ગુજરાત / રાજકોટમાં ફરસાણની દુકાનમાં ત્રાટક્યા ચોર, ગાંઠિયા-પાપડી અને લાડવા ચોરી ગયા!.

  • 17-Jan-2022 09:03 AM

 કોરોના વાયરસની આ મહામારીમાં પણ ચોરીની ઘટનાઓ બંધ થઈ રહી નથી. ત્યારે રાજકોટ શહેરના કુવાડવામાં મોડી રાત્રે ચોરીની ઘટના બની છે કે જેમાં ફરસાણ અને મોબાઈલની દુકાનમાં ત્રાટકેલા તસ્કરો મોબાઈલ સહિત લાડવા, ગાંઠિયા અને તીખી-મોળી પાપડી પણ ચોરી ગયા હોવાનું જાણવા મળ્યું છે. ચોરીની આ સમગ્ર ઘટના CCTV કેમેરામાં કેદ થઈ છે.

મળતી માહિતી મુજબ, રાજકોટના કુવાડવા વિસ્તારમાં ફરી એકવખત ચોરીની ઘટના સામે આવી છે કે જેમાં 4 જેટલા તસ્કરો ત્રાટક્યા અને મોબાઈલ ફોનની દુકાન તેમજ ફરસાણની દુકાનો સહિત કુલ 3 દુકાનના તાળા તોડીને ચોરીની ઘટનાને અંજામ આપ્યો હતો. ચોરીની આ ઘટનામાં તસ્કરો મોબાઈલની સાથે-સાથે લાડવા, ગાંઠિયા અને તીખી-મોળી પાપડી પણ ચોરી ગયા હતા. દુકાનોમાં ત્રાટકેલા તસ્કરોએ પોતાના બચાવ માટે પથ્થર પણ સાથે રાખ્યા હોવાનું સામે આવ્યું છે. હાલ પોલીસે CCTV ફૂટેજના આધારે આગળની તપાસ હાથધરી છે.

મોડી રાત્રે ત્રાટકેલા તસ્કરો મોબાઈલની દુકાનમાંથી મોબાઈલો અને ફરસાણની દુકાનમાંથી લાડવા, ગાંઠિયા, તીખી-મોળી પાપડી વગેરે ચોરી કરી ગયા હોવાનું સામે આવ્યું છે. મળતી માહિતી મુજબ, મોબાઈલ અને ફરસાણની દુકાનોમાં ત્રાટકેલા તસ્કરો પૂર્વ તૈયારી કરીને આવ્યા હોય તેમ ચોરી કરતી વખતે સાથે પથ્થરની થેલી ભરીને આવ્યા હતા. શટર તોડતી વખતે પથ્થરો બાજુમાં મૂકેલા હતા. ઉલ્લેખનીય છે કે તસ્કરોએ મોબાઇલ અને ફરસાણની દુકાનને બીજી વખત નિશાન બનાવી ચોરી કરી હોવાનું સામે આવ્યું છે.


ગુજરાતમાં સતત બીજા દિવસે કોરોનાના કેસમાં થોડો ઘટાડો જોવા મળ્યો છે. શુક્રવાર કરતા શનિવારે કોરોના કેસમાં આંશિક ઘટાડો નોંધાયો છે. રાજ્યમાં છેલ્લાં ચોવીસ કલાકમાં કોરોનાના નવા 9,177 કેસ નોંધાયા છે. જ્યારે શુક્રવારે રાજ્યમાં કોરોનાના 10,019 કેસ નોંધાયા હતા. રાજ્યમાં કોવિડ-19થી સાજા થવાનો દર 92.39 નોંધાયો છે. અત્યાર સુધીમાં કોરોનાથી કુલ 8,46,375 દર્દીઓએ કોરોનાને મ્હાત આપી હતી.

Share This :

Related Articles

Leave a Comment