બોલીવુડ / એક્ટર સિદ્ધાર્થે કરેલી કથિત વાંધાજનક ટ્વિટનો સાઈના નેહવાલે આપ્યો જવાબ.

  • 11-Jan-2022 08:29 AM

ભારતની મહિલા બેડમિન્ટન પ્લેયર સાઈના નેહવાલનું કહેવું છે કે વડાપ્રધાન નરેન્દ્ર મોદીની 'સુરક્ષામાં ગંભીર ચૂક'ના મુદ્દે તેણે ચિંતા વ્યક્ત કરી હતી કે જેના પર એક્ટર સિદ્ધાર્થની કોમેન્ટ યોગ્ય નહોતી અને તે આ કોમેન્ટ માટે 'સારા શબ્દો'નો ઉપયોગ કરી શક્યો હોત. હવે બોલિવૂડ અને સાઉથ ફિલ્મોનો એક્ટર સિદ્ધાર્થ, રાષ્ટ્રીય બેડમિન્ટન પ્લેયર અને બીજેપી સભ્ય સાઈના નેહવાલ પર વાંધાજનક ટિપ્પણી કરીને ખરાબ રીતે ભરાઈ ગયો છે.


સાઈના ભાજપની સભ્ય છે અને તેણે એક નિવેદનમાં કહ્યું કે 'મને નહોતી ખબર કે તેનો શું મતલબ હતો. હું તેને એક એક્ટર તરીકે પસંદ કરતી પણ આ સારું નહોતું. તે સારા શબ્દોનો ઉપયોગ કરી શક્યો હોત પણ મને લાગે છે કે ટ્વિટર પર આ પ્રકારના શબ્દો અને કોમેન્ટ્સથી તમે હંમેશાં ધ્યાન આકર્ષિત કરો છો. બીજી બાજુ મહિલા આયોગે કહ્યું કે આ મામલે ગંભીરતાને ધ્યાને રાખતા રેખા શર્માએ ટ્વિટર ઈન્ડિયાના સ્થાનિક ફરિયાદ અધિકારીને પત્ર લખીને જણાવ્યું કે તાત્કાલિક સિદ્ધાર્થનું ટ્વિટર અકાઉન્ટ બ્લોક કરવામાં આવે. અહીં ઉલ્લેખનીય છે કે સાઈના અત્યારે ઈન્ડિયા ઓપન 2022ની તૈયારીઓમાં વ્યસ્ત છે.

શું છે સમગ્ર મામલો?

સાઈનાએ ટ્વિટ કરી હતી કે 'કોઈપણ રાષ્ટ્ર પોતે સુરક્ષિત હોવાનો દાવો કરી શકે નહીં, જો તેના પોતાના વડાપ્રધાનની સુરક્ષા સાથે સમાધાન કરવામાં આવે. હું કડક શબ્દોમાં અરાજકતાવાદીઓ દ્વારા પીએમ મોદી પર કાયરતાપૂર્ણ હુમલાની નિંદા કરું છું.' ત્યારબાદ સાઈનાએ હેશટેગ કરીને #BharatStandsWithModi લખ્યું હતું. સાઈનાની આ ટ્વિટ પર એક્ટર સિદ્ધાર્થે લખ્યું કે 'વિશ્વની નાની...ચેમ્પિયન...ઈશ્વરનો આભાર કે અમારી પાસે ભારતના રક્ષક છે.' ત્યારબાદ સિદ્ધાર્થે હેશટેગ રિહાના લખ્યું હતું. પોતાની કોમેન્ટ પર વિવાદ શરૂ થયા પછી સિદ્ધાર્થે કહ્યું કે 'કશું અપમાનજનક કહેવાનો ઈરાદો નહોતો, ના તો એવું કહ્યું હતું અને ના એવો કોઈ સંકેત આપ્યો હતો.'

Share This :

Related Articles

Leave a Comment