વર્લ્ડ / ઓમીક્રોન વેરિયન્ટ આફ્રિકાથી છેક ઓસ્ટ્રેલિયા સુધી પહોંચી ગયો, દુનિયાના દેશોમાં ફફડાટ.

  • 30-Nov-2021 09:05 AM

કોરોનાનો નવો પ્રકાર ઓમીક્રોન સૌથી પહેલા સાઉથ આફ્રિકામાં દેખાયો છે, હવે આ વાયરસના લીધે તમામ દેશ એલર્ટ થઈ ગયા છે. આમ છતાં વાયરસ ફેલાઈ રહ્યો છે. ભારત સરકારે પણ આ નવા વેરિયન્ટને ધ્યાનમાં રાખીને જરુરી પગલા ભરવા માટે આદેશો આપી દીધી છે. જેમાં ગુજરાતમાં સાઉથ આફ્રિકાથી આવનારા પ્રવાસીઓની સખત તપાસ હાથ ધરવામાં આવશે.

કોરોનાના ઓમીક્રોન પ્રકાર આફ્રિકના દક્ષિણ ભાગમાં આવેલા દેશોમાંથી આવતી ફ્લાઈટ પર પાછલા બે દિવસમાં ઘણાં દેશોએ પ્રતિબંધ લગાવી દીધો છે. જેમાં ઓસ્ટ્રેલિયા, બ્રાઝિલ, કેનેડા અને યુરોપિન યુનિયન, ઈરાન, જાપાન, ન્યૂઝીલેન્ડ, થાઈલેન્ડ અને અમેરિકાનો સમાવેશ થાય છે.

આ સિવાય નવો વેરિયન્ટ સામે આવ્યા બાદ પાછલા એકથી બે દિવસમાં ઘણાં ઉતાર ચઢાવ આવ્યા છે.

મળતી વિગતો પ્રમાણે ઓસ્ટ્રેલિયામાં પણ ડેડલી ગણાતા નવા વેરિયન્ટ ઓમીક્રોમનો કેસ સીડનીમાં મળ્યો છે, આ બે વ્યક્તિઓ દક્ષિણ આફ્રિકાથી ઓસ્ટ્રેલિયામાં આવી હતી. ન્યુ સાઉથ વેલ્સની હેલ્થ ઓથોરિટી દ્વારા કરવામાં આવેલી તપાસમાં બન્ને મુસાફરોમાં વાયરસનો નવો પ્રકાર હોવાનું સામે આવ્યું હતું.


બાંગ્લાદેશે પણ સાઉથ આફ્રિકાથી આવતી ફ્લાઈટ પર પ્રતિબંધ લગાવ્યો

બાંગ્લાદેશે પોતાના ત્યાં કોરોનાના નવા વેરિયન્ટના કેસ ફેલાય નહીં તે માટે સાઉથ આફ્રિકાથી આવતા મુસાફરો પર પ્રતિબંધ લગાવી દીધો છે.

ઈઝરાઈલે આફ્રિકાના 50 દેશો પર પ્રતિબંધ લગાવ્યો

રવિવારે ઈઝરાઈલની સરકારે પોતાના દેશમાં નવા વેરિયન્ટના સંક્રમણને ફેલતું અટકાવવા માટે આ મહત્વનો નિર્ણય લીધો છે. જેથી ઈઝરાઈલની સરકારે સાઉથ આફ્રિકાના 50 દેશો માટે રેડ લેવલ જાહેર કર્યું છે.

આ સિવાય જે દેશો પર પ્રતિબંધ લગાવવામાં આવ્યો છે, ત્યાંથી આવેલા પ્રવાસીઓને 14 દિવસ સુધી કોરન્ટીન કરવામાં આવશે, તેમના પર ફોન ટ્રેકિંગ ટેક્નોલોજીના આધારે નજર રાખવામાં આવશે.

ઈન્ડોનેશિયાએ આફ્રિકાના 8 દેશો પર પ્રતિબંધ લગાવ્યો

ઈન્ડોનેશિયા સાઉથ આફ્રિકા, બોત્સવાના, નામિબિયા, ઝિમ્બાબવે, લિસોથો, મોઝામ્બિક, નાઈજીરિયામાં રહેલા લોકોને 14 દિવસ સુધી એન્ટ્રી આપવામાં નહીં આવે.

Share This :

Related Articles

Leave a Comment