ગુજરાત / ગુજરાતમાં 115 દિવસ પછી કોરોના વાયરસના 300થી વધુ એક્ટિવ કેસ.

  • 20-Nov-2021 09:12 AM

ગુજરાતમાં ગુરુવારે 42 નવા કોવિડ -19 પોઝિટિવ કેસ નોંધાયા છે, જે મુજબ દૈનિક કેસોમાં 19%નો ઘટાડો થયો છે. જો કે, રાજ્યમાં 115 દિવસ પછી કોરોનાના એક્વિક કેસોની સંખ્યા 300ને વટાવીને 312 પર પહોંચી ગઈ છે.

રાજ્યના આરોગ્ય વિભાગ દ્વારા જાહેર કરેલા આંકડા મુજબ ગુજરાતમાં ગુરુવાર સાંજ સુધી છેલ્લા 24 કલાકમાં કુલ 42 નવા કેસ નોંધાયા છે. નવા પોઝિટિવ કેસમાં અમદાવાદ શહેરમાંથી 9, વડોદરા શહેરમાંથી 8, સુરત શહેરમાં 6, કચ્છમાંથી 4, જામનગર શહેર, વલસાડ અને વડોદરામાંથી 3-3, રાજકોટ શહેર અને સુરતમાંથી 2-2 અને ભાવનગર, ગાંધીનગર શહેર, ભરૂચ અને નવસારી જિલ્લામાં 1-1 કેસનો સમાવેશ થાય છે.

115 દિવસ બાદ એક્ટિવ કેસની સંખ્યા 300ને પાર
પ્રાપ્ત માહિતી અનુસાર દિવાળીના તહેવારો પછી વકરેલા કોરોના સંક્રમણથી બુધવારે ચાર મહિના પછી પહેલી વખત કોરોનાના કેસની સંખ્યા 54 પર નોંધાયા બાદ ગુરુવારે (44 કેસ) ઘટાડો નોંધાયો છે. સતત વધતા કેસની સામે સાજા થનારા દર્દીઓની સંખ્યા ચાર મહિના પછી પહેલી વખત એક્વિ કેસની સખ્યા 300ને પાર થઈ છે. મીડિયા રિપોર્ટ મુજબ 27 જુલાઈ 2021ના રોજ એક્ટિવ કેસની સંખ્યા આંટલી હતી. હવે રાજ્યમાં એક્ટિવ કેસની સંખ્યા 312 થઈ છે. જેમાં સૌથી વધારે અમદાવાદમાં 130 એક્ટિવ કેસ, વડોદરામાં 51 અને વલસાડમાં 34 જેટલા એક્ટિવ કેસો છે.

રસીકરણના આંકડા પર નજર કરીએ તો રાજ્યમાં એક જ દિવસમાં 4.93 લાખનું રસીકરણ થતાં કુલ વેક્સીન ડોઝનો આંકડો 7.62 કરોડ પર પહોંચ્યો છે. રાજ્યના આરોગ્ય વિભાગના બુલેટિનમાં જણાવ્યું હતું કે કુલ દર્દીઓમાંથી છ વેન્ટિલેટર પર હતા. શહેરના એક ફિઝીશિયને કહ્યું કે, શહેર સ્થિત હોસ્પિટલોમાં 10થી ઓછા દર્દીઓ દાખલ છે. તે સૂચવે છે કે દર્દીઓને ઓછા ઓક્સિજન અથવા સઘન સારવારની જરૂર પડી શકે છે. જો કે આપણે સાવચેત રહેવું જોઈએ.'

Share This :

Related Articles

Leave a Comment