બિઝનેસ / બિલિયોનેર રોકાણકારે બિટકોઈનને લઈને કરી મોટી આગાહી.

  • 11-Jan-2022 08:27 AM

બિટકોઈન અને ક્રિપ્ટોકરન્સીની કિંમતોમાં ગત સપ્તાહથી મોટો ઘટાડો થયો છે. ક્રિપ્ટો માર્કેટ નવેમ્બરમાં તેના પીક પર હતું ત્યાંથી તેમાં લગભગ 1 ટ્રિલિયન ડોલરનો કડાકો બોલી ગયો છે. આવું ત્યારે થયું છે કે, જ્યારે તાજેતરમાં જ વોલ સ્ટ્રીટ જાયન્ટ ગોલ્ડમેન સાક્સે બિટકોઈનની કિંમતમાં જોરદાર ઉછાળાની શક્યતા વ્યક્ત કરી હતી.

વર્ષ 2022ની શરૂઆતથી અત્યાર સુધીમાં બિટકોઈનની કિંમતમાં લગભગ 10 ટકાનો ઘટાડો થઈ ચૂક્યો છે. તેનો ભાવ ગત વર્ષના લગભગ 70 હજાર ડોલરના હાઈ પરથી ગગડીને હાલમાં 40 હજાર ડોલરની આસપાસ પહોંચી ગયો છે. આ ઉપરાંત બીજી મોટી ક્રિપ્ટોકરન્સીઝ ઈથેરિયમ, બાઈનાન્સની બીએનબી, સોલાના, કાર્ડેનો અને એક્સઆરપીની કિંમતો પણ ઘટી છે. આ બધી ક્રિપ્ટો આ સપ્તાહે બે આંકડાની ટકાવારી ગુમાવી દીધી છે.

હવે, જ્યારે ટ્રેડર ક્રિપ્ટોમાં વેચાવલી અટકે તેની આતુરતાથી રાહ જોઈ રહ્યા છે, ત્યારે બિટકોઈન અને ક્રિપ્ટો બિલિયોનેર માઈક નોવોગ્રેટ્ઝનું માનવું છે કે, બિટકોઈનની કિંમતમાં હવે વધુ ઘટાડો નહીં થાય. તેમણે બિટકોઈનના ભાવ આ સપ્તાહના 40,680 ડોલરના નીચલા સ્તરથી હવે વધવાની શક્યતા વ્યક્ત કરી છે.

ક્રિપ્ટો ઈન્વેસ્ટમેન્ટ મેનેજમેન્ટ કંપની ગેલેક્સી ડિજિટલના ચીફ એક્ઝિક્યુટિવ નોવોગ્રેટ્ઝએ સીએનબીસીને જણાવ્યું કે, '38,000થી 40,000 ડોલર બોટમ હોય તેવું લાગી રહ્યું છે.' તેમણે જણાવ્યું કે, ઘણા મોટા પ્રમાણમાં ઈન્સ્ટિટ્યૂશનલ ડિમાન્ડ સાઈડલાઈનમાં છે.

ફોર્ટેસ અને ગોલ્ડમેન સાક્સમાં કામ કર્યા પછી 2017માં બિટકોઈન અને ક્રિપ્ટોમાં ઝંપલાવનારા નોવોગ્રાટ્ઝે કહ્યું કે, 'હું એવી મોટી સંસ્થાઓને જાણું છું કે જે પોઝિશન્સ ઓન પર મૂકવાની પ્રક્રિયામાંથી પસાર થઈ રહ્યા છે અને તેથી મને લાગે છે કે, તેઓ તેને ખરીદવા માટે આકર્ષક સ્તર તરીકે જોશે.'

 



વોલ સ્ટ્રીટના દિગ્ગજો અને સંસ્થાકીય રોકાણકારો 2020થી ક્રિપ્ટોકરન્સી બજારમાં તરફ વળ્યા છે કેમકે ડિજિટલ એસેટ્સ ટ્રેડર્સનું ધ્યાન ખેંચી રહી છે. છેલ્લા બે વર્ષમાં બિટકોઈનની કિંમત લગભગ 400 ટકા વધી છે, સાથે જ તેનાથી નાની ક્રિપ્ટોકરન્સી જેમકે ઈથેરિયમ અને સોલાનાની કિંમત સારી એવી વધી છે.

જોકે, બિટકોઈન આવનારા સમયમાં સોનાનું સ્થાન ઝૂંટવી લેશે તેવી ઘણા મોટા રોકાણકારોની આગાહી છતાં બિટકોઈન અને ક્રિપ્ટોકરરન્સીમાં સતત વધ-ઘટ થતી રહેતી હોવાથી ઘણા મોટા રોકાણકારો તેનાથી દૂર રહ્યા છે.

ફેડરલ રિઝર્વએ તેની ડિસેમ્બરની મીટિંગની મિનિટ્સ બહાર પાડ્યા પછી આ સપ્તાહે બિટકોઈનના ભાવમાં મોટો કડાકો બોલી ગયો હતો, જેમાં અધિકારીઓએ વ્યાજ દરમાં વહેલા અને ઝડપી વધારો કરવાની અને વધતા જતા ફુગાવા પર લગામ લગાવવા માટે ફેડની મોટી બેલેન્સશીટને ઘટાડવાની શક્યતા અંગે ચર્ચા કરી હતી.

આ સપ્તાહે રિબાઉન્ડિંગ પહેલા બિટકોઈનની કિંમત 40,000 પ્રતિ બિટકોઈનના નીચા સ્તરે આવી ગઈ હતી અને હવે તે વધીને 42,000 ડોલર પર પહોંચી ગઈ છે. ઈથેરિયમની કિંમત આ સપ્તાહે તેની નીચી સપાટીથી ઉછળી છે, જે તેના નાના હરીફો બાઈનાન્સના બીએનીબ અને સોલાના ને કાર્ડોનોના ભાવમાં તેજી લાવવામાં મદદ કરે છે, રિપલના એક્સઆરપીની કિમતમાં પણ વધારો થયો છે.


નોવોગ્રેટ્ઝે કહ્યું કે, 'આપણી પાસે હાલ ફિલોસોફી છે કે, ફેડ કાયમ માટે દરો નીચા રાખશે અને હાલમાં પણ તેઓ બે વર્ષમાં ધીમે ધીમે દર વધારીને 2 ટકા કરશે અને થોડા સમય માટે ટ્રેઝરીઝ ખરીદવાનું ચાલુ રાખશે. એટલે આપણે લિક્વિડિટી બબલમાં છીએ.' તેમણે ચેતવણી પણ આપી કે, જો ફે ફુગાવાને કાબુમાં રાખવામાં નિષ્ફળ રહેશે તો સ્થિતિ કાબૂ બહાર જઈ શકે છે.

Share This :

Related Articles

Leave a Comment