ગુજરાત / ફિક્સ પગારમાં નિમણૂક પામેલા શિક્ષકો માટે રાજ્ય સરકારે કરી મોટી જાહેરાત.

  • 18-May-2022 09:50 AM

રાજ્ય સરકારના પ્રવક્તા અને શિક્ષણમંત્રી જીતુ વાઘાણી દ્વારા પ્રેસ કોન્ફરન્સ કરીને રાજ્યના શિક્ષકો માટે મોટી જાહેરાતો કરવામાં આવી છે. તેમણે કહ્યું કે, શિક્ષકો અમારો પરિવાર છે અને તેમના પડતર મુદ્દે મુખ્યમંત્રી ભૂપેન્દ્ર પટેલની અધ્યક્ષતામાં બેઠક યોજાઇ હતી. જેમાં નિર્ણય લેવામાં આવ્યો છે કે, ફિક્સ પગારમાં નોકરી પામેલાને સળંગ ગણવામાં આવશે અને ગ્રાન્ટેડ શાળાના શિક્ષકોને પણ તેનો લાભ મળશે. એટલું જ નહીં. પરીક્ષા ન લેવાય ત્યાં સુધી શરતી બઢતી અને ભરતીનો નિર્ણય પણ કરાયો છે. તેમજ સાતમા પગાર પંચના બાકી રહેલા હપ્તા પણ જલ્દી ચૂકવાશે.

નોકરી અને આર્થિક પ્રશ્નોનો ઉકેલ આવ્યો
તેમણે વધુમાં જણાવ્યું કે, છેલ્લા ઘણા વર્ષોથી માધ્યમિક શિક્ષકો ગ્રાન્ટેડ સર્વિસ કરી રહ્યા છે. એમના પ્રશ્નો અંગેની ચર્ચા તેમના યુનિયન, નાણાંમત્રી, આચાર્ય સંઘ, રાષ્ટ્રીય શૈક્ષણિક સંઘ, ઉચ્ચતર માધ્યમિક અને માધ્યમિક શિક્ષણ સંઘ સાથે બેઠક કરી હતી. જેમાં આર્થિક પ્રશ્નો સહિત સર્વિસના પ્રશ્નોની ચર્ચા કરી હતી. જેમાં ફિક્સ પગારમાં નિમણૂક પામેલા બઢતી સહિત અન્ય લાભ આપવામાં આવવાનો નિર્ણય લેવાયો છે. જેનો 39 હજાર કર્મચારીઓને લાભ મળશે અને તેમની નોકરી પણ સળંગ ગણાશે. આમ શિક્ષકો માટે જાણે આજે દિવાળી હોય તેવી જાહેરાતો કરવામાં આવી છે.

શિક્ષણમંત્રીની મોટી જાહેરાતો
- એક-એક સ્કૂલોમાં મહેકમ વધારાનો નિર્ણય કરાયો
- ફિક્સ પગારમાં નોકરી પામેલા શિક્ષક સળંગ ગણાશે
- આચાર્યોને ATCનો લાભ મળશે
- નોન ટીચિંગ સ્ટાફને પણ શરતી બઢતી અપાશે

ટૂંક સમયમાં થશે HMAT ભરતીની જાહેરાત
શિક્ષણમંત્રીએ જણાવ્યું કે, HMAT આચાર્યની ભરતી માટેની પ્રક્રિયા પૂર્ણ થઈ છે ત્યારે બે મહિનાની અંદર પરીક્ષાની લઈ લેવાશે. શિક્ષક પરિવાર માટે સાતમો પગાર પંચ અને બાકીના હપ્તાની ચૂંકવણીનો નિર્ણય પણ લેવામાં આવ્યો છે. જેમાં ઝડપથી માધ્યમિક અને ઉચ્ચતર માધ્યમિક શિક્ષકોને ચૂકવવામાં આવે તેવો નિર્ણય કર્યો છે. આમ વર્ષોથી પડતર પડેલી માધ્યમિક અને ઉચ્ચતર માધ્યમિકના સૌ શિક્ષકોની માંગણી પૂર્ણ થઈ છે.

Share This :

Related Articles

Leave a Comment