હેલ્થ / A,B અને RH પોઝિટિવ બ્લડ ગ્રુપવાળા લોકોને કોરોનાથી વધુ ખતરો છે, સ્ટડી રિપોર્ટમાં દાવો.

  • 01-Dec-2021 08:37 AM

અઠવાડિયા પહેલા દક્ષિણ આફ્રિકામાં સામે આવેલો કોરોના વાયરસનો નવો વેરિયન્ટ દુનિયાભરના દેશો માટે ચિંતાનો વિષય બની ગયો છે. મોટાભાગના દેશો આ સંદર્ભે ટ્રાવેલ એડવાઝરી જાહેર કરી આંતરરાષ્ટ્રીય મુસાફરી પર પ્રતિબંધ લગાવી ચૂક્યા છે. ભારતમાં પણ કેન્દ્રએ રાજ્યો અને કેન્દ્રશાસિત રાજ્યોને ઓમિક્રોન મુદ્દે એલર્ટ રહેવાના આદેશ આપ્યા છે. એવામાં દેશમાં કરાયેલા એક રિસર્ચમાં કોરોના સંક્રમણને લઇને ચોંકાવનારું પરિમાણ સામે આવ્યું છે.

દિલ્હીના સર ગંગા રામ હોસ્પિટલ ખાતે કરવામાં આવેલા રિસર્ચમાં સામે આવ્યું કે, A,B અને RH પોઝિટિવ બ્લડગ્રુપવાળા લોકો કોરોનાની ઝપેટમાં જલ્દી આવી શકે છે જ્યારે AB,O RH નેગેટિવ બ્લડગ્રુપવાળા લોકોમાં કોરોના સંક્રમણ ફેલાવોના ખતરો ઓછો હોય છે.

કોરોના મહામારીને લઇને દિલ્હીના સર ગંગા રામ હોસ્પિટલમાં 8 એપ્રિલ અને 4 ઓક્ટોબર 2020ની વચ્ચે 2,586 કોવિડ દર્દીઓ પર રિસર્ચ કરવામાં આવ્યું હતું, જેમાં એ વિશે જાણવાનો પ્રયત્ન કરવામાં આવ્યો હતો કે, કયા બ્લડગ્રુપવાળા લોકોને કોરોના વાયરસથી વધુ અને ઓછો ખતરો રહેલો છે.

આ સિવાય રિસર્ચ રિપોર્ટમાં એવો દાવો પણ કરવામાં આવી રહ્યો છે કે, બી પોઝિટિવ બ્લડગ્રુપવાળા પુરુષોને મહિલાની સરખામણી કોરોના વાયરસનો ચેપ લાગવાનો ખતરો વધારે હોય છે. રિસર્ચમાં એવો ખુલાસો પણ સામે આવ્યો છે કે, A અને RH પોઝિટિવના દર્દીઓમાં રિકવરી પણ ધીમે થાય છે, જ્યારે O અને RH નેગેટિવ બ્લડગ્રુપવાળા દર્દીઓમાં રિકવરીનો સમયમાં વધારો જોવા મળ્યો છે.

Share This :

Related Articles

Leave a Comment