બોલીવુડ / વિકી અને કેટરિનાના લગ્નમાં આ એક વસ્તુ નહીં લઈ જઈ શકે મહેમાનો, કપલે આપ્યો છે આદેશ.

  • 28-Nov-2021 09:24 AM

વિકી કૌશલ અને કેટરિના કૈફ ડિસેમ્બર મહિનામાં લગ્ન કરવાના છે તેવી ચર્ચા ખૂબ ચાલી રહી છે. પાછલા ઘણાં સમયથી એવી ચર્ચા ચાલી રહી છે કે આ સ્ટાર કપલ ડિસેમ્બરના પહેલા અઠવાડિયામાં લગ્ન કરશે. આટલું જ નહીં, દિવાળી સમયે એવા સમાચાર સામે આવ્યા હતા કે ડિરેક્ટર કબીર ખાનના ઘરે કેટરિના કૈફની રોકા સેરેમની કરવામાં આવી હતી. પરંતુ રોકા સેરેમની હોય કે લગ્ન, કેટરિના કૈફ અને વિકી કૌશલ તરફથી હજી સુધી કોઈ સત્તાવાર નિવેદન સામે નથી આવ્યું. લગ્ન તો દૂરની વાત છે, તેમણે હજી સુધી પોતાના રિલેશનશિપ બાબતે પણ મૌન સાધ્યું છે.

વિક્કી કૌશલ અને કેટરિના કૈફ તમામ ફંક્શન અત્યંત પ્રાઈવેટ સેરેમનીમાં કરવા માંગે છે. તેઓ પૂરતો પ્રયત્ન કરી રહ્યા છે કે આ લગ્નને સીક્રેટ રાખવામાં આવે. કેટરિના કૈફ અને વિકી કૌશલના લગ્ન રાજસ્થાનના એક રિસોર્ટમાં થવાના છે. લગ્નની તસવીરો અને વીડિયો સોશિયલ મીડિયા પર વાયરલ ના થાય તે માટે તમામ મહેમાનોને કહેવામાં આવ્યું છે કે કોઈ પણ લગ્નમાં મોબાઈલ ફોન લઈને નહીં આવી શકે.

એક રિપોર્ટ અનુસાર, એક સૂત્રએ જણાવ્યું કે, વિકી અને કેટરિનાએ મહેમાનોને વિનંતી કરી છે કે કોઈ પણ મોબાઈલ ફોન લઈને નહીં આવે. ઈવેન્ટ મેનેજમેન્ટ એજન્સી પણ સુનિશ્ચિત કરશે કે કોઈ પણ ફોટો અથવા વીડિયો કપલની જાણકારી વગર સોશિયલ મીડિયા પર ના જાય. વિકી અને કેટરિના માટે આ ઘણો મોટો દિવસ છે માટે તેઓ સુનિશ્ચિત કરવાનો પૂરતો પ્રયત્ન કરી રહ્યા છે કે કોઈ પણ એવી સ્થિતિ ના આવે જ્યાં સોશિયલ મીડિયા પર તસવીરો લીક થઈ જાય. અત્યારે કેટરિના અને વિકી લગ્નની તૈયારીમાં વ્યસ્ત છે. વિકી અને કેટરિનાએ એક સ્પેશિયલ ટીમ રાખી છે, જે સિક્યોરીટી અને પ્રાઈવસીનું ધ્યાન રાખશે.

તાજેતરમાં પ્રાપ્ત માહિતી અનુસાર, લગ્ન પહેલા કેટરિના કૈફ અત્યારે પોતાના થનારા સાસુ એટલે કે વિકી કૌશલા માતા સાથે સમય પસાર કરી રહી છે. શોપિંગ અને અન્ય તૈયારીઓમાં વિકી કૌશલના માતા કેટરિના કૈફની મદદ કરી રહ્યા છે. વિકી કૌશલનો ભાઈ સની કૌશલ પણ લગ્ન પહેલાની તૈયારીઓમાં મદદ કરી રહ્યો છે.

રિપોર્ટ અનુસાર, વેડિંગ વેન્યુ પર એક જગ્યાએ તમામ લોકોના ફોન જમા કરવામાં આવશે. વિકી કૌશલ અને કેટરિનાના લગ્નમાં પરિવાર સિવાય બોલિવૂડના અનેક સેલેબ્સ પણ હાજર રહેશે. કરણ જોહર, સિદ્ધાર્થ મલ્હોત્રા, કિયારા અડવાણી, અલી અબ્બાસ ઝફર, કબીર ખાન, મિની માથુર, રોહિત શેટ્ટી, વરુણ ધવન, નતાશા વગેરે સેલેબ્સના નામ સામે આવ્યા છે. થોડા સમય પહેલા એવા સમાચાર મળ્યા હતા કે સલમાન ખાન પણ કેટરિનાના લગ્નમાં હાજર રહેશે, પરંતુ પછીથી એવી વાત જાણવા મળી હતી કે વ્યસ્ત શિડ્યુલને કારણે તે લગ્નમાં હાજર નહીં રહી શકે.

Share This :

Related Articles

Leave a Comment