બિઝનેસ / SIPની બોલબાલાઃ 7 મહિનામાં મ્યુચ્યુઅલ ફંડમાં 67 હજાર કરોડનું રોકાણ.

  • 22-Nov-2021 09:09 AM

હાલના યુવાનોમાં શેરબજારમાં રોકાણ કરવાનો ટ્રેડ વધી રહ્યો છે. શેરબજારના ભારે રિસ્કવાળા માર્કેટમાં ન ઉતરતાં યંગસ્ટર્સમાં હાલ એસઆઈપી પણ હોટ ફેવરિટ ગણવામાં આવે છે. મ્યુચ્યુઅલ ફંડ ઉદ્યોગમાં સિસ્ટમેટિક ઈન્વેસ્ટમેન્ટ પ્લાન અથવા એસઆઈપી મારફતે રોકાણ ચાલુ નાણાકીય વર્ષના પ્રથમ સાત મહિના (એપ્રિલ-ઓક્ટોબર)માં 67 હજાર કરોડ રૂપિયા પર પહોંચી ગયું છે. આ રિટેલ ગ્રાહકો વચ્ચે સિપની વધતી લોકપ્રિયતાને દર્શાવે છે. એસોસિયેશન ઓફ મ્યુચ્યુઅલ ફંડ ઈન ઈન્ડિયાના આંકડાઓથી આ જાણકારી મળી છે. નાણાકીય વર્ષ 2020-21માં આ રોકાણ માધ્યમથી 96,080 કરોડ રૂપિયાનું રોકાણ આવ્યું હતું.

છેલ્લા પાંચ વર્ષમાં મ્યુચ્યુઅલ ફંડ સિપનું યોગદાન પણ બમણાથી પણ વધારે થઈ ગયું છે. 2016-17માં આ આંકડો 43,921 કરોડ રૂપિયા હતો. આંકડાઓ અનુસાર સિપ મારફતે માસિક સંગ્રહના આંકડા પણ ઓક્ટોબરમાં 10,519 કરોડ રૂપિયાના અત્યાર સુધીના ઉચ્ચતમ સ્તર પર પહોંચી ગયા છે. સપ્ટેમ્બરમાં તે 10,351 કરોડ રૂપિયા હતો.

આ સાથે એયુએમના આંકડા પણ ઓક્ટોબરના અંક સુધી વધીને 5.53 લાખ કરોડ રૂપિયા પર પહોંચી ગયા છે, જે માર્ચના અંત સુધી 4.28 લાખ કરોડ રૂપિયા હતા. છેલ્લા પાંચ વર્ષમાં સિપ એયુએમમાં વાર્ષિક આધાર પર 30 ટકા વૃદ્ધિ થઈ છે, જે મ્યુચ્યુઅલ ફંડ ઉદ્યોગની કુલ સંપત્તિના આધારની વૃદ્ધિના બમણા છે.

ઓક્ટોબરમાં સિપ રોકાણ માટે કુલ 23.83 લાખ નવા રજિસ્ટ્રેશલ થયા હતા. ચાલુ નાણાકીય વર્ષના પ્રથમ સાત મહિના એપ્રિલ-ઓક્ટોબર દરમિયાન કુલ રજિસ્ટ્રેશન 1.5 કરોડ પર પહોંચી ગયું છે. જે ગત સમગ્ર નાણાકીય વર્ષમાં થયેલ 1.41 કરોડ નવા સિપ રજિસ્ટ્રેશનથી વધારે છે. હાલ મ્યુચ્યુઅલ ફંડ કંપનીઓની પાસે 4.64 કરોડ સિપ એકાઉન્ટ છે, જેના મારફતે રોકાણકાર સતત મ્યુચ્યુઅલ ફંડ યોજનાઓમાં રોકાણ કરે છે.

એસઆઈપી મ્યુચ્યુઅલ ફંડમાં રોકાણ માટે સુવિધાજનક અને સરળ રીત છે. તેના માટે નિયમિત રીતે રોકાણ કરવામાં મદદ મળે છે. તે રોકાણમાં જોખમને ઘટાડે છે. સિસ્ટમેટિક ઈન્વેસ્ટમેન્ટ પ્લાન કે દર મહિને એક નિશ્ચિત રકમને તમારા પસંદના વિષયમાં રોકાણ કરવાનો અવસર આપે છે. સામાન્ય રીતે સિપ ઈક્વિટી મ્યુચ્યુઅલ ફંડમાં શરૂ કરવામાં આવે છે. મ્યુચ્યુઅલ ફંડ રોકાણમાં અનુશાસન ખુબ જ મહત્વનું છે અને સિપ તમારા આ અનુશાસનને કાયમ રાખે છે. સિપ નિયમિત રીતે મ્યુચ્યુઅલ ફંડમાં રોકાણ ચાલુ રાખે છે, ભલે શેરબજારમાં તેજી હોય કે મંદી.

Share This :

Related Articles

Leave a Comment