રાજકારણ / કેજરીવાલનું પંજાબનું મૉડલ, 18 વર્ષથી ઉપરની મહિલાઓને મહિને ₹1000 આપવાની વાત.

  • 17-Jan-2022 09:01 AM

પંજાબમાં આમ આદમી પાર્ટીએ ઝાડુ ફેરવવાની શરુ કરી દીધી છે. પંજબ પહોંચેલા કેજરીવાલે મતદારોને રિઝવવા માટે ખાસ પ્લાન રજૂ કર્યો છે. મોહાલી પહોંચેલા કેજરીવાલે 10 પોઈન્ટમાં પંજાબ મૉડલ તૈયાર કર્યું છે. તેમણે આ 10 પોઈન્ટમાં જણાવ્યું છે કે જો પંજાબમાં તેમની સરકાર આવશે તો તેઓ શું કરશે.. તેમણે પંજાબને સુખી અને સંપન્ન રાજ્ય બનાવવાનો વાયદો કર્યો છે. તેમણે પંજાબમાં પાર્ટી સત્તામાં આવે તો 18 વર્ષથી ઉપરની ઉંમરની તમામ મહિલાઓને મહિલાને એક હજાર રૂપિયા આપવાની પણ જાહેરાત કરી છે.

અરવિંદ કેજરીવાલે કહ્યું કે 1966માં પંજાબ અલગ રાજ્ય બન્યું હતું, ત્યારથી લઈને 25 વર્ષ સુધી કોંગ્રેસે અને 19 વર્ષ સુધી બાદલ પરિવારે કોંગ્રેસ પર રાજ કર્યું. બન્નેએ પાર્ટનરશિપમાં પંજાબમાં રાજ કર્યું. બન્ને મળીને લૂંટીને ખાતા રહ્યા હતા. હવે આમ આદમી પાર્ટીની સરકાર બનશે.

અરવિંદ કેજરીવાલે કહ્યું કે હું માનુ છું કે જે સંયુક્ત પાર્ટી (બલબીર સિંહ રાજેવાલની નેતૃત્વવાળી) પંજાબ વિધાનસભા ચૂંટણી અલગતી લડે છે, તો તે નિશ્ચિત રીતે આમ આદમી પાર્ટીના મતોને અસર કરશે. તેમણે કહ્યું કે રાજેવાલ અમારી પાસે આવ્યા હતા, પરંતુ ત્યારે તેઓ 117 બેઠકોવાળી પંજાબમાં 90 ટિકિટ વહેંચી ચૂક્યા હતા. રાજેવાલ 60 બેઠકો માગતા હતા. મેં તેમને કહ્યું 10-15 સીટો લઈ શકે છે કારણ કે હું તેમને ટિકિટ આપી ચૂક્યો છું, હવે પાછી નહીં લઉં, જેના કારણે તેમની સાથે મળીને ચૂંટણી લડવા પર વાત ના બની.

'નવું સુખી, સંપન્ન પંજાબ બનાવીશું'

દિલ્હીના મુખ્યમંત્રી અરવિંદ કેજરીવાલે લોકોના ઈનપુટના આધારે પંજાબમાં આપનું મૉ઼લ તૈયાર કર્યું. આપની સરકાર આવશે તો પંજાબ, સુખી, વિકાસ અને પ્રગતિ કરવાનું રાજ્ય બનાવીશું.

'આપથી ગભરાઈ રહી છે તમામ પાર્ટીઓ'

આમ આદમી પાર્ટીની સરકાર આવી રહી છે, તમામ પાર્ટીઓને ડર લાગી રહ્યો છે. ફરીથી પાર્ટીને હરાવવા માટે એક થઈ ગયા છે. પંજાબ તૈયાર છે, અમે તૈયાર છીએ લોકોના ઈરાદા પર પાણી ફેરવવા માટે.

