ગુજરાત / રિલાયન્સ જિયોએ લૉન્ચ કર્યો દરરોજના 2 જીબી ડેટાનો પ્લાન, કેટલી છે કિંમત?

  • 11-Jan-2022 10:05 AM

રિલાયન્સ જિયોએ તેના પ્રીપેઈડ સબસ્ક્રાઈબર્સ માટે નવો મહિનાનો રિચાર્જ પ્લાન લૉન્ચ કર્યો છે. મહિનાના આ પ્રીપેઈડ પ્લાનમાં દરરોજનો 2 જીબી ડેટા મળશે અને આ પ્લાનની કિંમત રૂપિયા 499 છે. રિલાયન્સ જિયોના આ નવા પ્રીપેઈડ પ્લાનમાં અન્ય લાભો જેવા કે અનલિમિટેડ વૉઈસ કૉલિંગ અને દિવસના 100 એસએમએસ પણ મળશે. રિલાયન્સ જિયોનો રૂપિયા 499નો પ્રીપેઈડ પ્લાન માય જિયો એપ અને જિયો.કોમ વેબસાઈટ પર ઉપલબ્ધ છે.

રિલાયન્સ જિયોના રૂપિયા 499ના એક મહિનાના પ્લાનમાં 28 દિવસની વેલિડીટી મળશે. જેમાં દરરોજનો 2 જીબી ડેટા યૂઝ કરવા મળશે. દિવસ દરમિયાન જો 2 જીબી ડેટા પૂરો થઈ જાય ત્યારે ઈન્ટરનેટ સ્પીડ ઘટીને 64 કેબીપીએસ થઈ જશે. આ સાથે જ રૂપિયા 499ના રિલાયન્સ જિયોના પ્લાનમાં અનલિમિટેડ વોઈસ કોલિંગ અને દરરોજના ફ્રી 100 એસએમએસ મળશે. જ્યારે વધારાના લાભના ભાગરૂપે જિયો એપ્લિકેશનનો યૂઝ કરી શકાશે. આ સાથે જ પ્લાનમાં યૂઝર્સને ડિઝની પ્લસ હૉટસ્ટારનું ફ્રી મોબાઈલ સબસ્ક્રિપ્શન મળશે.

હવે રિલાયન્સ જિયોના આ 499ના પ્લાનની સરખામણી એરટેલના રૂપિયા 359ના પ્લાન સાથે થઈ રહી છે. એરટેલના પ્લાનની વેલિડીટી પણ 28 દિવસની છે. કારણકે, એરટેલના 359ના પ્રીપેઈડ પ્લાનમાં દરરોજનો 2 જીબી ડેટા સહિત અનલિમિટેડ વોઈસ કોલિંગ, દિવસના 100 એસએમએસ મળશે. સાથે જ યૂઝર્સને એરટેલ એક્સટ્રીમ એપ પર એક એક્સટ્રીમ ચેનલ 28 દિવસ સુધી ફ્રી યૂઝ કરવા મળશે. સાથે જ 28 દિવસ માટે પ્રાઈમ વિડીયો મોબાઈલ એડિશન યૂઝ કરવા મળશે. જ્યારે વોડાફોન આઈડિયામાં રૂપિયા 359નો પ્રીપેઈડ પ્લાન છે કે જેમાં 28 દિવસની વેલિડીટી સહિત દિવસનો 2 જીબી ડેટા, અનલિમિટેડ વોઈસ કોલિંગ અને દિવસના 100 એસએમએસનો લાભ મળે છે.

ગત નવેમ્બર મહિના દરમિયાન 4G ડાઉનલોડ સર્વિસ પ્રોવાઇડર્સમાં સૌથી વધુ 24.1 મેગાબાઇટ પ્રતિ સેકન્ડની સ્પીડ સાથે રિલાયન્સ જિયો સૌથી વધુ સરેરાશ સ્પીડ આપવાના ચાર્ટમાં ટોચ પર રહ્યું છે, તેમ ટેલિકોમ રેગ્યૂલેટરી ઓથોરિટી ઓફ ઇન્ડિયા (ટ્રાઈ) દ્વારા જાહેર કરાયેલાં ડેટામાં જણાવવામાં આવ્યું હતું. જ્યારે ટ્રાઈ દ્વારા નવેમ્બર મહિનાના 4G સ્પીડને લઈને આંકડાઓ જાહેર કરવામાં આવ્યા હતા. જેમાં 4G ડાઉનલોડ સ્પીડ મામલે જિયો પહેલા નંબરે છે, જ્યારે બીજા નંબરે વોડાફોન-આઈડિયા (VI) તો ત્રીજા સ્થાને એરટેલ હતું.

Share This :

Related Articles

Leave a Comment