બિઝનેસ / સતત ઉપર જઈ રહેલો Nykaaનો શેર હજી પણ તગડું રિટર્ન આપી શકે છે?

  • 02-Dec-2021 09:32 AM

ગત મહિનાની શરૂઆતમાં નાયકાના શેરનું લિસ્ટિંગ થયું હતું અને લિસ્ટિંગના દિવસે જ તેમાં 96 ટકાનો ઉછાળો જોવા મળ્યો હતો. ત્યારથી લઈને અત્યાર સુધીમાં તેમાં 120 ટકાનો ઊછાળો જોવા મળ્યો છે. પરંતુ એચએસબીસીનું માનવું છે કે આ સ્ટોક અહીંથી પણ હજી તગડું રિટર્ન આપી શકે છે.

વિદેશી બ્રોકરેજ આગામી દાયકામાં દર 2-3 વર્ષે આવક બમણી થવાની આગાહી કરે છે, જે તે સ્ટોક માટે મુખ્ય ઉત્પ્રેરક છે. આ એવું પણ છે કારણ કે તે માને છે કે માર્કેટિંગ ખર્ચ આગામી 2-3 વર્ષ માટે ઊંચો રહેવાની શક્યતા છે, જે માર્જિન પર દબાણ લાવી શકે છે. જો ફેશન બિઝનેસમાં નફો થશે તો સ્ટોકની પ્રાઈઝ માટે વધુ એક મજબૂત પરિબળ મળશે તેમ એચએસબીસી એ જણાવ્યું છે.

એચએસબીસી એ જણાવ્યું છે કે, અમારા માટે નાયકા મજબૂત ગ્રોથ નેરેટિવ છે જે આગામી બે દાયકા સુધી વિસ્તરી શકે છે. તેનું બિઝનેસ મોડલ તેના ગ્રોથને મદદ કરશે જે કેપિટલના 70-100 ટકાની રેન્જમાં માર્જિનલ રિટર્ન જનરેટ કરે છે.

એચએસબીસી નાયકાને લઈને ઘણી હકારાત્મક છે અને તેણે 2,900 રૂપિયાની ટાર્ગેટ પ્રાઈઝ સાથે બાય રેટિંગ આપ્યું છે. બુધવારે નાયકાનો શેર 2,472 રૂપિયાની કિંમતે બંધ રહ્યો હતો અને તેમાં 1.30 ટકાનો વધારો નોંધાયો હતો.

રોકાણકારોએ તે જાણવા ઈચ્છે છે કે શું આ સ્ટોક અહીંથી ઉપર જશે કે નહીં. અમારો જવાબ છે હા. બ્યુટી એન્ડ પર્સનલ રેક ઈ-કોમર્સ માર્કેટ ભારતની આગામી મોટી ગ્રોથ સ્ટોરી છે. બ્રોકરેજ ફર્મે 10 વર્ષ કમ્પાઉન્ડ એન્યુઅલ ગ્રોથ રેટ 30 ટકા ભાંખ્યો છે. નોંધનીય છે કે નાયકા ભારતની અગ્રણી અને નફો કરતી ઓનલાઈન બિઝનેસ કંપની છે અને તે આગામી દાયકામાં માર્કેટ પર દબદબો બનાવશે.

નાયકા હાલમાં ભારતમાં ઓનલાઈન બીપીસી માર્કેટમાં 30 ટકાથી વધુ હિસ્સો ધરાવે છે અને 2.1 કરોડ એવરેજ મંથલી યુનિક વિઝિટર્સ છે. નાયકાએ લિસ્ટિંગ વખતે જ તેના રોકાણકારોને તગડી કમાણી કરી આપી હતી. ત્યારબાદ તે સતત ઉપર જઈ રહ્યો છે.

Share This :

Related Articles

Leave a Comment