પંજાબમાં કાયદો અને વ્યવસ્થા બહુ જ ખરાબ છે. ચાર-પાંચ મહિનામાં ઘણાં કેસ થયા છે. પીએમની સુરક્ષામાં છીંડું પડ્યું. પંજાબ સરકાર દોષિતો સાથે મળેલી છે. પીએમ પણ સુરક્ષિત હશે, સામાન્ય જનતા પણ સુરક્ષિત હશે, કોઈ બોમ્બ બ્લાસ્ટ નહીં થાય.

આપનું 10 પોઈન્ટવાળું પંજાબ મૉડલ

1. અરવિંદ કેજરીવાલે કહ્યું કે પંજાબમાં રોજગારની તકો લાવીશું, તેમની સરકાર આવી તો પંજાબ છોડીને કેનેડા ગયેલા લોકો કેનેડા છોડીને પંજાબ આવવા લાગશે.

2. પંજાબની જવાની નશામાં ડૂબેલી છે. ગામ-ગામમાં ખુલેઆમ નશો વેચાય છે. પંજાબમાં ડ્રગ્સ મોટી સમસ્યા છે. અમે નશાનું સિન્ડિકેટ ખતમ કરીશું. નશા માફિયા ખતમ કરીશું.

3. કાયદો વ્યવસ્થા સારા કરીશું. તમામ ધર્મોના ગ્રંથો સાથે ખોટું થયું પરંતુ આ મામલે કોઈ કાર્યવાહી ના થઈ. ષડ્યંત્રમાં પાર્ટીઓની સંડોવણી હોવાથી કાર્યવાહી ના થઈ. રોજ કેસ આવી રહ્યા છે. લોકોની ભાવનાઓને ઠેસ પહોંચી રહી છે. કડકમાં કડક કાર્યવાહી કરીશું. કોઈ પાર્ટીના નેતા સાથે સેટિંગ નથી, દરેક દોષીને સજા મળશે.

4. પંજાબમાં ભ્રષ્ટાચાર ખતમ કરીશું. પંજાબમાં રૂપિયાની અછત નહીં આવે. સાડા ત્રણ લાખ કરોડનું દેવું છે. પંજાબ બેહાલ છે. ઓફિસોમાં લોકો 10-10 આંટા મારે છે. રૂપિયા વગર કામ નથી થતા. અમે પંજાબને ભ્રષ્ટાચાર મુક્ત કરીશું.

5. શિક્ષા, સરકારી સ્કૂલોની ખરાબ હાલત. ટીચર ભણાવવાના બદલે ધરણા પર બેઠા છે. તેમના પર લાકડીઓ ચલાવવામાં આવી રહી છે. અમે દિલ્હી મૉડલની જેમ પંજાબની સ્કૂલો અને તેના શિક્ષણને સારા બનાવીશું.

6. હેલ્થ સેક્ટરમાં કામ કરીશું. દિલ્હીની જેમ સારા મોહલ્લા ક્લિનિક બનાવીશું. પંજબના ત્રણ કરોડ લોકોને ગેરંટી આપીએ છીએ કે ભલે બીમારી ગમે તેવી હોય ઈલાજ સંપૂર્ણ રીતે મફતમાં કરીશું.

7. પંજાબ વીજળી પેદા કરે છે છતાં અહીં વીજળી મોંઘી છે અને વીજળીમાં કાપ મૂકાય છે. અમે વીજળી ફ્રી અને 24 કલાક કરીશું.

8. 18 વર્ષથી ઉપરની મહિલાઓને 1 હજાર રૂપિયા દર મહિને તેમના અકાઉન્ટમાં જમા કરવીશું.

9. ખેતી વ્યવસ્થાને બરાબર કરીશું. ખેડૂતોની તમામ તકલીફોનું સમાધાન લાવીશું. કેન્દ્ર પાસે ખેડૂતોના જે મુદ્દા છે, ત્યાં પણ સંઘર્ષ કરીશું.

10. વેપાર અને ઈન્ડસ્ટ્રી, રેડ રાજ્ય બંધ કરીશું. ઈમનદાર વ્યવસ્થા લાગુ કરીશું. જેથી વેપાર અને રોજગાર વધે અને યુવાનોને રોજગાર મળે.

Share This :

Related Articles

Leave a Comment