

હાલ આ બીમારીનો ઇલાજ ઉપલબ્ધ નથી, પરંતુ સ્મોલ પોક્સ વેક્સિન, એન્ટીવાઇરલ અને વીઆઇજીનો ઉપયોગ આ બીમારીને અટકાવવા માટે કરી શકાય છે. ઉલ્લેખનીય છે કે, સ્મોલ પોક્સ વેક્સિન મન્કીપોક્સને અટકાવવામાં 85 ટકા કારગત સાબિત થઇ છે. મન્કીપોક્સનો અત્યાર સુધી કોઇ સુરક્ષિત અને પ્રમાણિક ઇલાજ નથી. WHO લક્ષણોના આધારે તેના નિવારણની સલાહ આપે છે. ટ્રાન્સમિશનને અટકાવવા માટે યોગ્ય પગલાં અને નિયંત્રણ માટે જાગરૂકતા જરૂરી છે.

Share This :

Related Articles

Leave a Comment