બોલીવુડ / મિસ યુનિવર્સના મંચ પર હરનાઝ સંધુએ કેમ નીકાળ્યો બિલાડીનો અવાજ? લારા દત્તાએ આપ્યો જવાબ.

  • 10-Jan-2022 10:24 AM

હરનાઝ સંધુ મિસ યુનિવર્સનો તાજ જીત્યા બાદ ન્યૂયોર્ક પહોંચી ચૂકી છે. અહીં તે એક વર્ષ સુધી રહેશે અને નવા વિજેતા જાહેર થાય ત્યાં સુધી આ શહેર તેનું ઘર બની રહેશે. 21 વર્ષ બાદ બ્યૂટી પેજન્ટની વિનર બની ભારતનું નામ રોશન કરનારી હરનાઝ સંદુને લઈને દેશવાસી ખૂબ જ ગર્વ અનુભવી રહ્યા છે. આ દરમિયાન કંઈક એવું પણ થયુ હતુ કે ભારતના લોકો નારાજ થયા હતા. મિસ યુનિવર્સ 2021માં સવાલ જવાબ વખતે હોસ્ટ સ્ટિવ હાર્વેએ હરનાઝને કંઈ એવું કરવા માટે કહ્યું હતું કે, જે સાંભળીને અનેક લોકો ચોંકી ગયા હતા. જ્યારે એનો વીડિયો સામે આવ્યો તો લોકોએ એને ઈન્ડિયન કન્ટેસ્ટન્ટનું અપમાન ગણાવ્યું હતું.

જ્યારે હરનાઝ સંધુ સેમીફાઈનલ રાઉન્ડમાં પહોંચી તો હોબીની વાત કરતા સ્ટીવે તેને એનિમલ મિમિકિંગમાં ઈન્ટરેસ્ટને લઈને ચર્ચા કરી હતી. એ પછી હરનાઝ સંધુને બિલાડીનો અવાજ નીકાળવા માટે કહેવાયુ. સૌની સામે આ સવાલ કરવામાં આવ્યો તો હરનાઝ સંધુ જરાય પણ ગભરાઈ નહીં અને સારી રીતે આખી સ્થિતિને સાચવી લીધી હતી. પછી તેણે બિલાડીનો અવાજ નીકાળ્યો હતો. આનો વીડિયો ખૂબ જ વાયરલ થયો હતો અને સોશિયલ મીડિયા પર ઈશ્યૂ બની ગયો હતો. આ વીડિયોને લઈને લારા દત્તાએ પોતાની સલાહ રજૂ કરી છે અને જણાવ્યું કે કેમ હરનાઝને આવો સવાલ કરવામાં આવ્યો.

આ રીતે હરનાઝે કર્યુ હતુ રિએક્ટ

harnaaz 1


સ્ટીવ હાર્વેએ એનિમલનો અવાજ મિમિક કરવા માટે કહ્યું તો હરનાઝ સંધુ જરાય પણ નર્વસ ન થઈ. તેણે સ્ટેજ પર જજ અને સૌની સામે જ રિએક્શન આપતા કહ્યું હતું કે, હે ભગવાન. મને વિશ્વાસ નથી આવતો કે વર્લ્ડ ક્લાસ પ્લેટફોર્મ પર સૌની સામે મારે આ કરવું પડે છે. પરંતુ હું કરી પણ શું શકું છું? મારી પાસે આ કરવા સિવાય બીજો કોઈ રસ્તો નથી.

એ પછી તેણે કહ્યું કે, તે બિલાડીનો અવાજ નીકાળવાનો પ્રાયસ કરશે. એ પછી હરનાઝે મજાકિયા અંદાજમાં બધાને ચેતવ્યા અને પછી મ્યાઉં મ્યાઉંનો અવાજ નીકાળ્યો હતો. તેણે કહ્યું કે, કોઈએ પોતાની હોબી સાથે સમજૂતી કરવી જોઈએ નહીં, કારણ કે એ તમને ડ્રીમ કરિયરની નજીક પણ લઈ જઈ શકે છે.
લારા દત્તાએ કહી આ વાત

harnaaz2


લારા દત્તાએ એક ઈન્ટરવ્યૂમાં પોતાની સલાહ રજૂ કરતા કહ્યું કે, પેજન્ટના દરેક કન્ટેસ્ટન્ટ્સને 15 પેજના સવાલાનો જવાબ આપવાના હોય છે. હરનાઝે એમાં લખ્યું હતું કે, તેને એનીમલ સાઉન્ડ મિમિક કરવું ગમે છે અને એટલા માટે પ્રતિયોગિતા દરમિયાન સ્ટીવ હાર્વેએ તેને આ સવાલ કર્યો હતો. આ સવાલ પૂછવા પાછળનો ઈરાદો ભારતીય કન્ટેસ્ટન્ટને અજીબો ગરીબ સ્થિતિમાં મૂકવાનો નહોતો. તેમણે તો એ ફોર્મમાંથી સવાલ પૂછ્યો કે જેને ખુદ હરનાઝ સંધુએ લખ્યો હતો.

પર્સનાલિટીને જજ કરવા

harnaaz3
લારા દત્તાએ એવું પણ કહ્યું કે, આવા પ્રકારના સવાલો પર્સનાલિટીની બીજુ બાજુને જજ કરવા માટે હોય છે. દરેક સવાલ દુનિયાને બચાવવા માટે સાથે સંકળાયેલો હોય એવું જરૂરી નથી. જ્યારે માત્ર 16 જ કન્ટેસ્ટન્ટ બચ્યા હોય ત્યારે માહોલની ચિંતા ઘટાડવા માટે આવું બધુ કરવામાં આવે છે. હરનાઝે આ સવાલ પાછળનો ગંભીર અર્થ શોધવાના બદલે તેને લાઈટલી લીધો અને જે રીતે રિએક્ટ કર્યુ એ ખૂબ જ સારુ હતું.

હરનાઝે પણ આપ્યો હતો લારા જેવો જવાબ

harnaaz4
હરનાઝ સંધુએ એક ઈન્ટરવ્યૂ દરમિયાન કહ્યું હતું કે, આ સવાલ કેમ અનુચિત હતો? તેણે કહ્યું હતું કે, જો તમને લાગે છે કે દરેક પેજન્ટ પરફેક્ટ હોય છે, તો એવું જરાય હોતુ નથી. હરનાઝ સંધુએ આગળ કહ્યું કે, મને ખુશી છે કે સ્ટિવ જેવી જબરદસ્ત પર્સનાલિટીવાળા શખ્સે મને આવું કરવા માટે કહ્યું. જેના કારણે તેને તેની પર્સનાલિટીની બીજુ બાજુ અને ટેલેન્ટની રજૂ કરવાની તક મળી.

Share This :

Related Articles

Leave a Comment