બિઝનેસ / Paytmના ફ્લોપ શોએ MobiKwik અને OYOના IPOની ચિંતા વધારી.

  • 20-Nov-2021 08:34 AM

લિસ્ટિંગના દિવસે જ પેટીએમના શેરમાં 27.40 ટકાનો ઘટાડો થયો હતો. પેટીએમ ભારતનો સૌથી મોટો આઈપીઓ પરંતુ પ્રથમ દિવસે જ રોકાણકારોને રોવાનો વારો આવ્યો હતો. પેટીએમના લિસ્ટિંગની હાલત જોતાં આઈપીઓ લાવવાની યોજના બનાવી રહેલી અન્ય બે મોટી કંપનીઓ મોબિક્વિક અને ઓયોની ચિંતા વધી ગઈ છે.
 

ઈકોનોમિક ટાઈમ્સના અહેવાલ પ્રમાણે સિંગાપોરના ફંડ મેનેજર ખાતે સિનિયર ઈન્વેસ્ટમેન્ટ ડાયરેક્ટર તરીકે કામ કરતા ક્રિસ્ટી ફોંગે જણાવ્યું હતું કે, આશા છે કે આ ઘટનાથી વેલ્યુએશન અંગે થોડી વાસ્તવિકતા આવશે જે પ્રમોટર્સ પબ્લિક માર્કેટ્સ પાસેથી અપેક્ષા રાખે છે.


રોકાણકારો અને એનાલિસ્ટ્સ શરૂઆતથી જ પેટીએમ આઈપીઓના વેલ્યુએશનને લઈને ચિંતિત હતા. પેટીએમ કંપની હજી ક્યારેય નફામાં આવી નથી અને સતત ખોટ કરતી કંપનીની વેલ્યુએશન અંગે તમામ લોકોએ ચિંતા વ્યક્ત કરી હતી. જ્યારે તેના અસ્પષ્ટ બિઝનેસ મોડલ્સના કારણે પણ તેનું લિસ્ટિંગ નિરાશાજનક રહ્યું છે.

મુંબઈની બ્રોકરેજ ફર્મ સેમ્કો સિક્યુરિટીઝના ફાઉન્ડર જિમીત મોદીએ જણાવ્યું હતું કે, પેટીએમ એ પોતાના રૂપિયા ડૂબાડ્યા છે તે ભૂલતા લોકોને ત્રણ-ચાર મહિના લાગી જશે. ત્યાં સુધી મોટા ખર્ચાળ આઈપીઓ માટે અઘરું થઈ જશે.

જોકે, એન્ટ ગ્રુપ અને સોફ્ટબેંકનું રોકાણ ધરાવતી પેટીએમનું ડેબ્યુ ફૂડ ડિલિવરી કંપની ઝોમાટો કરતા એકમદ વિપરીત રહ્યું છે. જૂલાઈમાં તેના શેરમાં 66 ટકાનો ઉછાળો આવ્યો હતો. તેવી જ રીતે કોસ્મેટિક્સ કંપની નાયકાની એફએસએન ઈ-કોમર્સનું લિસ્ટિંગ ધમાકેદાર રહ્યું હતું. લિસ્ટિંગના મહિનામાં તેમાં 80 ટકાનો ઉછાળો જોવા મળ્યો હતો.

હવે LIC પર રહેશે તમામની નજર
ભારતમાં લોકો જે આઈપીઓને લઈને ઉત્સુક છે તે છે એલઆઈસી જે માર્ચ 2022ના અંતમાં આઈપીઓ લાવે તેવી શક્યતા છે. જો સરકાર તેનો 10 ટકા સ્ટેક ઓફર કરશે તો તે 10 બિલિયન ડોલર એકત્રિત કરી શકે છે.

પેટીએમની નિષ્ફળતા બાદ કેટલાક એનાલિસ્ટ્સ એલઆઈસીના આઈપીઓને લઈને પણ ચિંતા વ્યક્ત કરી રહી છે. જોકે, એલઆઈસી ભારતના ઘરઘરમાં જાણીતું નામ છે. લાઈફ ઈન્સ્યોરન્સ માર્કેટમાં તે 60 ટકાથી વધારે દબદબો ભોગવે છે જ્યારે તેની એસેટ 500 બિલિયન ડોલરથી પણ વધારે છે.

એક એનાલિસ્ટે જણાવ્યું હતું કે, મારું માનવું છે કે જો એલઆઈસીની પ્રાઈઝ થોડી વધારે રાખશે તો, મારા મતે એલઆઈસીનું જે નામ છે અને પ્રતિષ્ઠા છે અને આટલા વર્ષો દરમિયાન તેણે જે બિઝનેસ વિકસાવ્યો છે, તો મને નથી લાગતું કે તેને કોઈ મુશ્કેલી નડશે. લોકોને આમાં ઘણો રસ પડી રહ્યો છે.

જોકે, કેટલાક નિષ્ણાતોનું કહેવું છે કે એલઆઈસી અંગે પણ ચિંતાને બાદ કરી શકાય નહીં. એલઆઈસીના આઈપીઓ સાથે કામ કરી રહેલા એક ઈન્વેસ્ટમેન્ટ બેન્કરનું કહેવું છે કે, પેટીએના લિસ્ટિંગ બાદ તમામ લોકોને મોટો બોધપાઠ શીખવા મળ્યો છે.

નોંધનીય છે કે આ આઈપીઓને હેન્ડલ કરવા માટે સરકારે ગોલ્ડમેન સાક્સ, સિટીગ્રુપ, એસબીઆઈ કેપિટલ માર્કેટ, જેએમ ફાઈનાન્સિયલ, એક્સિસ કેપિટલ, નોમુરા, બોફા સિક્યુરિટીઝ, જેપી મોર્ગન ઈન્ડિયા, આઈસીઆઈસીઆઈ સિક્યુરિટીઝ અને કોટક મહિન્દ્રાને રાખ્યા છે.

Share This :

Related Articles

Leave a Comment