બિઝનેસ / બિટકોઈન અને ઈથરને ભૂલી જાઓ, આ ક્રિપ્ટો કોઈન આપી રહ્યો છે જોરદાર વળતર.

  • 31-Dec-2021 09:14 AM

જૂની અને જાણીતી ક્રિપ્ટોકરન્સીમાં આ વર્ષે ઘણી વોલેટિલિટી જોવા મળી છે અને કેટલાક નિષ્ણાતોનું કહેવું છે કે આ ટ્રેન્ડ 2022માં પણ જોવા મળી શકે છે. ક્રિપ્ટોરન્સીમાં બિટકોઈન અને ઈથેરિયમ ટોચના બે કોઈન છે.

માર્કેટ વેલ્યુ પ્રમાણે ટોચના ત્રણ મોટા ડિજિટલ ટોકન્સમાં બાયનાન્સ કોઈન અથવા તો બીએનબી તેના બે હરીફ કરતા ઘણું સારું પર્ફોર્મ કરી રહ્યો છે. બાઈનાન્સ કોઈન ક્રિપ્ટો એક્સચેન્જ બાયનાન્સ હોલ્ડિંગ્સ લિમિટેડ દ્વારા જારી કરવામાં આવ્યો છે અને અર્કેન રિચર્ચના જણાવ્યા પ્રમાણે 2021માં તેમાં 1,300 ટકાનો ઉછાળો નોંધાયો છે. જ્યારે તેની તુલનામાં નંબર વન ક્રિપ્ટો કોઈન બિટકોઈનમાં 65 ટકા અને બીજા સૌથી મોટા કોઈન ઈથરમાં 408 ટકાનો ઉછાળો જોવા મળ્યો છે.

બાઈનાન્સ વોલ્યુમની દ્રષ્ટીએ વિશ્વનું સૌથી મોટું ક્રિપ્ટો એક્સચેન્જ છે અને આ એક્સચેન્જ પર બીએનબી વધારે ઉપયોગામાં લેવામાં આવે છે. આ બાઈનાન્સ સ્માર્ટ ચેઈનની નેટિવ કરન્સી છે. બાઈનાન્સ સ્માર્ટ ચેઈન એક બ્લોકચેઈન પ્લેટફોર્મ છે જે ડિસેન્ટ્રલાઈઝ્ડ ફાઈનાન્સ અને અન્ય એપ્લિકેશન્સને સપોર્ટ કરે છે.

હાલમાં રોકાણકારો ડિજિટલ એસેટ્સમાં વધારે રસ ધરાવી રહ્યા છે જેના કારણે અન્ય અલ્ટરનેટિવ કોઈન્સ અથવા તો અલ્ટકોઈન્સમાં પણ 2021માં મોટો ઉછાળો જોવા મળ્યો છે. સોલાના અને ફેન્ટમ, અન્ય બ્લોકચેન પ્લેટફોર્મ્સ સાથે જોડાયેલા કોઈન્સ જે સ્માર્ટ કોન્ટ્રાક્ટને સપોર્ટ કરે છે, તે બાઈનાન્સ કોઈનના વળતરને આગળ ધપાવે છે.

"જ્યારે બિટકોઇને 2021માં મજબૂતાઈ બતાવી હતી, ત્યારે અમે મૂડીનો સતત પ્રવાહ એલ્ટકોઇન્સમાં ઘટતો જોયો છે," એમ રિસર્ચ ફર્મે લખ્યું હતું. ફર્મના એનાલિસ્ટ્સે મેટાવર્સ અને ગેમફાઈ સાથે સંબંધિત ટોકન્સમાં સૌથી મજબૂત વેગની આગાહી કરી છે અને તે સાથે "ETH-કિલર" ઈથેરિયમને લક્ષ્યાંક બનાવે છે.

નોંધનીય છે કે છેલ્લા ઘણા સમયથી ક્રિપ્ટોકરન્સીમાં મંદી જોવા મળી છે અને બિટકોઈન સહિત મોટા ભાગના કોઈન્સ અને ટોકન્સની કિંતમાં ઘટાડો જોવા મળી રહ્યો છે.

Share This :

Related Articles

Leave a Comment