વર્લ્ડ / કોરોના વાયરસના નવા વેરિયન્ટ ઓમિક્રોન વિશે તમે હજુ સુધી કેટલું જાણો છો?

  • 30-Nov-2021 08:50 AM

કોરોના વાયરસના નવા વેરિયન્ટ ઓમિક્રોન (Omicron)થી સમગ્ર દુનિયા ટેન્શનમાં છે. આ નવા વેરિયન્ટ Omicronની સૌપ્રથમ ઓળખ દક્ષિણ આફ્રિકામાં થઈ હતી. ત્યારબાદ તે બ્રિટન, ઈઝરાયલ, ઓસ્ટ્રેલિયા સહિત ઘણાં દેશોમાં પહોંચી ગયો છે. કોરોનાના નવા વેરિયન્ટ ઓમિક્રોનની ઓળખ સૌપ્રથમ દક્ષિણ આફ્રિકાના ડૉક્ટર્સે કરી હતી. તેમ છતાં હજુ સુધી એ વાતે અસ્પષ્ટતા છે કે કોરોનાનો આ વેરિયન્ટ કયા દેશમાં ઉદ્ભવ્યો છે! WHO (વર્લ્ડ હેલ્થ ઓર્ગેનાઈઝેશન)એ કોરોનાના આ વેરિયન્ટને ચિંતાજનક જણાવ્યો અને ઓમિક્રોન નામ આપ્યું. WHOએ એવું પણ કહ્યું કે કોરોનાનો નવો વેરિયન્ટ કેટલો ખતરનાક છે તે જણાવવા માટે હજુ અમારી પાસે પૂરતો ડેટા પણ નથી. હજુ સુધી એવું પણ સ્પષ્ટ નથી કે કોરોનાના નવા ઓમિક્રોન સ્ટ્રેનથી સંક્રમિત લોકોને વધારે ખતરો છે કે નહીં.

WHOએ એવું પણ કહ્યું કે હજુ સુધી એવું સ્પષ્ટ નથી કે ઓમિક્રોન વેરિયન્ટ વિરુદ્ધ કોવિડ વેક્સિન કેટલી અસરકારક છે. પરંતુ, પ્રારંભિક આંકડાઓથી જાણવા મળ્યું છે કે દક્ષિણ આફ્રિકામાં હોસ્પિટલમાં દાખલ થવાનો દર વધી રહ્યો છે. એવું પણ જાણવા મળી રહ્યું છે કે કોરોના વાયરસના સ્પાઈક પ્રોટીનમાં સૌથી વધારે લગભગ 30 વખત પરિવર્તન થયા છે જે સરળતાથી લોકોમાં ફેલાવાની આશંકા છે. પરંતુ, હજુ સુધી એવા કોઈ સંકેત નથી મળ્યા કે કોરોનાનું નવું સ્વરૂપ વધુ ગંભીર બીમારીનું કારણ બની શકે છે. હજુ સુધી એવું જાણવામાં અઠવાડિયા લાગી શકે છે કે શું ઓમિક્રોન વધારે સંક્રામક છે અને કોરોનાની રસી તેના પર અસરકારક છે કે નહીં?

બ્રિટનની કેમ્બ્રિજ યુનિવર્સિટીમાં કોવિડ-19ની જિનોમ સિક્વન્સિંગની આગેવાની કરનાર શેરોન પીકૉકે કહ્યું કે અત્યાર સુધીના આંકડાઓથી એવું જાણવા મળે છે કે કોરોનાના નવા સ્વરૂપમાં પરિવર્તન વધી રહેલા પ્રસાર અનુરૂપ છે. પણ, ઘણાં પરિવર્તનની અસર વિશે હજુ સુધી જાણી શકાયું નથી. જ્યારે અન્ય યુનિવર્સિટીના વૈજ્ઞાનિકના જણાવ્યા મુજબ, ઓમિક્રોન કોવિડ-19નું અત્યાર સુધીનું સૌથી વધારે પરિવર્તિત સ્વરૂપ છે. જેમાં સંભવિતરૂપે ચિંતાજનક પરિવર્તન સામેલ છે જે અગાઉ કોઈએક વાયરસમાં જોવા નથી મળ્યા.


કોરોના વાયરસ સંક્રમણ ફેલાવાની સાથે જ પોતાનું રૂપ બદલતું રહે છે અને તેના નવા સ્વરૂપ સામે આવે છે, જેમાં કેટલાંક ઘાતક પણ હોય છે પરંતુ ઘણી વખત તે જાતે જ ખતમ પણ થઈ જાય છે. વૈજ્ઞાનિકો તે સંભવિત સ્વરૂપો પર નજર રાખે છે જે વધારે સંક્રમિત અથવા ઘાતક હોઈ શકે છે. વૈજ્ઞાનિકો એવું પણ જાણવાના પ્રયાસ કરી રહ્યા છે કે શું કોરોનાનું નવું સ્વરૂપ જન સ્વાસ્થ્યને અસર કરી શકે છે કે નહીં?

Share This :

Related Articles

Leave a Comment