ઇન્ડિયા / પંજાબમાં ચૂંટણી પાછી ઠેલાશે? સીએમ ચન્ની પછી હવે ભાજપે તારીખ બદલવા કરી માગ.

  • 17-Jan-2022 08:50 AM

પંજાબની બધી 117 વિધાનસભા બેઠકો પર એક તબક્કામાં 14 ફેબ્રઆરીએ મતદાન થવાનું છે. પરંતુ, એ પહેલા ચૂંટણીની તારીખને લઈને વિવાદ થઈ ગયો છે. સીએમ ચરણજીત સિંહ ચન્ની પછી હવે ભારતીય જનતા પાર્ટીએ પણ વિધાનસભા ચૂંટણી સ્થગિત કરવાની માંગ કરી છે. મુખ્ય ચૂંટણી કમિશનર સુશીલ ચંદ્રાએ પત્ર લખીને ભાજપને ચૂંટણી ટાળવાની માંગ કરી છે.

પંજાબ ભાજપે ચૂંટણી પંચને પત્રમાં લખ્યું છે કે, રાજ્યના દલિત સમુદાયના ઘણા બધા લોકો સંત રવિદાસની જયંતી પર વારાણસી જશે. રવિદાસ જયંતી 16 ફેબ્રુઆરીએ છે. ભાજપે સીઈસીને લખેલા પત્રમાં કહ્યું છે કે, પંજાબમાં ગુરુ રવિદાસજીને માનનારા દલિત સમાજના ઘણા બધા લોકો રહે છે. રાજ્યમાં અનુસૂચિત જાતિની વસ્તી 32 ટકા છે. વારાણસીમાં ગુરુ પર્વની ઉજવણી માટે લાખોની સંખ્યામાં સમાજના લોકો જશે. એવામાં તેમના માટે વોટિંગ પ્રક્રિયાનો ભાગ બની શકવું શક્ય નહીં બને. એવામાં મતદાનને સ્થગિત કરવું જોઈએ, જેનાથી સમુદાયના લોકો વોટ આપવાથી વંચિત ન રહી જાય.


ઉલ્લેખનીય છે કે, પંજાબના મુખ્યમંત્રી ચરણજીત સિંહ ચન્નીએ પણ રાજ્યમાં 14 ફેબ્રઆરીએ યોજાનારી વિધાનસભા ચૂંટણીને આગળ વધારવાની માગ કરી છે. તેના માટે તેમણે ચૂંટણી પંચને પત્ર લખ્યો છે. સીએમએ ઓછામાં ઓછા છ દિવસ ચૂંટણી સ્થગિત કરવાની માગ કરી છે.

ચૂંટણી પંચને લખેલા પોતાના પત્રમાં ચન્નીને લખ્યું છે કે, '16 ફેબ્રુઆરીએ ગુરુ રવિદાસ જયંતીને પગલે રાજ્યના અનુસૂચિત જાતિ સમુદાયના લોકો વારાણસી જાય છે. એવામાં ચૂંટણીને ઓછામાં ઓછા છ દિવસ માટે સ્થગિત કરી દે.' ચન્ની મુજબ, અનુસૂચિત જાતિ સમુદાયના પ્રતિનિધિઓએ તેમને આ જાણકારી આપી છે.


લગભગ 20 લાખ લોકો પંજાબથી વારાણસી જાય છે
મુખ્યમંત્રી ચન્ની મુજબ, પંજાબમાં અનુસૂચિત જાતિના વોટર લગભગ 32 ટકા છે. સમુદાયના પ્રતિનિધિઓનું કહેવું છે કે જો 14 ફેબ્રુઆરીએ વોટિંગ થયું તો મોટી સંખ્યામાં સમુદાયના લોકો મતદાન નહીં કરી શકે. એક અંદાજ મુજબ, 20 લાખ લોકો સંત રવિદાસની જંયતી પર વારાણસી જાય છે.

Share This :

Related Articles

Leave a Comment