ગુજરાત / અમદાવાદ વૃદ્ધની હત્યામાં થયો ખુલાસોઃ સતત સજાતીય સંબંધ માટે દબાણ કરતાં કરી હત્યા.

  • 19-Nov-2021 08:27 AM

અમદાવાદમાં ઘાટલોડિયા વૃદ્ધની હત્યા બાદ સાબરમતીમાં પણ વૃદ્ધની હત્યા ભારે ચકચાર મચી જવા પામી હતી. પણ સાબરમતી વૃદ્ધની હત્યામાં પોલીસે ગણતરીના કલાકોમાં આરોપીની ઝડપી પાડ્યો હતો અને આરોપીની પુછપરછમાં ચોંકાવનારો ખુલાસો થયો છે. વૃદ્ધની હત્યા સમલૈંગિક સંબંધોને કારણે કરવામાં આવી હતી. વૃદ્ધ અને આરોપી યુવક એકબીજાને ઓળખતા હતા. વૃદ્ધ યુવકને સતત સજાતીય સંબંધ માટે દબાણ કરતા હતા, અને યુવક ના પાડે તો ઘરે આવીને પરિવારને બધું કહી દેવાની વૃદ્ધ ધમકી આપતાં હતા. જેથી કંટાળેલા યુવકે વૃદ્ધની હત્યા કરી હોવાનું સામે આવ્યું છે.

પોલીસ તપાસમાં આરોપી યુવકે હત્યાનું કારણ જણાવ્યું

16 નવેમ્બરે અમદાવાદના સાબરમતી વિસ્તારમાં 62 વર્ષીય વૃદ્ધ દેવેન્દ્ર રાવતની હત્યા કરાયેલી લાશ મળી હતી. 15 દિવસમાં રાજ્યમાં ત્રીજા વૃદ્ધની હત્યા થતાં અમદાવાદ ક્રાઈમ બ્રાન્ચ એક્શનમાં આવી ગઈ હતી. અને સીસીટીવી ફૂટેજ સાથે મોબાઈલ લોકેશનના આધારે યુવક પર શંકા વ્યક્ત કરવામાં આવી હતી. જે બાદ ક્રાઈમ બ્રાન્ચની ટીમ દ્વારા કુહા ગામના 31 વર્ષીય ઉમંદ દરજીની અટકાયત કરવામાં આવી હતી. ક્રાઈમ બ્રાન્ચે પોતાની આગવી ઢબમાં યુવકની પુછપરછ કરતાં યુવક ભાંગી પડ્યો હતો અને હત્યાની સમગ્ર કહાની જણાવી દીધી હતી.

બે વર્ષ અગાઉ ફેસબુક પર થઈ હતી ફ્રેન્ડશિપ

યુવકે પોલીસ સમક્ષ કબૂલાત કરતાં કહ્યું હતું કે, બે વર્ષ પહેલાં ફેસબુક ઉપર દેવેન્દ્ર રાવત સાથે ફ્રેન્ડશિપ થઈ હતી. જે બાદ બંને વચ્ચે મેસેજોની આપ-લે થયા બાદ સજાતીય સંબંધો અંગે પણ વાત થઈ હતી. અને બાદમાં બંને જણાએ એકબીજા સાથે સજાતીય સંબંધો પણ બાંધ્યા હતા. અને બાદમાં આ સિલસિલો ચાલુ જ રહ્યો હતો. જો કે, બાદમાં વૃદ્ધ ઉમંગને સતત સંબંધ બાંધવા માટે દબાણ કરતા હતા અને યુવક ના પાડે તો વૃદ્ધ ઘરે બધાને જાણ કરી દેવાની ધમકી આપતા હતા. જેથી મજબૂરીવશ યુવકને વૃદ્ધ સાથે સંબંધ બાંધવા પડતા હતા.

 



કોણ સંબંધ પહેલાં બાંધશે તેમાં થયો ઝઘડો અને યુવકે કરી હત્યા

પોલીસ તપાસમાં યુવકે હત્યાના દિવસ અંગેની પણ માહિતી આપી હતી. યુવકે પોલીસને જણાવ્યું કે, 16 નવેમ્બરના રોજ પણ વૃદ્ધે તેની ધમકી આપીને સજાતીય સંબંધ બાંધવા માટે દબાણ કર્યું હતું. અને બાદમાં યુવક વૃદ્ધને મળવા માટે ગયો હતો અને બાદમાં બંને જણા સાબરમતીના મકાનમાં ગયા હતા. પણ અહીં પહેલો સંબંધ કોણ બાંધે તેને લઈને બંને વચ્ચે ઝઘડો થયો હતો અને આ વખતે યુવકે પોતાની પાસે રાખેલાં તીક્ષ્ણ હથિયાર વડે વૃદ્ધની હત્યા કરી દીધી હતી.

વૃદ્ધની સોનાની ચેઈન વેચી ગર્લફ્રેન્ડને પૈસા આપ્યા

આ ઉપરાંત ઉમંગે પોલીસને જણાવ્યું હતું કે, વૃદ્ધની હત્યા બાદ તેણે સોનાની ચેઈનની લૂંટ ચલાવી હતી. અને બાદમાં આ ચેઈનને વેચીને તેણે પોતાની ગર્લફ્રેન્ડને અમુક પૈસા આપ્યા હતા. એટલું જ નહીં, પણ તેણે બાઈકની નંબર પ્લેટ પણ બદલી નાખી હતી.

Share This :

Related Articles

Leave a Comment