ગુજરાત / ગુજરાતમાં કોરોનાના કેસ ફરી દસ હજારને પાર, આઠ દર્દીના મોત અને 83 વેન્ટિલેટર પર.

  • 17-Jan-2022 08:58 AM

છેલ્લા 24 કલાકમાં ગુજરાતમાં કોરોના વાયરસના નવા 10150 કેસો નોંધાયા છે અને સામે 6096 દર્દીઓ સાજા થયા છે. રાજ્યમાં કોરોનામાંથી સાજા થવાનો દર 92.04 ટકા નોંધાયો છે. રાજ્યમાં આજે સાંજે 5 વાગ્યા સુધીમાં કુલ 1,38,536 વ્યક્તિઓનું રસીકરણ કરવામાં આવ્યું છે. ગુજરાતમાં અત્યાર સુધીમાં કોરોના વાયરસના કુલ 852471 દર્દીઓ ડિસ્ચાર્જ થયા છે જ્યારે કુલ મૃત્યુઆંક 10159 પર પહોંચ્યો છે. ગુજરાતમાં એક્ટિવ કેસો 63610 છે જેમાં 83 દર્દી વેન્ટિલેટર પર જ્યારે 63527 દર્દીઓ સ્ટેબલ છે.

q6


છેલ્લા 24 કલાકમાં અમદાવાદ કોર્પોરેશનમાં 3264, સુરત કોર્પોરેશનમાં 2464, વડોદરા કોર્પોરેશનમાં 1151, રાજકોટ કોર્પોરેશનમાં 378, ભાવનગર કોર્પોરેશનમાં 322 નવા કેસો નોંધાયા છે. જ્યારે સુરત જિલ્લામાં 293, વલસાડમાં 283, ગાંધીનગર કોર્પોરેશનમાં 203, જામનગર કોર્પોરેશનમાં 202, કચ્છમાં 157, ભરૂચમાં 130, આણંદમાં 114, નવસારીમાં 97, વડોદરા જિલ્લામાં 91, મોરબીમાં 90, રાજકોટ જિલ્લામાં 89, મહેસાણામાં 85, પાટણમાં 84, ગીર સોમનાથમાં 83, ગાંધીનગરમાં 61, દેવભૂમિ દ્વારકામાં 55, બનાસકાંઠા-ભાવનગર જિલ્લો-સુરેન્દ્રનગરમાં 54, અમદાવાદ જિલ્લામાં 51 નવા કેસો નોંધાયા છે. રાજ્યમાં કોરોના વાયરસના કારણે વધુ 8 દર્દીના મોત નીપજ્યા છે જેમાં અમદાવાદ કોર્પોરેશનમાં 2, વડોદરા કોર્પોરેશનમાં 1, રાજકોટ અને ભાવનગર કોર્પોરેશનમાં 2-2, તાપીમાં 1 દર્દીનું મોત થયું છે.

q7

કોરોનાનો કોયડો વધુ ગૂંચવાયો, હવે બહાર આવી બે મહામારી સાથે ચાલતી હોવાની વાત

કોરોના વાયરસ અને તેના ઓમિક્રોન વેરિયન્ટના વધી રહેલા સંક્રમણ વચ્ચે વાયરોલોજિસ્ટ ડો. ટી જૈકબ જોને એક ચિંતાજનક વાત કરી છે. તેમણે કહ્યું કે, ઓમિક્રોન કોવિડ-19 મહામારીથી થોડો અલગ છે અને એટલે એવું માનવું જોઈએ કે, બે મહામારીઓ સાથે-સાથે ચાલી રહી છે. તેમણે કહ્યું કે, ઓમિક્રોન કોવિડ-19 મહામારીથી કંઈક અલગ છે અને એટલે માનવું જોઈએ કે, બે મહામારીઓ સાથે-સાથે ચાલી રહી છે. તેમના કહેવા મુજબ, તેના કારણે થનારી બીમારીઓ પણ અલગ છે. એક નિમોનિયા-હાઈપોક્સિયા-મલ્ટીઓર્ગન ડેમેજ રોગ છે, પરંતુ બીજો ઉપરનો/ મધ્ય શ્વસન રોગ છે. એમ પૂછવા પર ક શું ત્રીજી લહેર પોતાના પીક પર પહોંચી ચૂકી છે કેમકે કેટલીક જગ્યાએ કેસ ઓછા થવા લાગ્યા છે, જોને કહ્યું કે મહાનગરોમાં પહેલા સંક્રમણ શરૂ થયું હતું અને પહેલા પુરું થશે. તેમણે કહ્યું કે, 'બધી સાથે મળીને એક રાષ્ટ્રીય મહામારી છે.'

Share This :

Related Articles

Leave a Comment