ગુજરાત / કોરોના ગુજરાતમાં નવા 21 કેસ નોંધાયા, સાજા થવાનો દર 98.76%.

  • 28-Sep-2021 08:34 AM

 છેલ્લા 24 કલાકમાં ગુજરાતમાં કોરોના વાયરસના નવા 21 કેસ નોંધાયા છે અને સામે 30 દર્દી સાજા થયા છે. રાજ્યમાં આજે પણ કોરોના વાયરસના કારણે એકપણ દર્દીનું મોત નીપજ્યું નથી. રાજ્યમાં આજે સાંજે 4 વાગ્યા સુધીમાં કુલ 4,96,485 વ્યક્તિઓનું રસીકરણ કરવામાં આવ્યું છે. રાજ્યમાં કોવિડ-19થી સાજા થવાનો દર 98.76 ટકા છે.

q11
ગુજરાતમાં અત્યાર સુધીમાં કોરોના વાયરસના કુલ 815648 દર્દીઓ ડિસ્ચાર્જ થયા છે. જ્યારે કુલ મૃત્યુઆંક 10082 નોંધાયો છે. રાજ્યમાં એક્ટિવ કેસ 142 છે જેમાં 4 દર્દી વેન્ટિલેટર પર જ્યારે 138 દર્દી સ્ટેબલ છે. છેલ્લા 24 કલાકમાં અમદાવાદમાં 6, વલસાડમાં 5, સુરત અને વડોદરા કોર્પોરેશનમાં 3-3, ભાવનગર-ગાંધીનગર-કચ્છ-નવસારીમાં 1 કેસ નોંધાયો છે.

q10
કેન્દ્રીય સ્વાસ્થ્ય મંત્રાલય દ્વારા જણાવ્યા પ્રમાણે દેશમાં પાછલા 24 કલાકમાં કોરોનાના નવા 26,041 કેસ નોંધાયા છે, જ્યારે વધુ 276 દર્દીઓના મોત થયા છે. આ તરફ કેરળમાં 24 કલાકમાં 15,951 કેસ નોંધાયા છે અને 165 દર્દીઓના મોત થયા છે. વધુ 29,621 દર્દીઓ સાજા થતા કુલ સાજા થયેલા દર્દીઓનો આંકડો વધીને 3,29,31,972 પર પહોંચ્યો છે. આમ કોરોનાના એક્ટિવ કેસની સંખ્યા ઘટીને 2,99,620 થઈ ગઈ છે. ભારતમાં કોરોનાના નવા કેસ સાથે કુલ સંક્રમણની સંખ્યા વધીને 3,36,78,786 પર પહોંચી છે, જ્યારે કુલ મૃત્યુઆંક 4,47,194 થઈ ગયો છે.

16 જાન્યુઆરીએ દેશમાં રસીકરણ અભિયાનનો પ્રારંભ થયા બાદ આજે જાહેર થયેલા નવા આંકડા પ્રમાણે 24 કલાકમાં વદુ 38,18,362ને રસીના ડોઝ આપવામાં આવી છે, જ્યારે અત્યાર સુધીમાં વેક્સિનેશનનો આંકડો 86,01,59,011 પર પહોંચી ગયો છે.

ભારતમાં ક્યારે કેટલા વધ્યા કોરોનાના કેસ

ભારતમાં કોરોના વાયરસના 20 લાખ કેસ 7 ઓગસ્ટના રોજ થયા હતા, આ પછી 23 ઓગસ્ટે 30 લાખ, 5 સપ્ટેમ્બરે 40 લાખ, 16 સપ્ટેમ્બરે 50 લાખ પર પહોંચી ગયા હતા. આ પછી 60 લાખ પહોંચતા 28 સપ્ટેમ્બર સુધીનો ટૂંકો સમય લાગ્યો હતો. જે પછી 11 ઓક્ટોબરે 70 લાખ, 29 ઓક્ટોબરે 80 લાખ, 20 નવેમ્બરે 90 લાખ અને 19 ડિસેમ્બરે કોરોનાના કુલ કેસનો આંકડો 1 કરોડને પાર થઈ ગયો હતો. આ પછી 19 એપ્રિલે ભારતમાં કોરોના કુલ કેસનો આંકડો 1.50 કરોડને પાર થયો હતો. 4 મેના કેસ સાથે આ આંકડો 2 કરોડને પાર કરી ગયો છે. 18મેના રોજ જાહેર થયેલા આંકડા પ્રમાણે દેશમાં કોરોનાના કુલ કેસની સંખ્યા 2.5 કરોડને પાર થઈ ગઈ હતી. 23 મેના નવા કેસ સાથે કુલ કેસ 3 કરોડને પાર થઈ ગયા છે. 26 ઓગસ્ટના રોજ નોંધાયેલા કેસનો આંકડો 3.25 કરોડને પાર થઈ ગયો છે. 7 સપ્ટેમ્બના રોજ ભારતમાં કોરોનાના કુલ કેસની સંખ્યા 3.30 કરોડને પાર કરીને 3,30,58,843 થઈ ગઈ છે. 

Share This :

Related Articles

Leave a Comment