હેલ્થ / શું RT-PCR ટેસ્ટ નવા કોરોના વેરિયન્ટ ઓમિક્રોનના સંક્રમણને ઓળખી શકે?

  • 01-Dec-2021 10:41 AM

ઓમિક્રોન વેરિયન્ટના ઉદભવ સાથે જાહેર આરોગ્ય નિષ્ણાતો ઇચ્છે છે કે લેબોરેટરીઝ કોરોના વાયરસના તમામ ત્રણ જીન્સ માટે RT-PCR ટેસ્ટ કરે, ખાસ કરીને આંતરાષ્ટ્રીય પ્રવાસીઓ પર, જેથી 'S' જીન્સની ગેરહાજરી શોધવામાં મદદ મળે. મહારાષ્ટ્ર રાજ્ય ટાસ્ક ફોર્સના સભ્ય ડૉ. શશાંક જોશીએ સોમવારે અમારા સહયોગી TOIને જણાવ્યું કે કોવિડ માટેના સંપૂર્ણ RT-PCR રિપોર્ટમાં 'N', 'S', 'E' અને 'ORF' જીન્સનો સમાવેશ થાય છે.

"જો કોઈ વ્યક્તિમાં 'S' જીન્સ ગેરહાજર હોય અને અન્ય જીન્સ પોઝિટિવ હોય તો જિનોમ સિક્વન્સિંગ કર્યા વિના પણ જે તે વ્યક્તિમાં કોરોના વાયરસનો ઓમિક્રોન વેરિયન્ટ હાજર હોઈ શકે છે તે જાણવાની એક પરોક્ષ રીત છે. જોકે કમનસીબે RT-PCR પરીક્ષણો કરતી તમામ લેબોરેટરીઝ 'S' જીન્સ અંગે તપાસ કરતી નથી." તેમ તેમણે જણાવ્યું હતું. “તમામ લેબોરેટરીઝ માટે એક નિર્દેશ ટૂંક સમયમાં આવી શકે છે કે તેઓ દરેક સેમ્પલમાં 'S' જીન્સ અંગે વધારાની તકેદારી સાથે તપાસ કરે, ટાસ્ક ફોર્સના સભ્યએ ઉમેર્યું કે સેમ્પલમાં 'S' જીન્સ મળવાથી જીનોમ સિક્વન્સિંગની પહેલા જ આપણને ઓમિક્રોનને અંગે એલર્ટ થવા માટેનું પૂરતું કારણ મળી રહેશે

વર્લ્ડ હેલ્થ ઓર્ગેનાઈઝેશન (WHO) એ જણાવ્યું છે કે 'S' જીન્સ ધરાવતા PCR ટેસ્ટનો ઉપયોગ કરતા દેશો કોવિડના Omicron વેરિયન્ટના ચેપ માટે પ્રોક્સી માર્કર તરીકે 'S' જીન્સની ગેરહાજરીનો ઉપયોગ કરી શકે છે. "તેવી જ રીત પૂર્ણ સિક્વન્સિંગની જરૂરિયાત વગર આ વેરિયન્ટને ઓળખી પાડે તવા પીસીઆર ટેસ્ટ વિકસાવવાનું કાર્ય હાલ ચાલી રહ્યું છે. "રાજ્ય ટાસ્ક ફોર્સના સભ્ય અને રાષ્ટ્રીય કોવિડ ટાસ્ક ફોર્સના સભ્ય ડો. રાહુલ પંડિતે જણાવ્યું હતું કે ઓમિક્રોનને સમગ્ર વિશ્વમાં ચિંતાનું કારણ માનવામાં આવે છે, ત્યારે સાવચેતી જાળવવી મહત્વપૂર્ણ છે. SARS-CoV-2 વાયરસ ઇવોલ્યુશન (TAG-VE) પર ટેકનિકલ એડવાઇઝરી ગ્રુપ (TAG) વાયરસના ઇવોલ્યુશન પર સતત નજર રાખી રહ્યું છે. આના આધારે, TAG-VE એ WHO ને Omicron ને ચિંતાના વાયરસ તરીકે નિયુક્ત કરવાની સલાહ આપી છે અને અમે સભ્ય દેશો તેમજ લોકો સાથે નવા તારણો શેર કરીશું," ડૉ. પંડિત ફોર્ટિસ હોસ્પિટલ્સ મુંબઈના ક્રિટિકલ કેર વિભાગના ડિરેક્ટર છે.


જીનોમ સિક્વન્સિંગ માટે રાજ્ય સંયોજક અને BJ મેડિકલ કૉલેજના માઇક્રોબાયોલોજી વિભાગના વડા ડૉ. રાજેશ કાર્યકર્તાએ જણાવ્યું હતું કે વર્તમાન પરીક્ષણ કીટમાં બે અલગ-અલગ જીન્સની તપાસનો સમાવેશ થાય છે, જે કાં તો ‘ORF’, ‘RdRp’, ‘N’ અથવા ‘S’ હોઈ શકે છે.

Share This :

Related Articles

Leave a Comment