ગુજરાત / IPSનો કોલર પકડ્યો.. મહિલા SIને માર માર્યો, રોડ પર પોલીસ પરિવારનો હોબાળો.

  • 15-Jan-2022 08:55 AM

છત્તીસગઢની રાજધાની રાયપુરમાં પ્રદર્શનકારીઓએ મહિલા SIને માર માર્યો છે. માર મારનારાઓ પોલીસ પરિવારના સભ્યો છે. આ લોકો પોતાની માંગણીઓ માટે રાયપુરમાં વિરોધ પ્રદર્શન કરી રહ્યા હતા. આ દરમિયાન હાઈવે બ્લોક કરી દેવામાં આવ્યો હતો. એક મહિલા તાલીમાર્થી IPS વિરોધીઓને સમજાવવા ગયા હતા. આ દરમિયાન કેટલીક મહિલાઓએ આઈપીએસનો કોલર પકડી લીધો હતો. ત્યારે ત્યાં ફરજ પરની મહિલા એસઆઈ બચાવવા આવ્યા હતા.
 

બચાવ માટે ગયેલા મહિલા એસઆઈને પોલીસ પરિવારના સભ્યોએ પકડી લીધા હતા. એસઆઈને પકડ્યા બાદ ઘણી મહિલાઓએ માર મારવાનું શરૂ કર્યું. ઘણા પ્રયત્નો બાદ પ્રદર્શનકારીઓને ત્યાંથી હટાવી લેવામાં આવ્યા હતા અને મહિલા એસઆઈને બચાવી લેવામાં આવ્યા હતા. ઉલ્લેખનીય છે કે, છત્તીસગઢમાં આસિસ્ટન્ટ કોન્સ્ટેબલના પરિવારની મહિલાઓ પગાર અને પ્રમોશનમાં વધારાની માંગ સાથે રાયપુરમાં ઘણા દિવસોથી વિરોધ પ્રદર્શન કરી રહી છે.

આંદોલન દરમિયાન પોલીસ પરિવારની મહિલાઓ મંગળવારે હેડ ક્વાર્ટરનો ઘેરાવ કરવા જઈ રહી હતી. પોલીસ પરિવારની મહિલાઓને રસ્તામાં અટકાવવામાં આવી હતી. આ દરમિયાન મહિલાઓએ પોલીસ અધિકારીઓ સાથે ઘર્ષણ કર્યું હતું. આંદોલનકારી મહિલાઓએ તાલીમાર્થી IPS રત્ના સિંહનો કોલર પકડી લીધો અને તેમને મારવાનો પ્રયાસ કર્યો હતો. આ દરમિયાન સબ ઈન્સ્પેક્ટર દિવ્યા સિંહને મહિલાઓના ટોળાએ માર માર્યો હતો.

આ સમગ્ર ઘટનાનો વીડિયો વાયરલ થયા બાદ સબ ઈન્સ્પેક્ટર દિવ્યા સિંહે ડીડી નગર પોલીસ સ્ટેશનમાં ફરિયાદ નોંધાવી છે. આ પછી અજાણી મહિલાઓ વિરુદ્ધ કેસ નોંધવામાં આવ્યો છે. આ સાથે જ પોલીસ પરિવારના હક માટે લડનાર રાકેશ યાદવની પોલીસે ધરપકડ કરી લીધી છે.

એવી પણ માહિતી સામે આવી રહી છે કે, પોલીસ પરિવારના આંદોલનને સમર્થન આપવા માટે બહાર આવેલા ઉજ્જવલ દીવાનને ભૂતકાળમાં મુંબઈ-હાવડા નેશનલ હાઈવે પર અવરોધ ઉભો કરવાના કેસમાં પોલીસે ધરપકડ કરી હતી. મંગળવારે ઉજ્જવલ દિવાનને બચાવવા માટે મોટી સંખ્યામાં પોલીસ પરિવારની મહિલાઓ રસ્તા પર ઉતરી આવી હતી.

નોંધનીય છે કે પોલીસ પરિવારની મહિલાઓનું આંદોલન ઘણા સમયથી ચાલી રહ્યું છે. આને ધ્યાનમાં રાખીને સીએમ ભૂપેશ બઘેલે પહેલાથી જ ડીજીપી અશોક જુનેજાને પગાર ભથ્થા અંગે પ્રસ્તાવ તૈયાર કરવાની સૂચના આપી હતી. પરંતુ ઉજ્જવલ દિવાનની ધરપકડ થતાં મામલો વધુ વણસી ગયો હતો.

Share This :

Related Articles

Leave a Comment