હેલ્થ / કોરોનાઃ રાજ્યમાં 4 કેસ ઘટીને આજે નવા 20 નોંધાયા, રિકવરી રેટ 98.76 ટકા.

  • 30-Sep-2021 08:36 AM

ગુજરાતમાં છેલ્લાં કેટલાંક દિવસોથી કોરોનાના કેસમાં વધારો-ઘટાડો જોવા મળી રહ્યો છે. 10ની નીચે ગયેલા કોરોનાના કેસ ફરી વધવા માંડ્યા છે. રાજ્યમાં આજે કોરોનાના નવા 20 કેસ નોંધાયા છે. મહત્વનું છે કે, મંગળવારે કોરોનાના 24 કેસ નોંધાયા હતા. ત્યારે આજે કોરોનાના 4 કેસ ઘટીને 20એ પહોંચ્યો છે. એટલે કે છેલ્લાં ચોવીસ કલાકમાં ચાર કેસ ઘટ્યા છે. બીજી તરફ, રાજ્ય સરકાર દ્વારા રસીકરણ અભિયાન પણ પૂરજોશમાં ચલાવવામાં આવી રહ્યું છે.

રાજ્યમાં નવા 20 કેસની સાથો સાથ સારી વાત એ છે કે, આજે પણ એકેય દર્દીનું કોરોનાથી મોત થયુ નથી. આ સિવાય રાજ્યમાં છેલ્લાં ચોવીસ કલાકમાં 12 કોરોનાના દર્દીઓ સાજા થયા છે. તો નવા કેસોની સાથે રાજ્યમાં કુલ કેસોની સંખ્યા 25,916 થઈ છે. તો કોરોનાના કારણે અત્યાર સુધીમાં 10,080 લોકોનાં મોત થયા છે. મહત્વની વાત છે કે, રાજ્યમાં કોરોનાની સારવાર બાદ અત્યાર સુધીમાં 15,678 લોકો કોરોનાને મ્હાત આપીને સાજા થયા છે.

corona 1


આ સાથે રાજ્યમાં એક્ટિવ કેસની સંખ્યા 156 થઈ છે. જેમાંથી કુલ 3 દર્દીઓ હાલ વેન્ટિલેટર પર છે અને 153 દર્દીઓ હાલ સ્થિર છે. સાથે જ રાજ્યનો રિકવરી રેટ 98.76 ટકાએ પહોંચ્યો છે. જો કે, કોરોનાના કારણે આજે પણ એકેય દર્દીનું મોત થયુ નથી. તો કોરોનાના કારણે અત્યાર સુધીમાં 10,080 દર્દીઓનાં મોત થઈ ચૂક્યા છે. મહત્વનું છે કે, છેલ્લાં ચોવીસ કલાકમાં સુરત શહેરમાંથી સૌથી વધુ 5 કેસ નોંધાયા છે. જ્યારે અમદાવાદ કોર્પોરેશનમાં 4, ખેડા અને વડોદરામાં 2-2 કેસ સામે આવ્યા છે.

રસીકરણની વાત કરવામાં આવે તો રાજ્યમાં હાલ સરકાર દ્વારા પૂરજોશમાં રસીકરણ અભિયાન ચલાવવામાં આવી રહ્યું છે. બુધવારની સાંજ સુધીમાં રાજ્યમાં કુલ 2,32,476 કોરોનાની રસીના ડોઝ આપવામાં આવ્યા હતા. તો અત્યાર સુધીમાં રાજ્યમાં કુલ 6,03,36,757 રસીના ડોઝ અપાઈ ચૂક્યા છે. તો આજે હેલ્થ કેર વર્કર અને ફ્રન્ટ લાઈન વર્કરને રસીના 8 પ્રથમ ડોઝ આપવામાં આવ્યા હતા. જ્યારે 1698 લોકોને રસીનો બીજો ડોઝ આપવામાં આવ્યો હતો.

આ સિવાય 45 વર્ષથી વધુ ઉંમર ધરાવતા 30,472 નાગરીકોને રસીનો પ્રથમ ડોઝ આપવામાં આવ્યો હતો. જ્યારે 36,530 લોકોને રસીનો બીજો ડોઝ આપવામાં આવ્યો હતો. તો 18થી 45 વર્ષની ઉંમર ધરાવતા 81,762 નાગરીકોને રસીનો પહેલો ડોઝ આપવામાં આવ્યો હતો. સાથે જ 82,006 નાગરીકોને રસીનો બીજો ડોઝ આપવામાં આવ્યો હતો.

Share This :

Related Articles

Leave a Comment