બિઝનેસ / Expert Advice: સુપ્રીયા લાઈફસાયન્સના ધમાકેદાર લિસ્ટિંગ પછી શેર વેચશે, ખરીદશો કે હોલ્ડ કરશો?

  • 29-Dec-2021 09:08 AM

દલાલ સ્ટ્રીટ પર 55 ટકા પ્રીમિયમે લિસ્ટિંગ કરીને ધમાકો કર્યા પછી સૌની નજર સુપ્રીયા લાઈફસાયન્સના શેર પર છે. નિષ્ણાતો આ શેરને અત્યારે વેચવાના બદલે હોલ્ડ કરવાની સલાહ આપે છે કારણ કે એક્ટિવ ફાર્માસ્યુટિકલ સેગમેન્ટમાં તે એક લોંગ ટર્મ પ્લે છે.

રૂ. 274ના ઇશ્યૂ પ્રાઈસ સામે સુપ્રીયા લાઈફસાયન્સનો શેર રૂ. 425 પર લિસ્ટ થયો હતો એટલે કે 55 ટકાનો સીધો ફાયદો થયો હતો. જોકે, ત્યાર પછી તેમાં થોડું પ્રોફીટ બુકિંગ થયું હતું અને શેર રૂ.385ના તળિયા સુધી પહોંચ્યો હતો.

મોતીલાલ ઓસવાલ ફાઈનાન્શિયલ સર્વિસિસના એવીપી રિટેલ રિસર્ચ, સ્નેહા પોદ્દરે જણાવ્યું કે, અમે વિશિષ્ટ પ્રોડક્ટ પોર્ટફોલિયો માટે સુપ્રીયાને પસંદ કરીએ છીએ. તેનું બેકવર્ડ ઇન્ટીગ્રેટેડ બિઝનેસ મોડલ અને ફાઇનાન્શિયલ સ્થિતિ ઘણી સારી છે. આ ઉપરાંત તે એપીઆઈ માર્કેટમાં રહેલી તકનો સારો ઉપયોગ કરી શકશે કારણ કે તે ડાઈવર્સિફિકેશન પર આધારિત મજબૂત પાઈપલાઈન ધરાવે છે.

કંપની એક વિશિષ્ટ પોર્ટફોલિયો ધરાવે છે જેમાં 38 એપીઆઈ સામેલ છે. તેનું ફોકસ મુખ્યત્વે ડાઇવર્સ થેરાપ્યુટિક એરિયા પર છે. તે ચોક્કસ વિશિષ્ટ પ્રોડક્ટમાં ભારતની સૌથી મોટી નિકાસકાર છે અને રેગ્યુલેટેડ તથા નોન-રેગ્યુલેટેડ માર્કેટમાં સંતુલિત હાજરી ધરાવે છે.

કેપિટલવાયા ગ્લોબલ રિસર્ચના ફાર્મા એનાલિસ્ટ અખિલેશ જાટ જણાવે છે કે સુપ્રીયા લાઈફસાયન્સમાં જે લિસ્ટિંગ ગેઈન થયું તે બજારની અપેક્ષા પ્રમાણે જ હતું. તેને મજબૂત ફંડામેન્ટલ્સ, વાજબી વેલ્યુએશન અને ભારતીય બજારમાં આવેલી રિકવરીનો ટેકો મળ્યો છે.

તેમણે કહ્યું કે, જે રોકાણકારોએ માત્ર લિસ્ટિંગ પર નફો કમાવા માટે ઇશ્યૂ સબસ્ક્રાઈબ કર્યો હતો તેઓ અત્યારના સ્તરે નફો બૂક કરી શકે છે. પરંતુ અમે મધ્યમથી લાંબા ગાળા માટે આ શેરને હોલ્ડ કરવાની સલાહ આપીએ છીએ કારણ કે કંપની મૂડીનો ઉપયોગ મૂડીખર્ચની જરૂરિયાતો, દેવાની ચુકવણી અને જનરલ કોર્પોરેટ હેતુઓ માટે કરવાની છે.

જાટ જણાવે છે કે આગામી ત્રણથી પાંચ વર્ષમાં એપીઆઈ અને સ્પેશિયાલિટી કેમિકલ્સ સેગમેન્ટમાં ઝડપી વૃદ્ધિનો અંદાજ હોવાથી આ શેરને રૂ20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો..370થી 380ના સ્તરની આસપાસ ખરીદી શકાય છે.

કંપનીએ બજારમાંથી રૂ.200 કરોડ એકત્ર કર્યા હતા અને તેના ઇશ્યૂને બજારમાં એકંદરે સારો પ્રતિસાદ મળ્યો હતો.

લાંબા ગાળાના રોકાણકારોને આ શેર જાળવી રાખવાની સલાહ અપાય છે જ્યારે નવા રોકાણકારોને દરેક ઘટાડે આ શેરમાં ખરીદી કરવાની ભલામણ કરવામાં આવે છે.

Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.

Share This :

Related Articles

Leave a Comment